2 SAMUEL 22:3 - BUKUIT NE TILIL

³ Kamuktaindetab ruandennyu, amang’u inendet; Long’ennyu, ak kuinetab yetunennyu, teeksennyu ne koi, ak ole amwechini; Yetindennyu, isorua eng’ koromnatet.

Bukuit Ne Tilil

³ Kamuktaindet ko rwandennyu, ne amang'u. Long'ennyu ak kuinetap yetunennyu, teeksennyu ne kooi ak ole amwechini, yetindennyu ne sarwo eng' koroomnateet.

BUKUIT NE TILIIL Sireet ne Dutero Kanon

³ Kamuktaindet ko rwandennyu, ne amang'u. Long'ennyu ak kuinetap yetunennyu, teeksennyu ne kooi ak ole amwechini, yetindennyu ne sarwo eng' koroomnateet.

2 SAMUEL 22:3 ပူးပေါင်းရင်းမြစ်များ

TAUNET 15:1

Kingobata tuguchu koityi Abram ng’olyotab Jehovah eng’ ng’ang’utiet, kolenji, Ameiywei, Abram; a long’eng’ung’ ak melektang’ung’, ne o ne siirtoot.

2 SAMUEL 22:31

Igesunotgei oretab Kamuktaindet: Kigonaak ng’olyotab Jehovah; Inendet long’etab icheget tugul che imang’u.

2 SAMUEL 22:47

Sobei Jehovah; ak iberurot ruandennyu; Ak ingotororit Kamuktaindetab ruandetab yetunennyu:

2 SAMUEL 22:49

Ne imutwa among’une bunikyuk: Ee, itorora asiir ichek che ng’eetyina: Isorua eng’ chito ne korom.

2 SAMUEL 22:51

Igochin laitoriandennyi sorunet ne o; Ak koborjin nenyi ne iilat chamnyennyi ne tala, Daudi ak iyotennyi agoi koigeny.

2 SAMUEL 23:3

Kile Kamuktaindetab Israel, King’alalwa Ruandetab Israel kole: Inendet ne bou bik eng’ imanda, Ne bou eng’ kaiyweisietab Kamuktaindet,

TIENWOGIKAL 14:6

Ondoi tewernatet ng’alekab kibananiat, Amu Jehovah ole mwechin inendet.

TIENWOGIKAL 140:1

Sorua, ee Jehovah, eng’ chito ne ya; Riba eng’ chito ne korom;

TIENWOGIKAL 140:11

Magigimiti chito ne bo ng’alek che yaach eng’ ng’ony: Cheng’ei yaitiet chito ne korom, si koterter inendet.

TIENWOGIKAL 140:4

Riba, ee Jehovah, eng’ eunekab kiptengekyot; Riba eng’ chito ne korom: Ne bekyinot kotoorta.

TIENWOGIKAL 142:4

Kusyi kong’ eunnyu ne bo tai, ak igeer; amu mami chi ne ingena: Kigobetwa ole amwechini; mami chi ne ribei sobondanyu.

TIENWOGIKAL 144:2

Inendet chamnyennyu ne tala, ak irimennyu, Teeksennyu ne koi, ak sorunindennyu; Long’ennyu, ak inendet ne amang’u; Ne igochin bikyuk kogasa it.

TIENWOGIKAL 18:2

Jehovah ruandennyu, ak irimennyu, ak sorunindennyu; Kamuktaindennyu, ruandennyu ne kim, amang’u inendet; Long’ennyu, ak kuinetab yetunennyu, teeksennyu ne koi.

TIENWOGIKAL 27:5

Amu ung’ena gonnyi eng’ betutab nyalilda: Ee, ung’ena emainnyi eng’ ole ung’at; Kanapchina ruandet barak.

TIENWOGIKAL 28:7

Jehovah kimnatennyu ak long’ennyu; Kigomang’ muguleldanyu inendet; ak kigetoreta: Eng’ noto anyun igasegei muguleldanyu mising’; Ak alosu inendet eng’ tiendanyu.

TIENWOGIKAL 3:3

Ago inye, Jehovah, ko i long’et ne mi komoswek tugul eng’ ane; I teegistanyu, ak i tiindetab metinnyu.

TIENWOGIKAL 32:7

Inye ko i oldanyu ole aung’ege; iriba inye si manyorua nyalilda; Iyiemena tienwogikab yetunet.

TIENWOGIKAL 46:1

Kamuktaindet ole kemwechini, ak kimnatennyo, Toretindet ne negit ye mi nyalilda.

TIENWOGIKAL 46:11

Mi Jehovah ne bo lugosiek kobotech; Ole kimwechini Kamuktaindetab Jakobo.

TIENWOGIKAL 46:2

Magiyweisiei anyun amu noto, agot ngowalak ng’ony, Ak ngoba tulonok kwenutab nyanjosiek;

TIENWOGIKAL 46:7

Mi kobotech Jehovah ne bo lugosiek: Ole kimwechini Kamuktaindetab Jakobo.

TIENWOGIKAL 5:12

Amu iberuri inye chitab imanda; Ee Jehovah, iyieme inendet chamnyeng’ung’ ko u eng’ torgochet.

TIENWOGIKAL 55:9

Ng’em, ee Kiptaiyat, ak itoiye ng’elyebwekwak: Amu koageer koromnatet ak boriet eng’ nganaset.

TIENWOGIKAL 59:16

Ago atieni agobo kimnateng’ung’; Ee, atieni agobo rireneng’ung’ karon: Amu inye ko ki i irimennyu ne koi, Ak ole amwechini eng’ betutab bichiindo.

TIENWOGIKAL 61:3

Amu inye ko i ole amwechini, Ak ko i got ne koi ne kim ole aung’ege eng’ bunik.

TIENWOGIKAL 71:7

A u kwong’utiet eng’ che chang’; Ago inye ko i ole amwechini ne kim.

TIENWOGIKAL 72:14

Itiachi sobonwekwak eng’ usisiet ak koromnatet; Ak bunjin kamanut korotikwak eng’ tainnyi:

TIENWOGIKAL 84:11

Amu Jehovah Kamuktaindet ko u asista ak long’et: Konu Jehovah mieindo ak teegisto: Maete ichek che bendoti eng’ imanda kiy age tugul ne mie.

TIENWOGIKAL 84:9

Keer, ee Kamuktaindet ne i long’ennyo, Ak igeer togetab neng’ung’ ne iilat.

TIENWOGIKAL 86:14

Ee Kamuktaindet, kagong’eetya menotik, Kogocheng’ sobondanyu tuiyetab sogoranik, Ak ma ibwatin ichek.

TIENWOGIKAL 9:10

Ak imang’un che ingen kaineng’ung’; Amu ma imete inye, Jehovah che cheng’in.

TIENWOGIKAL 9:9

Egu Jehovah irimetab ne kiusei, Irimet eng’ betusiekab nyalilda;

KOMONG'U 15:2

Jehovah kimnatennyu ak tiendanyu, Ak kaek yetunennyu: Nito ko Kamuktaindennyu, ak alosu inendet; Inendet ko Kamuktaindet ne bo baba, atorori inendet.

KALEWANAIK 18:10

Irimet ne kim kainetab Jehovah: Mwechin ne bo iman, si konyor chametab ge.

KALEWANAIK 30:5

Tilil ng’olyotab age tugul ne bo Kamuktaindet: Inendet ko long’etab ichek che imang’u inendet.

ISAIAH 12:2

Ogeero, Kamuktaindet ko yetunennyu; amang’u ama aiyweisiei: amu Jehovah JEHOVAH ko kimnatennyu ak ko tiendanyu; ak kagoek inendet yetunennyu.

ISAIAH 32:2

Ak egu chito ole kiung’ege eng’ usonet, ak eng’ usonet ne o; ko u ainosiekab beek eng’ ole yaamat, ko u uruetab ruandet ne o eng’ emetab ng’etatet.

ISAIAH 45:21

Omwaite, obarte; ee, ingoruoch tugul: ng’o ne kiibor ng’olyondonito koboch keny? Ng’o ne kimwaita koboch keny? Tos ma ane Jehovah? Ama mi Kamuktaindet age kobatena; Kamuktaindet ne bo iman, ak ko yaindet; mami age kobatena.

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JEREMIA 16:9

Amu mwaei Jehovah ne bo lugosiek, Kamuktaindetab Israel, ko u ni kole: Ogeero, agochini kosis eng’ taing’wong’, ak eng’ betusiekwok, tugetab boiboiyet ak ne bo kagasetab ge, ne bo sandet ak ne bo mureret, eng’ olito.

LUKA 1:47

Ak kagobaibait tamirmiriennyu eng’ Jehovah Yetindennyu.

LUKA 1:69

Kagong’eetwech kuinetab yetunet Eng’ gotab Daudi kiboitiondennyi

LUKA 1:71

Si kosoruech eng’ bunikyok, ak eng’ eunekab tugul che wechech;

NG'ATUTIK 32:37

Ak kole, Mi ano kanamonikwak, Ruandet ne kiimang’u;

NG'ATUTIK 32:4

Ruandet inendet, igesunotgei boisiennyi; Amu imanda ortinwekyik tugul: Kamuktaindet ne bo imanit ne matinyei yaitio, Bo imanda inendet ak kosuldaat.

NG'ATUTIK 33:29

Ee Israel, igasige: O kerge ak ng’o, bororiet ne kisor Jehovah, Long’et ne toretin, Ak ko rotweng’ung’ bo chok, ne bo telunateng’ung’! Ak koyaigei buniguk koigei che kase it; Ak itiech oldinwekwak che sutotin.

TITO 3:4

Ago ye kingotook talasietab Jehovah Yetindennyo, ak chamnyennyi ne chamei bik,

TITO 3:6

ne kirong’wech eng’ aiyebindo, eng’ Jesu Kristo Yetindennyo;

HEBRANIK 2:13

Ak kogeny, Amang’u inendet. Ak kogeny, Keero, ane ak lagok che kigogona Jehovah.

1 SAMUEL 2:1

Ak kisa Hana, kole, Igasegei muguleldanyu eng’ Jehovah, Kagotororit kuinennyu eng’ Jehovah: Kabarait kutinnyu kosiir bunikyuk; Amu abaibai eng’ yetuneng’ung’.

1 SAMUEL 2:2

Mami ne tilil ko u Jehovah; Amu mami age kobatenen: Ama mi ruandet ne u Kamuktaindennyo.