2 SAMUEL 22:29 - BUKUIT NE TILIL

²⁹ Amu i tainnyu Jehovah: Ak ikwenyi Jehovah mesundeitanyu.

Bukuit Ne Tilil

²⁹ Ii tainnyu Kamuktaindet ne Toroor; ak ikwenyi Kamuktaindet ne Toroor mesundeitonyu.

BUKUIT NE TILIIL Sireet ne Dutero Kanon

²⁹ Ii tainnyu Kamuktaindet ne Toroor; ak ikwenyi Kamuktaindet ne Toroor mesundeitonyu.

2 SAMUEL 22:29 ပူးပေါင်းရင်းမြစ်များ

2 SAMUEL 21:17

Ago kitoret inendet Abisai weritab Seruia, ak kikwer Pilistindet ak kobar. Yeityo koyosiechi bikab Daudi inendet, kolenji, Ma kebendi tugul kogeny luget ak inye, si memis taitab Israel.

1 LAITORINIK 11:36

Ak agochini werinnyi oret agenge, si kolal kotugul taitab Daudi otwogindennyu eng’ Jerusalem eng’ tainnyu, nganaset ne kialewenjigei ande kainennyu yoto.

Kitabuutap JOB 29:3

Ye kiiluuchin tainnyi metinnyu, Ak kiawendote mesundeito eng’ lapkeiyennyi;

TIENWOGIKAL 112:4

Ng’eetei lapkeiyet eng’ mesundeito koluuchin che bo iman: Tinyei mieindo, ak ko nyiitat rirenet, ak bo iman.

TIENWOGIKAL 18:28

Amu inaami tainnyu: Ikweng’wa Jehovah Kamuktaindennyu mesundeitanyu.

TIENWOGIKAL 27:1

Jehovah lapkeiyennyu ak yetunennyu; tos aiywei ng’o? Jehovah kimnatetab sobondanyu; aiywei ng’o?

TIENWOGIKAL 4:6

Mwaei che chang’ kole, Ng’o ne iboruech kiy ne mie? Ee Jehovah, tokyech lapkeiyetab togeng’ung’.

TIENWOGIKAL 84:11

Amu Jehovah Kamuktaindet ko u asista ak long’et: Konu Jehovah mieindo ak teegisto: Maete ichek che bendoti eng’ imanda kiy age tugul ne mie.

TIENWOGIKAL 97:11

Kigoljin lapkeiyet che bo iman, Ak kigoljin kagasetab ge che bo iman eng’ mugulelwek.

ISAIAH 50:10

Ng’o eng’ okwek ne iywei Jehovah, ne kase it kutitab otwogindennyi? Ne wendote mesundeito, ama tinyei lapkeiyet, ingomang’ kainetab Jehovah ak kotiiegei Kamuktaindennyi.

MIKAH 7:9

Amuitoi eng’ neregekab Jehovah, amu kiayachi tengekto; agoi kong’alal agobo ng’olyondennyu, ak koyaiywa kiruoget: tun imutwa among’ ole mi lapkeiyet, ak ageer imandanyi.

MALAKI 4:2

Ago okwek che oiywei kainennyu kochorjinok asista ne bo imanda ne ting’e kanyaiset kebebaikyik; ak omande, ourerenote ko u moek che kagiyat.

JOHANA 12:46

Kianyo aegu lapkeiyet eng’ ng’ony, si ma kotebyei eng’ mesundeito chi age tugul ne iyana.

JOHANA 8:12

Kimwachi Jesu anyun ichek kogeny, kolenji, A lapkeiyet ne bo ng’ony: inendet ne isuba ko mawendoti eng’ mesundeito, ago nyoru lapkeiyetab sobondo.

NG'ANG'UTYET 21:23

Ak mamachei nganaset asista, anan arawet, koluuchi: amu iluuchin lilindab Jehovah, ak tainnyi ko Aruet.