2 SAMUEL 22:24 - BUKUIT NE TILIL

²⁴ Kiagesunotgei agane eng’ tainnyi, Ak kiaripge si manama tengekto.

Bukuit Ne Tilil

²⁴ Ki aititaat agane eng' tainnyi, ak ki ariipkei si ma nama tengekto.

BUKUIT NE TILIIL Sireet ne Dutero Kanon

²⁴ Ki aititaat agane eng' tainnyi, ak ki ariipkei si ma nama tengekto.

2 SAMUEL 22:24 ပူးပေါင်းရင်းမြစ်များ

TAUNET 17:1

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TAUNET 6:9

Chu ko ortinwekab Noa. Ki chito ne bo imanda Noa, kiigesunotgei eng’ ibindanyi: kibendoti Noa ak Kamuktaindet.

TAUNET 7:1

Kilenjin Jehovah Noa, Obwa melit, inye ak bikab gong’ung’ tugul; amu kaageerin ale i bo imanda eng’ tainnyu eng’ ibini.

Kitabuutap JOB 1:1

Kimi chi eng’ emetab Us, ne kigiguure Job; ak kiigesunotgei chichoto ak ko bo iman, ne kiiywei Kamuktaindet, ak koistoegei yaitio.

TIENWOGIKAL 17:1

Kas imanda, ee Jehovah, epchi it rirekyuk; Ingogas iting’ung’ saennyu, ne mamong’une kutitab ng’alset.

TIENWOGIKAL 51:6

Keero, imache imanit eng’ kebeberwek che bo orit: Ak ineta ng’omnatet eng’ ole ung’at.

TIENWOGIKAL 84:11

Amu Jehovah Kamuktaindet ko u asista ak long’et: Konu Jehovah mieindo ak teegisto: Maete ichek che bendoti eng’ imanda kiy age tugul ne mie.

KALEWANAIK 4:23

Rib muguleldang’ung’ eng’ kagiiletab ge tugul; Amu bunu kong’ikab beekab sobon yoto.

JOHANA 1:47

Kigeer Jesu Natanael konyonei ole mi inendet, ak kole agobo inendet, Ogeero, Israelindet iman, ne matinyei ng’alset!

2 KORINTOEK 5:11

Amu kingen anyun kaiyweisietab Kiptaiyat, kichuutu bik, ago kibortaech eng’ taitab Jehovah; ak amang’u ale kibortoech eng’ taitab kabwateng’wong’.

EPESOEK 1:4

ko u ye kilewenech eng’ inendet ye kitom kelumda ng’ony, si keegu che tililen che matinyei lelut eng’ tainnyi eng’ chamnyet:

KOLOSAIK 1:21

Ak nganda kio kipsagarek eng’ betusiek che kigosiirto, ak kio bunik eng’ kabwatutikwok eng’ boisionikwok che yaachen, ko kagotuiyok inendet nguno,

KOLOSAIK 1:22

eng’ bortanyi ne bo banyek, eng’ meet, si kobiit komutak ko o tililen ko motinye tisia, amotinyei kiy ne kiruogunenok eng’ tainnyi:

HEBRANIK 12:1

Noto anyun, amu kiyiemenech boldet ne o ne bo baorinik eng’ komoswek tugul, ongeiste nyigisindo age tugul, ak tengekto ne isib konamech, ak ongeruai eng’ muitaet eng’ kabeletab ge ne kiginde tainnyo,