2 SAMUEL 21:1 - BUKUIT NE TILIL

¹ Ak kibiit rubet eng’ betusiekab Daudi, eng’ kenyisiek somok che kiisubegei, ak kicheng’ Daudi togetab Jehovah. Ak kile Jehovah, Bo Saul, ak gonnyi ne bo korotik, amu kibar Gibeonik.

Bukuit Ne Tilil

¹ Ki piit rubeet eng' peetuusyegap Daudi, eng' kenyiisyek somok che ki isubegei. Kingo cheeng' `Daudi togetap Kamuktaindet ne Toroor kole Kamuktaindet ne Toroor “Po Saulo ak koonnyi ne po korotiik ng'olyoondoni, amu ki par Gibeonik.”

BUKUIT NE TILIIL Sireet ne Dutero Kanon

¹ Ki piit rubeet eng' peetuusyegap Daudi, eng' kenyiisyek somok che ki isubegei. Kingo cheeng' `Daudi togetap Kamuktaindet ne Toroor kole Kamuktaindet ne Toroor “Po Saulo ak koonnyi ne po korotiik ng'olyoondoni, amu ki par Gibeonik.”

2 SAMUEL 21:1 ပူးပေါင်းရင်းမြစ်များ

TAUNET 12:10

Ak kibiit rubet eng’ emonoto: kochortagei anyun Abram kwo Misri ak kotebe oloto; amu kieet rubet mising’ kong’wanit eng’ emet.

TAUNET 26:1

Kibiit rubet eng’ emonoto ne ter eng’ rubet ne ki bo tai, ne kimi eng’ betusiekab Abraham. Kiwa Isak oldab Abimelek, laitoriatab Pilistik, agoi Gerar.

TAUNET 41:57

Kibwa anyun emotinwek tugul oldab Josep eng’ Misri kobwa koal bek; amu kieet rubonato eng’ ng’ony komugul.

TAUNET 42:5

Ak kibwa anyun werikab Israel koboto che kibwanei koalisiei: amu kimitei rubet emetab Kanan.

TAUNET 43:1

King’wanit rubet mising’ eng’ emet.

2 SAMUEL 16:8

kagoweekyin Jehovah korotik tugul che bo gotab Saul, ne kiilaitoran igeer inendet; ak kagonde Jehovah bounatet eutab wering’ung’ Absalom: ak keero, kaginamin eng’ yaitieng’ung’, amu i chitab korotik.

2 SAMUEL 20:26

ak ki tisiindetab Daudi agine Ira Jairindet.

2 SAMUEL 21:5

Ak kilenji ichek laitoriat, Chichi kiigeswech, ak ne kichobei kegirindech, kole kebarech kot ko ma king’etu eng’ kiwotet age tugul ne bo Israel,

2 SAMUEL 24:1

Ak kilalyo kogeny neregekab Jehovah agobo Israel, ak king’eetyi Daudi kosich kabwatet ne ya agobo ichek, kolenji, Ui, iit Israel ak Juda.

2 SAMUEL 5:19

Ak kiteebe Daudi Jehovah kolenji, Awe kebargei ak Pilistik? Indoi ichek eunnyu? Ak kilenji Jehovah Daudi, Togoste: amu andoi iman Pilistik eung’ung’.

2 SAMUEL 5:23

Ak ye kiteebe Daudi Jehovah, kolenji, Metogoste: alagu batenywa, ak iche ichek eng’ ye itoorjingei ketikab logoek.

1 LAITORINIK 17:1

Ak kilenji Elija Tisbindet ne ki bo bik che kimenyei Gilead, Ahab, Ko u ye sobei Jehovah, Kamuktaindetab Israel, ne atonone tainnyi, ko mabiitu rewot anan ko ropta kenyisiechu, kobate ko u ng’olyondennyu.

1 LAITORINIK 18:2

Ak kiwa Elija koborjigei Ahab. Ak ki ng’wan rubet eng’ Samaria.

2 LAITORINIK 6:25

Ak kibiit rubet ne o eng’ Samaria: ak ogeero, kiyiem nganasanato, kot kealdae metitab sigiriet fedaisiek tamanwogik sisiit, ak kealdae kebeberta agenge eng’ ang’wan ne bo kibabet ne bo soroekab cheptugenik, fedaisiek mut.

2 LAITORINIK 8:1

Kiga ng’alalji Elisha kwonyi kiga ing’eetyi werinnyi, kolenji, Ng’eet ak obe ak bikab gong’ung’, ak obe omeny oldo tugul ole ochame: amu kagoguur Jehovah rubet: ak nyonei rubet emet kenyisiek tisab.

Kitabuutap JOB 10:2

Alenjini Kamuktaindet, Ameruokwa; Iborua anyun kit ne kagonin kibelge.

TIENWOGIKAL 27:8

(Ye kiile,) Ocheng’ togennyu; kilenjin muguleldanyu, Ee Jehovah, acheng’e togeng’ung’.

TIENWOGIKAL 50:15

Ak iguura eng’ betutab nyalilda; Asi asorun, ak iloswa.

TIENWOGIKAL 91:15

Kuura, ak aitenji; Kitebye tuwai eng’ nyalilda: Asoru inendet, ak agonyit.

ATEPTAP LAWIK 26:26

Ye atil amitwogikwok kong’ering’itu, kobeel anyun kobogorisiek tamanu amitwogikwok eng’ kapkoimaut agenge, ak kebimanwak amitwogikwok eng’ ratilit; ak oamisiei amobiyonyi.

KAITOSYEK 27:21

Ak kotonon inendet eng’ taitab Eleasar tisiindet, si koteepchi inendet kandoiset eng’ taitab Jehovah eng’ kiruogetab Urim: mandoi eng’ ng’olyondennyi, ak komong’u eng’ ng’olyondennyi, inendet ak lagokab Israel tugul, agot tuiyet komugul:

JOSHUA 7:1

Ago kiyai lagokab Israel chalwokto eng’ kit ne itabanat: amu kiib Akan weritab Karmi, weritab Sabdi, weritab Sera, ne bo bororietab Juda, tuguk alak eng’ che itabanotin, ak kilalyo neregekab Jehovah agobo lagokab Israel.

JOSHUA 9:20

Kiyachini ko u ni, ak kebagakte kosopcho; si matebenech neregek, amu kayosiet ne kigiyosiechi.

RUTH 1:1

Kibiit rubet eng’ emet eng’ betusiek che kiiruochi kiruogik. Kiwa chito age ne bo Bet-lehem-juda kwo komeny emetab Moab, ak osotiondennyi, ak werikyik aeng’.

1 SAMUEL 10:22

Kota koteebe Jehovah anyun kogeny, kolenji, Ta komi chi ne ta konyonei yu? Ak kiwol Jehovah kole, Kaung’egei tuguk.

1 SAMUEL 23:11

Tos indea bikab Keila eunnyi? Chorugei Saul, ko u ye kagogas otwogindeng’ung’? Ee, Jehovah, Kamuktaindetab Israel, asomin mising’ ale, mwachi otwogindeng’ung’. Ak kile Jehovah, Chorugei.

1 SAMUEL 23:2

Koteebe anyun Daudi Jehovah kolenji, Awe abar Pilistichuto? Ak kilenji Jehovah Daudi, Ui ak ibar Pilistik, ak isoru Keila.

1 SAMUEL 23:4

Koteebe anyun Daudi Jehovah kogeny. Ak kiwolji Jehovah inendet kolenji, Ng’eet, chortege Keila; amu andoi Pilistik euneguk.