2 SAMUEL 2:7 - BUKUIT NE TILIL

⁷ Ingogimegitu anyun eunekwok, ak oegu che nyigonen: amu kogome Saul kiptaiyandeng’wong’, ak kogoiila gotab Juda aek laitoriat eng’ ichek.

Bukuit Ne Tilil

⁷ Ingogimegitu anyun eunekwok ak oegu che nyigoonen, amu kogome Saulo kiptaiyandeng'wong', ak kogoiila kootap Judah aek laitoryat eng' icheek.”

BUKUIT NE TILIIL Sireet ne Dutero Kanon

⁷ Ingogimegitu anyun eunekwok ak oegu che nyigoonen, amu kogome Saulo kiptaiyandeng'wong', ak kogoiila kootap Judah aek laitoryat eng' icheek.”

2 SAMUEL 2:7 ပူးပေါင်းရင်းမြစ်များ

TAUNET 15:1

Kingobata tuguchu koityi Abram ng’olyotab Jehovah eng’ ng’ang’utiet, kolenji, Ameiywei, Abram; a long’eng’ung’ ak melektang’ung’, ne o ne siirtoot.

2 SAMUEL 10:12

Nyiganitu, ingeegu murenik agobo bikyok, ak nganasokab Kamuktaindennyo: ak ingoyai Jehovah ko u ye keerei kole mie.

2 SAMUEL 2:6

Ak ingoboruok Jehovah ak okwek mieindo ak imanit: ak ayaakwok agane mieinito, amu kioyai kiito.

2 SAMUEL 2:8

Kiga komut Abner weritab Ner, ne ki kiptaiyatab lugetab Saul, Is-boset, weritab Saul, ak komut inendet kolanda Maanaim;

2 SAMUEL 5:3

Kibwa anyun boisiek tugul che bo Israel ole mi laitoriat eng’ Hebron; ak kiyai laitoriat Daudi arorutiet koboto ichek eng’ Hebron eng’ taitab Jehovah: ak kiil Daudi koek laitoriat koboi Israel.

2 LAITORINIK 11:12

Komut anyun weritab laitoriat komong’, ak kolaakyi narietab laitornatet, ak kogochi baornatet; ak koyai inendet koek laitoriat, ak koiil inendet; ak koraprab eunekwak, ak kole, Ingosob laitoriat.

NEEMIA 2:18

Ak kiamwachi ichek agobo eut ne mie ne bo Kamuktaindennyu ne kimi kobota; ak kiamwachi kogeny ng’alekab laitoriat che kiga komwawa. Ak kile, Ongeng’eetye keteekse. Kiigimitgei anyun agobo boisiet ne mie.

1 KORINTOEK 16:13

Oripse, olumdege mising’ eng’ kayanet, otebi ko u murenik, ogimegitu.

EPESOEK 6:10

Ne bo let anyun, oegu che kimen eng’ Kiptaiyat, ak eng’ kimnatetab kamugennyi.

1 SAMUEL 31:12

kong’eetyo murenik tugul che nyigonen ak koba eng’ kemout komugul, ak konem mustab Saul ak muswekab werikyik eng’ inatutab Bet-san; ak kiit Jabes, ak kobeel eng’ oloto.

1 SAMUEL 31:7

Ak kingogeer bikab Israel che kimi atebwet komosin, ak ichek che kimi Jordan bitonin, kole kagomwei bikab Israel, ak kagome Saul ak werikyik, kobagakta nganasok ak komwei: ak kibwa Pilistik komeny.

1 SAMUEL 4:9

Ogimegitu, ak oegu murenik, ee okwek Pilistik, si moegu otwogikab Hebranik ko u ye ki otwogikwok ichek: oegu murenik anyun, ak oyai luget.