2 SAMUEL 2:4 - BUKUIT NE TILIL

⁴ Ak kibwa bikab Juda kobwa koiil Daudi eng’ oloto koek laitoriatab gotab Juda. Ak kimwachi icheget Daudi kolenji, Ki bikab Jabes-gilead che kitubei Saul.

Bukuit Ne Tilil

⁴ Ki pwa piigap Judah kobwa koiil Daudi eng' olooto koek laitoryatap kootap Judah. Ki ngemwachi Daudi keleenji ki piigap Jabes-gilead che ki tubei Saulo,

BUKUIT NE TILIIL Sireet ne Dutero Kanon

⁴ Ki pwa piigap Judah kobwa koiil Daudi eng' olooto koek laitoryatap kootap Judah. Ki ngemwachi Daudi keleenji ki piigap Jabes-gilead che ki tubei Saulo,

2 SAMUEL 2:4 ပူးပေါင်းရင်းမြစ်များ

2 SAMUEL 19:11

Kiiyokto anyun laitoriat Daudi ng’alek koba oldab Sadok ak Abiatar, che ki tisiik, kelenji, Omwachi boisiekab Juda olenji, Amu nee si oegu che bo let eng’ kamutunetab laitoriat koweek konyo gonnyi? Amu kogobwanji laitoriat ng’alekab Israel tugul, kele, kimut inendet konyo gonnyi.

2 SAMUEL 19:42

Ak kiwolji bik tugul che bo Juda bikab Israel, kolenji, Amu chitab oret ne negit laitoriat eng’ achek: ko amu nee anyun si onerech agobo ng’olyondonoto? Tos kigiam tugukab laitoriat? Anan kigonech konunet age tugul?

2 SAMUEL 2:11

Ak betusiek che kilaitoran Daudi eng’ Hebron eng’ gotab Juda ko ki kenyisiek tisab ak arawek lo.

2 SAMUEL 2:7

Ingogimegitu anyun eunekwok, ak oegu che nyigonen: amu kogome Saul kiptaiyandeng’wong’, ak kogoiila gotab Juda aek laitoriat eng’ ichek.

2 SAMUEL 21:11

Ak kigimwachi Daudi kit ne koyai Rispa cheptab Aia, chebaigeiyatab Saul.

2 SAMUEL 21:12

Ak kiwa Daudi koib kowekab Saul ak kowekab Jonatan werinnyi eng’ bikab Jabes-gilead, che kiga chor eng’ oretab Bet-san, ole kiga igartate Pilistik, eng’ betut ne kibarei Pilistik Saul eng’ Gilboa:

2 SAMUEL 5:17

Ak kingogas Pilistik kole kigiil Daudi koek laitoriat koboi Israel, kotogosta Pilistik tugul koba kocheng’ Daudi; ak kigas Daudi ak kichortagei kwo irimet.

2 SAMUEL 5:3

Kibwa anyun boisiek tugul che bo Israel ole mi laitoriat eng’ Hebron; ak kiyai laitoriat Daudi arorutiet koboto ichek eng’ Hebron eng’ taitab Jehovah: ak kiil Daudi koek laitoriat koboi Israel.

2 SAMUEL 5:5

Kilaitoran eng’ Hebron kobou Juda kenyisiek tisab ak arawek lo: ak kilaitoran eng’ Jerusalem kenyisiek sosom kobou Israel tugul ak Juda.

2 LAITORINIK 11:12

Komut anyun weritab laitoriat komong’, ak kolaakyi narietab laitornatet, ak kogochi baornatet; ak koyai inendet koek laitoriat, ak koiil inendet; ak koraprab eunekwak, ak kole, Ingosob laitoriat.

1 ATEPTAP PEETUUSYEK 10:11

Ak kingogas Jabes-gilead komugul kit ne koyachi Pilistik Saul,

1 ATEPTAP PEETUUSYEK 11:3

Kobwa anyun boisiek tugul che bo Israel ole mi laitoriat eng’ Hebron, ak kiiyomisgei Daudi ak ichek eng’ Hebron eng’ taitab Jehovah; ak kiil Daudi, koek laitoriat eng’ Israel, ko u ng’olyotab Jehovah ne kimwa eng’ Samuel.

1 ATEPTAP PEETUUSYEK 12:23

Chu ko koitetab kandoikab ichek che kiga ilaach karik che kiyae luget, che kiga bwa ole mi Daudi eng’ Hebron, kogochi inendet bounatetab Saul, ko u ng’olyotab Jehovah.

1 SAMUEL 16:13

Konem anyun Samuel lalet ne mi mwaita, ak koiil inendet eng’ kwenutab tupchosiekyik: ak kinyonji Tamirmirietab Jehovah Daudi eng’ kimnatet koboch betunoto agoi. Kong’eet anyun Samuel, ak kwo Rama.