2 SAMUEL 19:24 - BUKUIT NE TILIL

²⁴ Ak kichorgei Mepiboset weritab Saul kotorok laitoriat; kimata kotil siokab kelyekyik, anan kocher tamnennyi, anan komwet ngoroikyik, koboch betut ne kiga wa laitoriat agoi betut ne kiweeksei ga eng’ kalyet.

Bukuit Ne Tilil

²⁴ Ki choorgei Mephibosheth weeriitap Saulo agine kotorook laitoryat. Ki mata kotil siyoogap keelyekyik anan kocher tamnennyi, anan komwet ngoroikyik kobooch peetuut ne kigawo laitoryat agoi peetuut ne ki weeksei kaa eng' kaalyeet.

BUKUIT NE TILIIL Sireet ne Dutero Kanon

²⁴ Ki choorgei Mephibosheth weeriitap Saulo agine kotorook laitoryat. Ki mata kotil siyoogap keelyekyik anan kocher tamnennyi, anan komwet ngoroikyik kobooch peetuut ne kigawo laitoryat agoi peetuut ne ki weeksei kaa eng' kaalyeet.

2 SAMUEL 19:24 ပူးပေါင်းရင်းမြစ်များ

2 SAMUEL 12:20

King’eet anyun Daudi eng’ ng’ony, kwo koungei, ak koiilgei, ak kolaach ngoroik alak; yeityo konyo gotab Jehovah konyo kosa: yeityo kwo gonnyi; ak kingomach amitwogik, kindochi tainnyi, ak kiam.

2 SAMUEL 15:30

Ak kitogosta Daudi kobun oret ne kitogoste kebendi tulwetab emitik, ak kiriroti; ak kiga tuigei met, ak kiwendi ko matinyei kweonik: ak kituigei met chi age tugul eng’ bik tugul che kimi koboto inendet, ak kitogosta, koririoti kotogostoi.

2 SAMUEL 16:3

Ak kile laitoriat, Mi ano weritab kiptaiyandeng’ung’? Ak kilenji Siba laitoriat, Keero, kotebi eng’ Jerusalem: amu kile, Kona rani gotab Israel bounatetab baba.

2 SAMUEL 9:11

Kolenji anyun Siba laitoriat, Ayae ko u tugul che ng’ata kiptaiyandennyu laitoriat ane otwogindennyi. Ago kile laitoriat, Amisie mesennyu Mepiboset, ko u age eng’ werikab laitoriat.

1 LAITORINIK 2:8

Ak keero, mi koboten Simei weritab Gera, Benjaminindet, ne bo Baurim, ne kichuba eng’ chubet ne ng’wan eng’ betut ne kiawendi Maanaim: ago kichorgei kotorokwa eng’ Jordan, ak kiayosiechi inendet eng’ Jehovah alenji, Mabarin eng’ rotwetab chok.

KOMONG'U 19:10

Ak kilenji Jehovah Musa, Ui ole mi bik, ianyiny ra ak mutai, ak ingomwet ngoroikwak,

ISAIAH 15:2

Katogosta Bayit, ak Dibon, kot koit komoswek che tororen, koba korir: rirjin Moab Nebo, ak eng’ Mediba: mi boswek metowekwak, kigetil tamnet age tugul.

JEREMIA 41:5

kobwa bik alage kobunu Sekem, Silo, ak Samaria, bik tamanwogik sisiit, che kiga konem tamnokwak ak kogerer ngoroikwak, ko kagotilgei, ak koibu kagochinoik ak tuguk che nyamdut eng’ eunekwak, koibu kobwa gotab Jehovah.

MATAYO 6:16

Kogeny ye orugutge, ko moige chombilik, eng’ togochik che bo arogenet; amu walei togochikwak, si kogeer bik kole, koirugutgei. Amwawok, iman, ale, Kagonyor ichek melektanywa.

ROMANIK 12:15

Oboiboitu koboto che boiboi; oririe koboto che rirtos.

HEBRANIK 13:3

Obwat ichek che mi eng’ ratisiosiek, ko u ne o ratotin tugul; icheget che kinyalili, ko u ye omi ak okwek eng’ borto.