2 SAMUEL 19:21 - BUKUIT NE TILIL

²¹ Ago kiwol Abisai weritab Seruia, kole, Tos magibarei Simei agobo kiito, amu kichub ne iilat ne bo Jehovah?

Bukuit Ne Tilil

²¹ Ago ki wol Abisai weeriitap Zeruiah, kole, “Tos manyalu kebar Shimei agobo kiito, amu ki chup ne iilaat ne po Kamuktaindet ne Toroor?”

BUKUIT NE TILIIL Sireet ne Dutero Kanon

²¹ Ago ki wol Abisai weeriitap Zeruiah, kole, “Tos manyalu kebar Shimei agobo kiito, amu ki chup ne iilaat ne po Kamuktaindet ne Toroor?”

2 SAMUEL 19:21 ပူးပေါင်းရင်းမြစ်များ

2 SAMUEL 16:13

Kiba anyun Daudi ak bikyik bandanywa: kiwa Simei kolengel tulwet kotoorjigei inendet, ak kochubisioti, ak kowire inendet koik, ak koseertoi temburiek.

2 SAMUEL 16:5

Ak kingoit laitoriat Daudi Baurim, ogeero, kimong’ eng’ oloto chito ne bo oretab gab Saul, ne kigiguure kainennyi Simei, weritab Gera: kimong’ kochubisionu.

2 SAMUEL 16:9

Kilenji anyun Abisai weritab Seruia laitoriat, Amu nee si kochub kiptaiyandennyu laitoriat sesoni kigome? Asomin ale, chamwa alanda awa atil metinnyi.

TIENWOGIKAL 84:9

Keer, ee Kamuktaindet ne i long’ennyo, Ak igeer togetab neng’ung’ ne iilat.

KOMONG'U 22:28

Amat isas Kamuktaindet, amat ichub bounindetab biguk.

RIREKAB JEREMIA 4:20

Kinamji keringonikwak kabusetab serunekyok, noto ko inendet ne iilat ne bo Jehovah; Ne kigimwae achek kelen, Kimenye kwenutab bororiosiek eng’ uruetab kebebaikyik.

1 SAMUEL 24:6

Ak kilenji bikyik, Ingolooit eng’ ane eng’ Jehovah si mayachi kiptaiyandennyu ne iilat ne bo Jehovah, kiy ne u ni, si machuul eunnyu ayachi kiy ne ya, amu inendet ko ne iilat ne bo Jehovah.

1 SAMUEL 26:9

Ak kilenji Daudi Abisai, Amebar: amu ng’o ne imuchi kochuul eunnyi kobar ne iilat ne bo Jehovah, ama nyor ng’ogisto?