2 SAMUEL 19:18 - BUKUIT NE TILIL

¹⁸ Ak kilanda moinget ne ming’in kwo komut bikab gotab laitoriat kolong’, ak koyai kit ne kigeerei kole mie. Ak kiibutyi ng’ony Simei weritab Gera, eng’ taitab laitoriat, ko kagolong’ eng’ Jordan.

Bukuit Ne Tilil

¹⁸ Ki landa kolandae ole kilondoe si komut piigap kootap laitoryat kolong', ak koyai kiit ne kigeerei kole myee. Ki ibutyi ng'wony Shimei weeriitap Gera eng' taitap laitoryat ko kagolong' eng' Jordan,

BUKUIT NE TILIIL Sireet ne Dutero Kanon

¹⁸ Ki landa kolandae ole kilondoe si komut piigap kootap laitoryat kolong', ak koyai kiit ne kigeerei kole myee. Ki ibutyi ng'wony Shimei weeriitap Gera eng' taitap laitoryat ko kagolong' eng' Jordan,

2 SAMUEL 19:18 ပူးပေါင်းရင်းမြစ်များ

2 SAMUEL 19:17

Ak kimi koboto inendet bik elfut agenge che bo Benjamin, ak Siba otwogindetab gotab Saul, ak werikyik taman ak mut, ak otwogikyik tiptem; ak kilandae Jordan eng’ taitab laitoriat.

2 SAMUEL 19:19

Ak kilenji laitoriat, Amat koiitya tengekto kiptaiyandennyu, anan ibwat kii kiga yai otwogindeng’ung’ komaasak, eng’ betuni kimandoi kiptaiyandennyu laitoriat eng’ Jerusalem, ale amanam laitoriat kioto eng’ muguleldanyi.

2 SAMUEL 19:30

Ak kilenji Mepiboset laitoriat, Ingoib inendet tugul, amu kigoweek kiptaiyandennyu laitoriat eng’ kalyet konyo gonnyi.

2 SAMUEL 9:10

Ak ibatyi emet inye, ak weriguk, ak otwogiguk; ak iibu bek kobwa go, si kobiit konyor weritab kiptaiyandeng’ung’ amitwogik che amei: ago amisie mesennyu kotugul Mepiboset weritab kiptaiyandeng’ung’. Kitinyei Siba werik taman ak mut ak otwogik tiptem.

2 SAMUEL 9:2

Ak kimi eng’ gotab Saul otwogindet ne kigiguure kainennyi Siba, ak kigiguur kwo ole mi Daudi; kilenji laitoriat, I Siba? Ak kile, A inendet, ane otwogindeng’ung’.

1 LAITORINIK 2:8

Ak keero, mi koboten Simei weritab Gera, Benjaminindet, ne bo Baurim, ne kichuba eng’ chubet ne ng’wan eng’ betut ne kiawendi Maanaim: ago kichorgei kotorokwa eng’ Jordan, ak kiayosiechi inendet eng’ Jehovah alenji, Mabarin eng’ rotwetab chok.

TIENWOGIKAL 66:3

Olenji Kamuktaindet, Bo kamuiset ne tia boisioniguk! Iming’injiningei buniguk amu etunatetab kimnateng’ung’.

TIENWOGIKAL 81:15

Yaegei koek che kase it icheget che wechei Jehovah: Ago kata teptoi betusiekwak koigeny.

NG'ANG'UTYET 3:9

Keero, agochini che bo sunagogitab Setani, icheget che mwaei kole ki Yahudik, ago ma ichek, kenu, keero, agochini ichek kobwa kogutuny eng’ kelyeguk, ak konai kole kiachamin.

1 SAMUEL 22:15

Tos katau rani ateepsechi inendet eng’ Kamuktaindet? Ingolooit eng’ ane: amat koiityi laitoriat kiy age tugul otwogindennyi, anan got tugul ne bo baba: amu maingen otwogindeng’ung’ agobo ng’alechu tugul che ng’ering’ anan ngo che chang’.