2 SAMUEL 19:17 - BUKUIT NE TILIL

¹⁷ Ak kimi koboto inendet bik elfut agenge che bo Benjamin, ak Siba otwogindetab gotab Saul, ak werikyik taman ak mut, ak otwogikyik tiptem; ak kilandae Jordan eng’ taitab laitoriat.

Bukuit Ne Tilil

¹⁷ Ki mi kobooto ineendet piik eliphuut agenge che po Benjamin ak Siba otwogindetap kootap Saulo, weeriikyik taman ak muut ak otwogikyik tiptem ak kolandae Jordan eng' taitap laitoryat.

BUKUIT NE TILIIL Sireet ne Dutero Kanon

¹⁷ Ki mi kobooto ineendet piik eliphuut agenge che po Benjamin ak Siba otwogindetap kootap Saulo, weeriikyik taman ak muut ak otwogikyik tiptem ak kolandae Jordan eng' taitap laitoryat.

2 SAMUEL 19:17 ပူးပေါင်းရင်းမြစ်များ

2 SAMUEL 16:5

Ak kingoit laitoriat Daudi Baurim, ogeero, kimong’ eng’ oloto chito ne bo oretab gab Saul, ne kigiguure kainennyi Simei, weritab Gera: kimong’ kochubisionu.

2 SAMUEL 19:18

Ak kilanda moinget ne ming’in kwo komut bikab gotab laitoriat kolong’, ak koyai kit ne kigeerei kole mie. Ak kiibutyi ng’ony Simei weritab Gera, eng’ taitab laitoriat, ko kagolong’ eng’ Jordan.

2 SAMUEL 3:16

Ak kiba ak monong’otiondennyi koriroti manong’otiondennyi, ak kiisub kwonyoto kot koit Baurim. Kilenji anyun Abner inendet, Ui, iweektege: ak kiweek.

2 SAMUEL 9:10

Ak ibatyi emet inye, ak weriguk, ak otwogiguk; ak iibu bek kobwa go, si kobiit konyor weritab kiptaiyandeng’ung’ amitwogik che amei: ago amisie mesennyu kotugul Mepiboset weritab kiptaiyandeng’ung’. Kitinyei Siba werik taman ak mut ak otwogik tiptem.

2 SAMUEL 9:2

Ak kimi eng’ gotab Saul otwogindet ne kigiguure kainennyi Siba, ak kigiguur kwo ole mi Daudi; kilenji laitoriat, I Siba? Ak kile, A inendet, ane otwogindeng’ung’.

1 LAITORINIK 2:8

Ak keero, mi koboten Simei weritab Gera, Benjaminindet, ne bo Baurim, ne kichuba eng’ chubet ne ng’wan eng’ betut ne kiawendi Maanaim: ago kichorgei kotorokwa eng’ Jordan, ak kiayosiechi inendet eng’ Jehovah alenji, Mabarin eng’ rotwetab chok.