2 SAMUEL 17:14 - BUKUIT NE TILIL

¹⁴ Ak kile Absalom ak bik tugul che bo Israel, Kararan kiruogetab Husai Arkindet kosiir kiruogetab Aitopel. Amu kiga til Jehovah koterter kiruoget ne mie ne bo Aitopel, si kobiit koipchi Jehovah yaitiet Absalom.

Bukuit Ne Tilil

¹⁴ Kole anyun Absalom ak piik tugul che po Israel, Karaaran kirwoogetap Hushai Arkindet kosiir kirwoogetap Ahitopel. Amu kiga til Kamuktaindet ne Toroor koterteer kirwooget ne myee ne po Ahitopel, si kobiit koipchi Kamuktaindet ne Toroor yaityet Absalom.

BUKUIT NE TILIIL Sireet ne Dutero Kanon

¹⁴ Kole anyun Absalom ak piik tugul che po Israel, Karaaran kirwoogetap Hushai Arkindet kosiir kirwoogetap Ahitopel. Amu kiga til Kamuktaindet ne Toroor koterteer kirwooget ne myee ne po Ahitopel, si kobiit koipchi Kamuktaindet ne Toroor yaityet Absalom.

2 SAMUEL 17:14 ပူးပေါင်းရင်းမြစ်များ

TAUNET 32:28

Ak kilenji, Ma keguurenen Jakobo agoi, ago kagiguurenen Israel: amu kaobelgei ak Kamuktaindet ak bik agichek, ak kaiterter.

2 SAMUEL 15:31

Ak kigimwachi Daudi, kelenji, Mi Aitopel koboto njaamikab Absalom. Ak kile Daudi, Ee Jehovah, asomin ale, wal kiruogetab Aitopel koek berberindo.

2 SAMUEL 15:34

ago ngot iweeige nganaset, ak ilenji Absalom, Aegu otwogindeng’ung’, ee laitoriat; ko u ye kia otwogindetab kwandang’ung’ eng’ betusiek che kigosiirto, aegu anyun nguno otwogindeng’ung’: iterterwa anyun kiruogetab Aitopel.

2 SAMUEL 16:23

Ak ki u kiruogetab Aitopel, ne kiiruochi eng’ betusiechoto, ye teebei chi eng’ ng’olyotab Kamuktaindet: ki u noto anyun kiruogutik tugul che bo Aitopel eng’ Daudi ak eng’ Absalom.

2 ATEPTAP PEETUUSYEK 10:15

Koma kasyi anyun laitoriat bichoto; amu ki kit ne kibunu Kamuktaindet, si kobiit kogimit Jehovah ng’olyondennyi, ne kimwa eng’ Aija Silonindet komwachi Jeroboam weritab Nebat.

2 ATEPTAP PEETUUSYEK 10:8

Ago kibagakta ng’alekab boisiek, che kimwachi inendet, ak kong’alal ak neranik che kinerjindos tugul, che kitonondos eng’ tainnyi.

2 ATEPTAP PEETUUSYEK 25:16

Ak ye kita kong’alaldos ak inendet, kolenji laitoriat, Tos kogindein iegu kiruogindetab laitoriat? Muite; amu nee si imache kebarin? Kimuita anyun maotiot, ak kile, Angen ale, kagotil Kamuktaindet kole kong’emin, amu kaiyai ni, ama igas ng’alekyuk.

2 ATEPTAP PEETUUSYEK 25:20

Ago ma cham Amasia kogas; amu kibunu Kamuktaindet kioto, si kobiit konde ichek eunekab bunikwak, amu kicheng’ kanamonikab Edom.

NEEMIA 4:15

Ak kingogas bunikyok kole kigegas kiito, ak kigowal Kamuktaindet kiruogenywa koek buch, keweekyigei anyun tugul irimet, kwo chi tugul boisiennyi.

Kitabuutap JOB 12:17

Imuti kiruogik ko luulenik, Ak yaei inendet kiruogik koek che berber.

TIENWOGIKAL 9:15

Kagororokyi bororiosiek keringet ne kibalei: Kagonam kelyekwak mestet ne kiga uny.

TIENWOGIKAL 9:16

Kigoborgei Jehovah, kigoruoch: Kigonam kiptengekyot boisietab eunekyik. Higaion.

KOMONG'U 9:16

ago iman kaachamun itebi, si kobiit aborun kimnatennyu, ak si kobiit kemwaita kainennyu eng’ ng’ony komugul.

KALEWANAIK 19:21

Mi chobutik che chang’ muguleldab chito; Ago tebyei kotigonetab Jehovah.

KALEWANAIK 21:30

Mami ng’omnatet anan kaguiyet Anan kiruoget ne kirindoi Jehovah.

ISAIAH 8:10

Oruoch tugul, si koek buch; omwa ng’olyot, ama tononi: amu mi Kamuktaindet kobotech.

RIREKAB JEREMIA 3:37

Ng’o inendet ne mwaei ak kosulda kioto, ngot ko mang’at Kiptaiyat kioto?

AMOS 9:3

Agot ngo ung’egei tulwetab Karmel barak, acheng’e ak anemu eng’ oloto; agot ngo ung’enagei eng’ nyanjet orit, ang’ate eng’ oloto erenet, si kosus ichek.

LUKA 16:8

Ak kiichoi kiptaiyandennyi otwogindonoto kima ko bo imanda amu kayai eng’ ng’omnatet: amu ng’omen werikab ng’onyuni eng’ ibindanywa kosiir werikab lapkeiyet.

1 KORINTOEK 3:19

Amu ng’omnatet ne bo ng’onyuni ko berberindo eng’ Jehovah. Amu kigisir kele, Inendet ne namei che ng’omen eng’ ng’alsenywa:

NG'ATUTIK 2:30

Ago ma chamwech Sihon laitoriatab Hesbon kebun oldanyi: amu kiiuuiit tamirmiriennyi Jehovah Kamuktaindeng’ung’, kot ko ma chamdagei, si kondeun inendet eung’ung’ ko u rani.

JOSHUA 11:20

Amu ng’olyotab Jehovah ne kiiuuiit mugulelwekwak, si kobargei ak Israel eng’ luget, si kobiit kong’em ichek koges, si ma kirire ichek, ago si kobiit kobar, ko u ye kiga ng’at Jehovah Musa.