2 SAMUEL 17:11 - BUKUIT NE TILIL

¹¹ Ago aruochi ale, ingoyumjingei Israel tugul, koboch Dan agoi Beer-seba, kotenit ng’aniek che mitei ngegutab araraita eng’ chang’indo; si iwe luget inyendet.

Bukuit Ne Tilil

¹¹ Ago arwoochi aleen, ingoyumjingei Israel tugul, kobooch Dan agoi Beer-sheba, kotenit ng'aniek che miitei ngeguutap araraita eng' chaang'indo, si iwe lugeet inyeendet.

BUKUIT NE TILIIL Sireet ne Dutero Kanon

¹¹ Ago arwoochi aleen, ingoyumjingei Israel tugul, kobooch Dan agoi Beer-sheba, kotenit ng'aniek che miitei ngeguutap araraita eng' chaang'indo, si iwe lugeet inyeendet.

2 SAMUEL 17:11 ပူးပေါင်းရင်းမြစ်များ

TAUNET 13:16

Ak ayae lagoguk kochang’ait ko u temburiek che bo ng’ony, si ngot komugaksei koiit chi temburiek che bo ng’ony, ko kaga iitoksei lagoguk agichek.

TAUNET 21:14

Ak king’eet anyun Abraham karon mising’ ak kiib amitwogik ak sotet ne bo beek, kogochi Hagar ak lakwet, ak kiindechi tigikyennyi, ak kilenji, Ui, anyun: ak kiwa anyun, koombenot eng’ ong’atetab Beer-Seba.

TAUNET 22:17

Eng’ kaberuret aberurin, ak eng’ kayabet ayabi iyoteng’ung’ kobarait kotenit kecheik che bo kipsengwetisiek, ak kotenit ng’aniek che bo ngegutab nyanjet; ak tun nyoboni lagoguk kurgetab bunikwak;

2 SAMUEL 12:28

Noto anyun, iyum bik che ng’etunotin, ak iteech ye tokyingei nganaset, ak inam: si maanam ane nganaset, ak kemwaitae kainennyu.

2 SAMUEL 24:2

Ak kilenji laitoriat Joab kiptaiyatab luget, ne kimi ak inendet, Ui bunote bororiosiek tugul che bo Israel, koboch Dan agoi Beer-seba, ak oiit bik si kobiit anai koitetab bik.

2 SAMUEL 3:10

auto bounatet eng’ gotab Saul, ak alumde ng’echeretab laitornatet ne bo Daudi koboi Israel ak Juda, koboch Dan agoi Beer-seba.

1 LAITORINIK 20:10

Ak kiiyokto Ben-hadad bik koba oldanyi, kolenji, Ingoyaiywa cheptalelisiek ko u noto, ak kotes, ngot koyam temburiekab Samaria komugutat eng’ eunekwak bik che isubwa.

1 LAITORINIK 4:20

Ki chang’ Juda ak Israel, ko u ng’aniek che mi nyanjet eng’ chang’indo, koamisiei ak koeeisei ak koboiboegei.

TIENWOGIKAL 9:16

Kigoborgei Jehovah, kigoruoch: Kigonam kiptengekyot boisietab eunekyik. Higaion.

JOSHUA 11:4

Ak kimanda icheget ak lugosiekwak tugul, bik ng’isiat, che te ng’aniek che mi ngegutab nyanjet eng’ chang’indo, ak mbartanyisiek ak karisiek ng’isiat.

KIRUOGIK 20:1

Kimanda anyun lagokab Israel tugul, ak kiiyumgei tuiyet koigei chichak, koboch Dan agoi Beer-seba, koboto emetab Gilead, koyumjigei Jehovah eng’ Mispa.

1 SAMUEL 13:5

Ak kiiyumgei Pilistik kobargei ak Israel, karisiek elfusiek sosom, ak bik elfusiek lo che lanyei mbartanyisiek, koboto bik che te ng’aniekab ngegutab nyanjet eng’ chang’indo: ak kitogos ak koteech Mikmas, ne tokyingei kong’asis eng’ Bet-aben.

1 SAMUEL 3:20

Ak kinai Israel tugul koboch Dan agoi Beer-seba kole kogigimit Samuel koek maotiotab Jehovah.