2 SAMUEL 15:31 - BUKUIT NE TILIL

³¹ Ak kigimwachi Daudi, kelenji, Mi Aitopel koboto njaamikab Absalom. Ak kile Daudi, Ee Jehovah, asomin ale, wal kiruogetab Aitopel koek berberindo.

Bukuit Ne Tilil

³¹ Ak ki kimwachi Daudi keleenji, “Mi Ahitopel kobooto njaamigap Absalom.” Ak ki sa Daudi kole, “Ee Kamuktaindet ne Toroor, asoomin ale, wal kirwoogetap Ahitopel koek perberyo.”

BUKUIT NE TILIIL Sireet ne Dutero Kanon

³¹ Ak ki kimwachi Daudi keleenji, “Mi Ahitopel kobooto njaamigap Absalom.” Ak ki sa Daudi kole, “Ee Kamuktaindet ne Toroor, asoomin ale, wal kirwoogetap Ahitopel koek perberyo.”

2 SAMUEL 15:31 ပူးပေါင်းရင်းမြစ်များ

2 SAMUEL 15:12

Ak kiiyokto Absalom keguur Aitopel Gilonindet, toretindetab Daudi, eng’ nganasennyi, Gilo, ye kiigoitoi tiseiywek. Ak kitesak chaamset; amu ki tesoksei bik che namegei ak Absalom.

2 SAMUEL 16:23

Ak ki u kiruogetab Aitopel, ne kiiruochi eng’ betusiechoto, ye teebei chi eng’ ng’olyotab Kamuktaindet: ki u noto anyun kiruogutik tugul che bo Aitopel eng’ Daudi ak eng’ Absalom.

2 SAMUEL 17:14

Ak kile Absalom ak bik tugul che bo Israel, Kararan kiruogetab Husai Arkindet kosiir kiruogetab Aitopel. Amu kiga til Jehovah koterter kiruoget ne mie ne bo Aitopel, si kobiit koipchi Jehovah yaitiet Absalom.

2 SAMUEL 17:23

Ak kingogeer Aitopel kole, mata kosub chi kiruogennyi, koiito sigiriennyi, ak kong’eet, kwo ga, kot koit nganasennyi, ak kwo korarji ket bikab gonnyi, ak kogetgei; ak kime; ak kigitupchi kereritab kwandanyi.

2 SAMUEL 17:5

Yeityo komwa Absalom kole, Oguur Husai Arkindet agine konyo, kegas kit ne mwaei agine.

2 SAMUEL 17:7

Ak kilenji Husai Absalom, Ma mie ng’olyot ne kamwa Aitopel ra.

Kitabuutap JOB 5:12

Ng’emei chobutikab ng’alik, Kot ko ma komuchi eunekwak koyai tuguk che bo kagiilenywa bo ge.

TIENWOGIKAL 109:3

Koyiemena ng’alek che bo wechet, Ak koboriena buch.

TIENWOGIKAL 3:1

Ee Jehovah, kagotesak bunikyuk ne tia! Chang’ che ng’eetyina.

TIENWOGIKAL 41:9

Ee, agot choruennyu ne kigichamdosi, ne kiamang’u, ne kiabae, Ko kagong’eet kole koyaiywa ne ya.

TIENWOGIKAL 55:10

Yiemei irimosiek bet ak kemoi; Mi kwenutab nganaset tengekto ak wasetab ge.

TIENWOGIKAL 55:12

Amu kima ko bunyot ne kirosya: Nda ki bunyot ta kiamuitoi: Ama inendet ne kiwecha ne kiilosunenagei; Amu ta kiaung’egei inendet:

ISAIAH 19:3

Ak tun kiyaei koek buch tamirmirietab Misri eng’ kwenunnyi; ak ang’em kiruogennyi: ak koba kocheng’ kanamonik, ak bik che abusisiei, ak che boisie oik, ak bonik.

ISAIAH 44:25

Ne walei kaborunoikab kiplembechonik koek buch, ak kogochin che ng’orsei koiiywenso; ne weechi bik che ng’omen koba let, ak koyaei naenywa koek berberindo:

JOHANA 13:18

Mamwae agobo okwek tugul: angen che kialewen: ago si kobiit kosulda sirutiet, ne kile, Inendet ne amei makatiandennyu, ko kagong’eet kwariandennyi koyaiywa ne ya.

1 KORINTOEK 1:20

Mi ano ne ng’om? Mi ano sirindet? Mi ano kiptiiyotiot ne bo kenyisiechu? Tos ma yai Jehovah ng’omnatetab ng’onyuni koberberit?

JAKOBO 3:15

Mabunu barak ng’omnatoni bo ng’ony, bo borwek, bo oindet.