2 SAMUEL 15:21 - BUKUIT NE TILIL

²¹ Ak kiwolji Itai laitoriat kolenji, Ko u ye sobei Jehovah, ak ko u ye sobei kiptaiyandennyu laitoriat, oldo tugul ole mi kiptaiyandennyu laitoriat, ami oloto agane iman, ane otwogindeng’ung’ ngo eng’ meet anan eng’ sobet.

Bukuit Ne Tilil

²¹ Ago ki wolji `Itai laitoryat koleenji, “Ko uu ye sabei Kamuktaindet ne Toroor ak ko uu ye sabei kiptaiyandennyu laitoryat, ko oldo tugul ole mi kiptaiyandennyu laitoryat, ami olooto agane iman, anee otwogindeng'ung' ngo eng' meet anan eng' sabeet.”

BUKUIT NE TILIIL Sireet ne Dutero Kanon

²¹ Ago ki wolji `Itai laitoryat koleenji, “Ko uu ye sabei Kamuktaindet ne Toroor ak ko uu ye sabei kiptaiyandennyu laitoryat, ko oldo tugul ole mi kiptaiyandennyu laitoryat, ami olooto agane iman, anee otwogindeng'ung' ngo eng' meet anan eng' sabeet.”

2 SAMUEL 15:21 ပူးပေါင်းရင်းမြစ်များ

2 SAMUEL 15:22

Ak kilenji Daudi Itai, Ui lande. Kilanda anyun Itai Gitindet, ak bikyik tugul, koboto lagok tugul che kimi ak inendet.

2 LAITORINIK 2:2

Ak kilenji Elija Elisha, Asomin ale, tebi eng’ yu; amu kagoyokta Jehovah awa agoi Bet-el. Ak kile Elisha, Ko u ye sobei Jehovah, ak ko u ye sobei sobondang’ung’, ko mametoin. Kochortagei anyun Bet-el.

2 LAITORINIK 2:4

Ak kilenji Elija inendet, Elisha, asomin ale tebi eng’ yu; amu kagoyokta Jehovah awa Jeriko. Ak kile, Ko u ye sobei Jehovah, ak ko u ye sobei sobondang’ung’, ko mametoin. Koit anyun Jeriko tuwai.

2 LAITORINIK 2:6

Ak kilenji Elija inendet, Asomin ale, tebi eng’ yu; amu kagoyokta Jehovah awa Jordan. Ak kile, Ko u ye sobei Jehovah, ak ko u ye sobei sogondang’ung’, ko mametoin. Ak kiba tuwai.

2 LAITORINIK 4:30

Ak kile kametab lakwet, Ko u ye sobei Jehovah, ak ko u ye sobei sobondang’ung’, ko mabagaktoin. Ak king’eet Elisha, kosub inendet.

KALEWANAIK 17:17

Tinyei choruet chamnyet kotugul, Ak kisichei ne tupcho agobo nyalilda.

KALEWANAIK 18:24

Cheng’jingei ng’emisiet inendet ne cheng’ei choronok che chang’: Ago mi choruet ne namegei kosiir ng’etab kamet.

POISYONIGAP CHE KIYOKTOI 11:23

ak kingoit inendet, ak kogeer mieindab Jehovah, kobaibait; ak kogiil ichek tugul konamgei ak Kiptaiyat eng’ mugulelwek che bekyinotin:

POISYONIGAP CHE KIYOKTOI 21:13

Kowol Paulo kole, Oyae nee, orirtosi ak obare muguleldanyu? Amu a chobot, ma kerata kityo, ago ame eng’ Jerusalem agobo kainetab Kiptaiyat Jesu.

2 KORINTOEK 7:3

Mamwae nito ale aruokwok: amu kisib amwa, ale omi eng’ mugulelwekyok kebegu tugul ak kesopche tugul.

1 SAMUEL 20:3

Ak kogeny, kiiyosio Daudi kogeny kole, Ingen kwandang’ung’ komie kole, Kianyoru chamet eng’ taing’ung’; ak kile, Amat konai Jonatan kiito, si maarogen: ago iman ko u ye sobei Jehovah, ak ko u ye sobei sobondang’ung’ agine, komi kakwautiet agenge kityo eng’ kwenunnyu ak meet.

1 SAMUEL 25:26

Ara anyun kiptaiyandennyu, ko u ye sobei Jehovah, ak ko u ye sobei sobondang’ung’, ak ko u ye kietenen Jehovah si metumde korotik, si meyaaktochigei mugetut eng’ eung’ung’, noto anyun, ingoigei buniguk Nabal, ak ichek che cheng’jin yaitiet kiptaiyandennyu.