2 SAMUEL 15:2 - BUKUIT NE TILIL

² Ak king’eet Absalom karon inne, ak kotonon eng’ ye negite ormarichet: ak kingotinyei chi age tugul ng’olyo ne ibei kwo gab laitoriat kiruokyinechi, koguurei Absalom konyo ye mi inendet, kolenji, I bo nganaset ano? Ak kole, Bo otwogindeng’ung’ age eng’ bororiosiekab Israel.

Bukuit Ne Tilil

² Ki ng'eetei Absalom karon miising' ak kotonon eng' ye neegitee ormariichet. Ak kingo tinyei chii age tugul ng'olyoo ne ibei kwo kaplaitoryat kirwookyinechi, koguurei Absalom konyo ye mi ineendet ak koleenji, “Ii po nganaseet ingiro?” Ak kole, “Po otwogindeng'ung' age eng' pororyosyegap Israel.”

BUKUIT NE TILIIL Sireet ne Dutero Kanon

² Ki ng'eetei Absalom karon miising' ak kotonon eng' ye neegitee ormariichet. Ak kingo tinyei chii age tugul ng'olyoo ne ibei kwo kaplaitoryat kirwookyinechi, koguurei Absalom konyo ye mi ineendet ak koleenji, “Ii po nganaseet ingiro?” Ak kole, “Po otwogindeng'ung' age eng' pororyosyegap Israel.”

2 SAMUEL 15:2 ပူးပေါင်းရင်းမြစ်များ

TAUNET 34:20

Ak kiba Hamor ak werinnyi Sekem ormarichetab nganasenywa, ak king’alal ak bikab nganasenywa, kolenjigei,

2 SAMUEL 19:8

Kong’eet anyun laitoriat ak kotebe ormarichet. Ak kigimwachi bik tugul kelenji, Ogeero, tebyei ng’ony laitoriat eng’ ormarich: ak kibwa bik tugul taitab laitoriat. Kiga komwei Israel, kwo chi tugul emainnyi.

2 ATEPTAP PEETUUSYEK 10:7

Ak kimwachi kolenji, Ngot iegu chi ne mie eng’ bichu, ak ibaibai ichek, ak imwachi ng’alek che miach, koegu anyun ichek otwogiguk koigeny.

Kitabuutap JOB 24:14

Ng’eetei rumindet ko kaeech kobar kibananok ak che matinyei kiy; Ak u inendet chorindet kemoi.

KOMONG'U 18:14

Ak ye kingogeer kabyugoitab Musa tuguk tugul che kiyachin Musa bik, kole, Nee ni iyachini bik? Amu nee si itebi inyege, ak kotonondos bik tugul ko kayiemin koboch karon agoi koimen?

KOMONG'U 18:16

ye tinyei ng’olyo, kobwanjina; ak abesiechini chi tugul ak chitab kokwennyi, ak aneti ichek konai konetisiosiekab Jehovah, ak ng’atutikyik.

KOMONG'U 18:26

Ak kiiruoksechi bik eng’ betusiek tugul: kiipchi Musa ng’alek che uuen, ago kiibesiechigei ichegei ng’olyot age tugul ne ming’in.

KALEWANAIK 4:16

Amu mainuuktos kobate ko kagoyai yaitiet; Istoegei ichek kanuuget, agoi konach chito age.

DANIEL 11:21

Ak kogeer inendet chito age ne kasasei, ne kima igochi ichek teegistab bounatet: ago tun nyonei eng’ betusiekab kalyet, ak konam bounatet eng’ mwaikutnatet.

MATAYO 27:1

Ak ye kingo kagoeech, koruoch tisiik tugul che eechen ak boisiekab bichoto agobo Jesu, si kobar inendet:

NG'ATUTIK 17:8

Ngo biit ng’olyot ne uui eng’ kiruoget ne temenen, ne bo korotik eng’ korotik, ak ng’olyot eng’ ng’olyot, ak biret eng’ biret, che kaek kabeletab ge eng’ kurgotiguk: ing’eet anyun, iwe ole leweni Jehovah Kamuktaindeng’ung’;

RUTH 4:1

Ak kitogosta Boas kwo ormarichetab nganaset, ak koteb ng’ony eng’ yoto: ak ogeero, kinyo kobun yoto chichoto bo oret ne negit noto kimwaei Boas; inendet ne kilenji, Kale-i, nyo yu, ibuur eng’ yu. Kiwa anyun ak kobuur.