2 SAMUEL 12:20 - BUKUIT NE TILIL

²⁰ King’eet anyun Daudi eng’ ng’ony, kwo koungei, ak koiilgei, ak kolaach ngoroik alak; yeityo konyo gotab Jehovah konyo kosa: yeityo kwo gonnyi; ak kingomach amitwogik, kindochi tainnyi, ak kiam.

Bukuit Ne Tilil

²⁰ Ki ng'eet anyun Daudi eng' ng'wony kwo koun kei, koiilgei ak kolaach ngoroik alak, yeityo konyo kootap Kamuktaindet ne Toroor kosa. Kingo tar kosaaei, kwo koonnyi ak king'yemach amitwogik, kindochi tainnyi ak ki am.

BUKUIT NE TILIIL Sireet ne Dutero Kanon

²⁰ Ki ng'eet anyun Daudi eng' ng'wony kwo koun kei, koiilgei ak kolaach ngoroik alak, yeityo konyo kootap Kamuktaindet ne Toroor kosa. Kingo tar kosaaei, kwo koonnyi ak king'yemach amitwogik, kindochi tainnyi ak ki am.

2 SAMUEL 12:20 ပူးပေါင်းရင်းမြစ်များ

2 SAMUEL 12:19

Ago kingogeer Daudi kochaamjingei otwogikyik, konai Daudi kole kagome; ak kimwachi Daudi otwogikyik, kolenji, Kagome lakwet? Ak kile, Kagome.

2 SAMUEL 12:21

Kilenji anyun otwogikyik, Nee kii koiyai? Koirugutige ak irire agobo lakwet yu kota kosobei; ago kongome, ing’eet ak iamisie.

2 SAMUEL 14:2

Ak kiiyokto Joab keguur kwondo ne ng’om eng’ Tekoa, ak kolenji, Asain ale, yaige ogergeitu ak chito ne rirei, ak asain ale ilaach ngoroikab rirek, amat iilege mwaita, ago ogergeitu ak kwondo ne kigorir keny agobo chito ne kime:

2 SAMUEL 19:24

Ak kichorgei Mepiboset weritab Saul kotorok laitoriat; kimata kotil siokab kelyekyik, anan kocher tamnennyi, anan komwet ngoroikyik, koboch betut ne kiga wa laitoriat agoi betut ne kiweeksei ga eng’ kalyet.

2 SAMUEL 6:17

Ak kiib moingetab Jehovah konyo go, ak konde yetanyi, eng’ kwenutab emait ne kiga koteekyi Daudi: ak kiigoito Daudi kagochinoik che kibeelei ak kagochinoikab kalyet eng’ taitab Jehovah.

2 SAMUEL 7:18

Yeityo kwo go laitoriat, kwo kotebi ng’ony eng’ taitab Jehovah; ak kole, A ng’o, ee Kiptaiyat Jehovah, ak nee gonnyu, kot imutwa agoi ra?

Kitabuutap JOB 1:20

Kong’eet anyun Job, ak kobet ngoriennyi ne bo barak, ak kocher metinnyi, ak kobutyi ng’ony, kosa:

Kitabuutap JOB 2:10

Ago kilenji Job inendet, Ing’alali ko u ye ng’alaldos kwonyik che berber. Tos kinyor che miach eng’ eutab Kamuktaindet ama kinyoru che yaach? Eng’ chuto tugul ko ma mwa Job tengek eng’ kutinnyi.

TIENWOGIKAL 103:1

Ilosu Jehovah, ee sobondanyu, Ak ingolos kainennyi ne tilil tugul che mi orinnyu.

TIENWOGIKAL 103:8

Nyiitat Jehovah rirenet ak ko bo mieindo, Ama sib konerechi, ak tinyei chang’indab rirenet.

TIENWOGIKAL 39:9

Kinamak kutinnyu, ak kiasis, ma atwegu; Amu inye ne kiiyae.

TIENWOGIKAL 95:6

Obwa kilosu, ak king’urukyi; Ongegutung’se eng’ taitab Jehovah Yaindennyo:

KALEWANAIK 3:7

Amendege inyege ile i ng’om; Iywei Jehovah, ak iistoege yaitio:

AMDOINDET 9:8

Ingoleelagitu ngoroiguk kotugul; ameng’ korarji mwaita meting’ung’.

MATAYO 6:17

Ago ye irugutge inye, iil meting’ung’ ak iun togeng’ung’:

LUKA 7:46

Ma iile metinnyu mwaita: ago kagoiile ine kelyekyuk mwaita ne nyamdut.

RUTH 3:3

Iunge anyun, ak iilge, ak ilaach ngoroiguk, yeityo iwe oloto mi ruanyut: ago amat iborjige chichoto, kot koges amisiet ak eeiset.

1 SAMUEL 15:25

Ara asain anyun nguno ale, nyoiywa kaat tengektanyu, ak ingeweeige tuwai, si kobiit agutung’ji Jehovah.

1 SAMUEL 15:31

Koweek anyun Samuel kosub Saul; ak kigutung’ji Saul Jehovah.