2 SAMUEL 11:11 - BUKUIT NE TILIL

¹¹ Ak kilenji Uria Daudi, Tebe keriosiek moinget, ak Israel, ak Juda; ak menyei kewet kiptaiyandennyu Joab, ak otwogikab kiptaiyandennyu; awe anyun ane gonnyu, aamisie ak aeeise, ak keruiye ak osotiondennyu? Ko u ye isobe, ak ko u ye sobei sobondang’ung’, mayae kioto.

Bukuit Ne Tilil

¹¹ Kowolji `Uriah Daudi koleenji, “Tebee `keryosyek moinget ak Israel ak Judah, ak menyei keeweet kiptaiyandennyu Joab ak otwogigap kiptaiyandennyu. Tos awetitoi ano anyun anee koonnyu, aamisye ak aeeise ak keruiye ak osotyondennyu? Ko uu ye isabe ak ko uu ye sabei saboondang'ung', ma yae kioto.”

BUKUIT NE TILIIL Sireet ne Dutero Kanon

¹¹ Kowolji `Uriah Daudi koleenji, “Tebee `keryosyek moinget ak Israel ak Judah, ak menyei keeweet kiptaiyandennyu Joab ak otwogigap kiptaiyandennyu. Tos awetitoi ano anyun anee koonnyu, aamisye ak aeeise ak keruiye ak osotyondennyu? Ko uu ye isabe ak ko uu ye sabei saboondang'ung', ma yae kioto.”

2 SAMUEL 11:11 ပူးပေါင်းရင်းမြစ်များ

2 SAMUEL 11:10

Ak kingo kagomwachi ichek Daudi kolenji, Ma chortagei Uria kwo gonnyi, kolenji Daudi Uria, Kama ibunu banda? Amu nee anyun si mechortege iwe gong’ung’?

2 SAMUEL 14:19

Ak kile laitoriat, Tos omi ak Joab eng’ ng’alechu tugul? Ak kiwol kwonyoto kole, Ko u ye sobei sobondang’ung’, kiptaiyandennyu laitoriat, mami chi ne imuchi komasta kwo eutab tai anan kwo eutab katam eng’ kiy age tugul ne kagomwa kiptaiyandennyu laitoriat: amu kong’ata otwogindeng’ung’ Joab, ak komwawa ane otwogindeng’ung’ ng’alechuto tugul;

2 SAMUEL 20:6

Ak kilenji Daudi Abisai, Yaiywech yaitiet Sheba weritab Bikri nguno kosiir ne kiyai Absalom: imut anyun otwogikab kiptaiyandeng’ung’, ak isub inendet, si manamjigei nganasok che ng’ototin, ak kochilil si mata kegeer.

2 SAMUEL 7:2

kolenji laitoriat Natan maotiot, Keero, amenye gotab taragonik, ago menyei moingetab Kamuktaindet angok orit.

2 SAMUEL 7:6

Amu tom ameny go koboch betut ne kiamutu lagokab Israel eng’ Misri, agoi betuni, ago kiawendote emait ak gotab moinget.

KAITOSYEK 32:6

Ak kilenji Musa lagokab Gad ak lagokab Reuben, Bendi tupchosiekwok luget; otebi okwek eng’ yu?

JOHANA 13:14

Ngo ane anyun ne a Kiptaiyat ak Konetindet, ne kaun kelyekwok, ko kanyoljok ak okwek ounjige kelyek.

2 TIMOTEO 2:12

ngemuite, ko tun kibou koboto inendet: ngot keesie inendet, ko tun esioech agine:

1 SAMUEL 1:26

Ak kimwa kwonyoto kole, Ee, kiptaiyandennyu, ko u ye sobei sobondang’ung’, inye, kiptaiyandennyu, a kwonyi kiatononi eng’ yu kiimi, asae Jehovah.

1 SAMUEL 14:18

Ak kilenji Saul Aija, Ibu moingetab Kamuktaindet konyo yu. Amu kimi moingetab Kamuktaindet koboto lagokab Israel eng’ betusiechoto.

1 SAMUEL 17:55

Ak kingogeer Saul Daudi kowendi kobaregei ak Pilistindet, koteebe Abner ne ki kiptaiyatab luget, kolenji, Abner, bo gab ng’o weri? Ak kile Abner, Ko u ye sobei sobondang’ung’, ee laitoriat, ko mangen.

1 SAMUEL 20:3

Ak kogeny, kiiyosio Daudi kogeny kole, Ingen kwandang’ung’ komie kole, Kianyoru chamet eng’ taing’ung’; ak kile, Amat konai Jonatan kiito, si maarogen: ago iman ko u ye sobei Jehovah, ak ko u ye sobei sobondang’ung’ agine, komi kakwautiet agenge kityo eng’ kwenunnyu ak meet.

1 SAMUEL 25:26

Ara anyun kiptaiyandennyu, ko u ye sobei Jehovah, ak ko u ye sobei sobondang’ung’, ak ko u ye kietenen Jehovah si metumde korotik, si meyaaktochigei mugetut eng’ eung’ung’, noto anyun, ingoigei buniguk Nabal, ak ichek che cheng’jin yaitiet kiptaiyandennyu.

1 SAMUEL 4:4

Kiiyokto anyun bichoto bik koba Silo, ak kiib eng’ yoto moingetab arorutietab Jehovah ne bo lugosiek, ne tebe kerubisiek: ak kimi yoto werichoto aeng’u bo Eli, Hopni ak Pineas, koboto moingetab arorutietab Kamuktaindet.