2 SAMUEL 10:6 - BUKUIT NE TILIL

⁶ Ak kingogeer lagokab Amon kole kagoyaagitu icheget eng’ Daudi, koyokto lagokab Amon keguur Suriekab Bet-reob ak Suriekab Soba, si konyor melekto, murenik elfusiek tiptemu che bunei kelyek, koboto laitoriat Maaka ak murenik elfut, ak murenik elfusiek taman ak aeng’ che bo Tob.

Bukuit Ne Tilil

⁶ Kingo keer lagogap Ammon kole kagoyaagitu icheeget eng' Daudi, koyookto keguur piigap Syria che menyei Beth-rehob ak piigap Syria che menyei Soba, si konyoor melekto murenik eliphuusyek tiptemu che punei keelyek, kobooto Laitoryat Maaka ak murenik eliphuut ak murenik eliphuusyek taman ak aeng' che po Tob.

BUKUIT NE TILIIL Sireet ne Dutero Kanon

⁶ Kingo keer lagogap Ammon kole kagoyaagitu icheeget eng' Daudi, koyookto keguur piigap Syria che menyei Beth-rehob ak piigap Syria che menyei Soba, si konyoor melekto murenik eliphuusyek tiptemu che punei keelyek, kobooto Laitoryat Maaka ak murenik eliphuut ak murenik eliphuusyek taman ak aeng' che po Tob.

2 SAMUEL 10:6 ပူးပေါင်းရင်းမြစ်များ

TAUNET 34:30

Ak kilenji Jakobo Simeon ak Lawi, Kaoiima, ak kaogona aek ne kiwechei eng’ bik che menyei emoni, eng’ Kanaik ak Perisik: ak koyumjagei, kobara kowong’wa koboto gonnyu, ago achek, kota ko ki ng’ering’.

2 SAMUEL 10:5

Kingemwachi Daudi ng’olyondonoto, koyokto bik kotorokta; amu kiililandos bichoto mising’. Ak kile laitoriat, Otebi eng’ Jeriko agoi kobityo tamnokwok, ye ibata, obwa.

2 SAMUEL 10:7

Ak kingogas Daudi, koyokto Joab ak luget tugul ne bo murenik che kimen.

2 SAMUEL 16:21

Ak kilenji Aitopel Absalom, Obaige ak chebaigeinikab kwandang’ung’, che kibagakta korib got; ak kogas Israel tugul kole wechin kwandang’ung’: si kogimegitu che omi tugul.

2 SAMUEL 23:34

Elipelet weritab Aasbai, weritab Maakatindet, Eliam weritab Aitopel Gilonindet;

2 SAMUEL 8:12

che bo Suria, ak che bo Moab, ak che bo lagokab Amon, ak che bo Pilistik, ak che bo Amalek, ak che barunenikab Hadadeser, weritab Rehob, laitoriatab Soba.

2 SAMUEL 8:3

Kibar kogeny Daudi Hadadeser weritab Rehob, laitoriatab Soba, ye kiwendi koweechi bounatennyi kogeny eng’ Ainet.

2 SAMUEL 8:5

Ak kingobwa Suriekab Damasko kotoret Hadadeser laitoriatab Soba, kobar Daudi bik elfusiek tiptem ak aeng’ eng’ Suriek.

1 LAITORINIK 11:24

ak kiiyum bik koba ole mi inendet, ak koek kiptaiyatab kweanetab luget, kingobar Daudi bikab Soba: ak kiba Damasko ak komeny oloto, ak kolaitoran eng’ Damasko.

2 LAITORINIK 7:6

Amu kiigochi Jehovah Suriek kogas cheetab karisiek ak cheetab mbartanyisiek, cheetab luget ne o: ak kilenjigei, Ogeero, kagogochi tuguk laitoriatab Israel laitorinikab Hitik, ak laitorinikab Misrik, si kobwa kobarech.

TIENWOGIKAL 48:4

Ogeero, kigoyumgei laitorinik, Ak kisiirto tugul kibagenge.

KOMONG'U 5:21

ak kilenji ichek, Ingogeerok Jehovah koruokwok; amu kaoyaech kesamisitu eng’ taitab Parao, ak eng’ taitab otwogikyik, kot onde rotwetab chok eunekwak kobarenech.

KALEWANAIK 25:8

Amat isib iyai boriet, Si mabetun kit ne iyae eng’ let, Ye kagotewerin chitab kokweng’ung’.

JEREMIA 40:8

kobwa anyun oldab Gedalia eng’ Mispa, icheget ko, Ismael weritab Netania, ak Johanan ak Jonatan werikab Karea, ak Seraia weritab Tanumet, ak werikab Epai Netopatindet, ak Jesania weritab Maakatindet, icheget koboto murenikwak.

JEREMIA 46:21

U kogeny bikyik che kesirei che mi kwenunnyi moek che neriotin; amu kagoweeigei let agichek, kagomwei tugul, ma tononso: amu kanyonji ichek betutab nyalildanywa, betut ne kibirei.

NG'ATUTIK 3:14

Kiluul Jair weritab Manase emet komugul ne bo Argob, agoi kiwotetab Gesurik ak Maakatik; ak kiguure choto, agot Basan, koguurtoe kainennyi, Habot-Jair, agoi ra.)

KIRUOGIK 11:3

Komwei anyun Jepta eng’ ole mi tupchosiekyik, ak kwo komeny emetab Tob: ak kiiyumjigei Jepta bik che njaamik, ak kibendat koboto inendet.

KIRUOGIK 11:5

Ak kingoyai luget lagokab Amon ak Israel, koba boisiekab Gilead komut Jepta eng’ emetab Tob:

KIRUOGIK 18:28

Ak kima biit sorunindet, amu ki loo eng’ Sidon, ak kima koting’egei kiy ak chi age tugul; ak kimi nganasanato atebwet ne negite Bet-reob. Ak kiteech nganaset, ak komeny.

1 SAMUEL 13:4

Ak kigas Israel tugul kole, kogobar Saul irimetab Pilistik, ak kole kigoek Israel ne kiwechei eng’ Pilistik. Ak kiiyumgei bik kosub Saul koba Gilgal.

1 SAMUEL 27:12

Ak kiiyan Akis ng’alekab Daudi, kole, Kagogochi bikyik Israel kowech inendet inne; noto anyun egu otwogindennyu agoi.