2 SAMUEL 1:20 - BUKUIT NE TILIL

²⁰ Mat omwaite eng’ Gat, Mat obarte eng’ ortinwekab Askelon; Si maboiboitu tibikab Pilistik, Si mailosgei tibikab che ma kimuratan.

Bukuit Ne Tilil

²⁰ Mat omwaite eng' Gath, mat obarte eng' ortinwegap Askelon; si ma poiboitu tiibiigap Philistiik, si ma iloskei tiibiigap che ma kimuratan.

BUKUIT NE TILIIL Sireet ne Dutero Kanon

²⁰ Mat omwaite eng' Gath, mat obarte eng' ortinwegap Askelon; si ma poiboitu tiibiigap Philistiik, si ma iloskei tiibiigap che ma kimuratan.

2 SAMUEL 1:20 ပူးပေါင်းရင်းမြစ်များ

EZEKIEL 16:27

Keer anyun, kaachuul eunnyu atokyin, ak atil amitwogiguk che bo kotugul, ak agoiten koyaun kiy age tugul ichek che wechin, tibikab Pilistik, che ililandos amu ortinweguk che yaach.

EZEKIEL 16:57

ye kitom keng’any yaitieng’ung’, ko u eng’ betusiekab chotisietab tibikab Suria, ak ne bo tugul che mi komoswekyik, tibikab Pilistik, che sasin eng’ komoswek tugul.

MIKAH 1:10

Amat imwaite ng’olyondonito eng’ Gat, amat irir agot kitigin: kiamildaege temburiek eng’ Bet-le-Apra.

KIRUOGIK 11:34

Ak kinyo Jepta Mispa ole mi gonnyi, ak ogeero, kimong’ cheptanyi kotorok inendet kotinyei sugutisiek che mengechen kotienonu: ki lakwennyi noto inegei; kima kotinyei werit anan chepto age kobate noto inegei.

KIRUOGIK 14:19

Ak kinyonji inendet Tamirmirietab Jehovah eng’ kimnatet, ak kichortagei kwo Askelon, ak kibar bik sosom che bo bichoto, ak koib barunenikwak ak kiigochi ngoroik che kiwalawali, ichek che kiibor tangochonoto. Ak kilalyo neregekyik, ak kitogosta kwo gotab kwandanyi.

1 SAMUEL 14:6

Ak kilenji Jonatan neranet ne kiipchin karikyik che bo luget, Nyo kelande kebe ole mi lugetab chu ma kimuratan: abere imuchi kotoretech Jehovah: amu mami kiy ne ete Jehovah kosor eng’ che chang’ anan ko eng’ che ng’ering’.

1 SAMUEL 17:26

Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?

1 SAMUEL 17:36

Kibar otwogindeng’ung’ tiong’ichoto tuwai, ng’etundo ak noto ne kergei ak keerit; ak igeitu Pilistindonito ma kimuratan age eng’ ichek, amu kogoreny lugosiekab Kamuktaindet ne sobei.

1 SAMUEL 18:6

Ak ye kingobwanei ichek, koweeksei Daudi kobunu baretab Pilistindet, komong’ gotab kor eng’ nganasok tugul che bo Israel, kotienonu ak kourereni, kotorogu laitoriat Saul, kobirei sugutisiek che mengechen, eng’ boiboiyet, koboto tuguk che kibutei.

1 SAMUEL 31:4

Kolenji anyun Saul chito ne kiipchin karikyik, Ng’usu rotweng’ung’ bo chok, ak itoorena; si mabwa bichu ma kimuratan, kotoora, ak kogengeniena. Ago ma cham chito ne kiipchin karikyik; amu kiiywei kot. Konem anyun Saul rotwennyi bo chok, ak kobutyi.

1 SAMUEL 6:17

Ak chu ko kabwanutik che kigiyae tahabu che kiweektochi Pilistik Jehovah koek kagochinetab chalwokto; bo agenge Asdod, ko bo agenge Gasa, ko bo agenge Askelon, ko bo agenge Gat, ko bo agenge Ekron;