2 PETERO 3:7 - BUKUIT NE TILIL

⁷ ago kipsengwetisiek ak ng’onyut che bo nguno, ko kigigonorji mat eng’ ng’olyondonoto, kogonor agoi betutab kiruoget ak ng’emisietab bik che maiywei Jehovah.

Bukuit Ne Tilil

⁷ ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.

BUKUIT NE TILIIL Sireet ne Dutero Kanon

⁷ ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.

2 PETERO 3:7 ပူးပေါင်းရင်းမြစ်များ

TIENWOGIKAL 102:26

Betos ichek; ago itebye inye agoi: Ee, osegitu ichek tugul ko u ngoriet; Ak iwale ichek ko u ngoriet, ak kowalogis:

TIENWOGIKAL 50:3

Nyonei Kamuktaindennyo, ama sisei: Beelei mat eng’ tainnyi kowong’u, Ak komuut inendet usonet ne o.

ISAIAH 51:6

Onyal kipsengwetisiek, ak ogeer ng’ony: amu betos kipsengwetisiek ko u iyeto, ak ositu ng’ony ko u ngoriet, ak begu ko u noto ichek che menyei oloto: ago bunjin koigeny yetunennyu, ama kigesu imandanyu.

ISAIAH 66:15

Amu ogeero, nyonei Jehovah eng’ mat, ak koigei karisiekyik che bo luget kipchurjuriet; koyaakta neregekyik eng’ koromnatet, ak koyaakta kerennyi bo kong’ eng’ liblibenetab mat.

DANIEL 7:9

Kiageer kot kinde ng’echerokab laitornatet, ak kitebe ng’echeranato inendet ne bo keny: ak ki leelach ngoroikyik ko u teluchi, ak ki u sumeekyik kororik che tililen che bo kechirek; ko bo ng’echerennyi ne bo laitornatet liblibenosiekab mat, ak ki mat ne lalei cheptirokyik.

SEPANIA 3:8

Ogena anyun, mwaei Jehovah, kot koit betut ne abarisiei: amu kiatil ale ayumi bororiosiek, ale ayumi bounatosiek, si arong’ji ichek neregekyuk, neregekyuk tugul che koromen; amu kibeelei ng’ony tugul eng’ matab ng’etkondanyu.

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

MATAYO 10:15

Amwawok, iman, ale, Kaigaitu emetab Sodom ak Gomora eng’ betutab kiruoget kosiir nganasanato.

MATAYO 11:22

Ago amwawok ale, kaigaitu tun Turo ak Sidon eng’ betutab kiruoget, kosiirok.

MATAYO 11:24

Ago amwawok ale, tun kaigaitu emetab Sodom eng’ betutab kiruoget, kosiirin.

MATAYO 12:36

Ak amwawok ale, ng’olyot age tugul ne bo buch ne mwaei bik, ko tun tetu tuguchoto eng’ betutab kiruoget.

MATAYO 24:35

Siirtoi kipsengwet ak ng’ony, ago masiirtoi ng’alekyuk.

MATAYO 25:41

Kolenji anyun ichek che mi eutab katam, Oba eng’ ole ami, okwek che o chubotin, oba mat ne bo koigeny ne kigechopchi oindet ak malaikaisiekyik:

MARIKO 6:11

Ak oldo age tugul ne mataachak, ama cham kogasak, ye omande eng’ oloto, olelekte temburiek che mi kelyekwok si kobiit koek baornatet eng’ ichek.

JOHANA 12:48

Inendet ne esioa, ama taachei ng’alekyuk, kotinyei ne iruokyin: ng’olyot ne kiamwa, noto ne iruokyin inendet eng’ betutab let.

ROMANIK 2:5

Ago eng’ uuindang’ung’ ak muguleldang’ung’ ne matinyei sigunet, igonorjinige nereknatet kobunji betutab nereknatet ak ng’ang’utietab kiruoget ne bo imanda ne bo Jehovah;

1 KORINTOEK 3:13

tun king’anyei boisietab chi age tugul: amu tun ng’anyei betut, amu king’anyei eng’ mat; ak kotiem mat ole teptoi boisietab chi age tugul.

PILIPIK 1:28

amat komuok bunik eng’ kiy age tugul: noto kaborunet ne toogunot ne bo luset eng’ ichek, ago bo yetuneng’wong’, ak bunu noto Jehovah;

2 THESSALONIKEK 2:3

amat kong’alak chi eng’ kiy age tugul; amu maitu betunoto, kobate indou katuituet ak keng’any chito ne bo tengekto, weritab luset,

1 TIMOTEO 6:9

Ago ichek che machei koek magorek kobutyin yomset ak mestet ak magutik che chang’ che berberen, che ibu ng’wanindo, che lugui bik koba ng’emisiet ak luset.

HEBRANIK 12:29

amu Jehovah nenyo ko mat ne igesu.

2 PETERO 2:9

ingen anyun Kiptaiyat kosor eng’ yomset che iywei Jehovah, ak korib che ma bo imanda kot koit betutab kiruoget, si tun kiruokyi;

2 PETERO 3:10

Ago tun nyonei betutab Kiptaiyat ko u chorin; ne siirtoe kipsengwetisiek eng’ cheet ne o, ak kochootyo tuguk tugul che kigiyae ng’ony ak barak eng’ mat ne korom, ak kolal ng’onyut ak boisionik che mi.

2 PETERO 3:12

ogeni nyonunetab betutab Jehovah, ak ogiili, amu noto anyun chootos kipsengwetisiek eng’ mat, ak kochootyo tuguk tugul che kigiyae ng’ony ak barak eng’ mat ne korom?

1 JOHANA 4:17

Kigeyai chamnyet koek ne igesunotgei eng’ achek, si kobiit kesich nyiganatet eng’ betutab kiruoget; amu ko u ole u inendet, keu noto achek eng’ ng’onyuni.

JUDA 1:7

Ko u noto, agot Sodom ak Gomora, ak nganasok che kiga yiem, kingo kagogochigei sokset, ko u chuto, koba kosub borwek che ma kergei ak chechuak, ko kiginde koek kaborunet, konyalilso eng’ kiruogetab mat ne bo koigeny.

NG'ANG'UTYET 17:11

Ak tionyoto kimi, ama komi, inendet ko ne bo sisiit, ak ta ko agenge eng’ chun tisab; ak kowendi luset.

NG'ANG'UTYET 17:8

Tionyi kegeere komi, ama komi; ak ko negit komong’ eng’ keringet ne maigoksei, ak kwo luset. Ak kwong’dos ichek che menyei ng’ony, che kima kisirji kainaikwak bukuitab sobondo koboch ngab kelumda ng’ony, ye keer tiondo, amu kimi, ama komi, ak kota konyonei.

NG'ANG'UTYET 20:11

Ak kiageer ng’echeret ne o ak ko leel ne bo laitornatet, ak inendet ne kitebe, ne kimwee togennyi ng’ony ak kipsengwet; ama kisikyi ole tebe.

NG'ANG'UTYET 21:1

Ak kiageer kipsengwet ne leel ak ng’ony ne leel: amu kigosiirto kipsengwet ne bo tai ak ng’onyut ne bo tai; ama komi nyanjet kogeny.