2 PETERO 3:10 - BUKUIT NE TILIL

¹⁰ Ago tun nyonei betutab Kiptaiyat ko u chorin; ne siirtoe kipsengwetisiek eng’ cheet ne o, ak kochootyo tuguk tugul che kigiyae ng’ony ak barak eng’ mat ne korom, ak kolal ng’onyut ak boisionik che mi.

Bukuit Ne Tilil

¹⁰ Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

BUKUIT NE TILIIL Sireet ne Dutero Kanon

¹⁰ Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

2 PETERO 3:10 ပူးပေါင်းရင်းမြစ်များ

TIENWOGIKAL 102:26

Betos ichek; ago itebye inye agoi: Ee, osegitu ichek tugul ko u ngoriet; Ak iwale ichek ko u ngoriet, ak kowalogis:

TIENWOGIKAL 46:6

Kibolyo bororiosiek, ak kiwasgei bounatosiek: Kitwek inendet ak kichoot ng’ony.

TIENWOGIKAL 97:5

Kichootyo tulonok eng’ taitab Jehovah ko u temeniet, Eng’ taitab Kamuktaindet ne bo ng’ony komugul.

ISAIAH 2:12

Amu tun biitu betutab Jehovah ne bo lugosiek, eng’ ichek tugul che mendos ak che ieetigei; ak eng’ ichek tugul che itororigei: ak kiming’ini.

ISAIAH 24:19

Kigobutok ng’ony mising’, kigobetak ng’ony mising’, kigotumdumgei ng’ony mising’.

ISAIAH 34:4

Ak kochoot luget tugul ne bo kipsengwet, ak kemaman kipsengwetisiek ko u kartasit: ak kowandagei lugenywa tugul, ko u sogot ne ibuti eng’ ketitab sabibuk, ak ko u sogot ne ibuti eng’ mogoiywet.

ISAIAH 51:6

Onyal kipsengwetisiek, ak ogeer ng’ony: amu betos kipsengwetisiek ko u iyeto, ak ositu ng’ony ko u ngoriet, ak begu ko u noto ichek che menyei oloto: ago bunjin koigeny yetunennyu, ama kigesu imandanyu.

JOEL 1:15

Bwa amu betunoto! Amu kagorik betutab Jehovah, ak nyonei ko u ng’emisiet ne bunu Inendet ne bo Kamuktaet.

JOEL 2:1

Oguut iriaget eng’ Sion, ak owaach eng’ tulwennyu ne tilil; ingobotanso bik tugul che menyei emet: amu nyonei betutab Jehovah, amu kagorik,

JOEL 2:31

Ak koimenit asista, ak koigei korotik arawet, kotom koit betut ne o ne imuisei ne bo Jehovah.

JOEL 3:14

Bik che chang’, bik che chang’ che mi atebwet ne kitile ng’alek! Amu kagorikyi betutab Jehovah atebwet ne kitile ng’alek.

AMOS 9:13

Ogeero, bwanei betusiek, mwaei Jehovah, che nyo kosiirtoe chito ne ibatisiei kesindet, ak kosiirtoe chito ne tiechei sabibuk kolindet; ak kosaune tulonok divaik che anyiny, ak kochootyo tulonok tugul che mengechen.

AMOS 9:5

Amu Kiptaiyat Jehovah ne bo lugosiek, ko inendet ne twaei emet si kochoot, ak koririo tugul che menyei oloto; ak ng’eetei emet komugul ko u Ainet; ak koteny kogeny ko u Ainet ne bo Misri.

MIKAH 1:4

Ak kochootyo tulonok eng’ kelyekyik, ak kobetogis atebwosiek, ko u ye chotei temeniet ko kauchi mat, ko u beek che kirandoi eng’ ole keigei.

NAHUM 1:5

Botandos tulonok eng’ tainnyi, ak kochootyo tulonok che mengechen; sutoksei ng’ony eng’ tainnyi, ee, ng’ony, ak tugul che menyei oloto.

MALAKI 4:5

Ogeero, ayokwok maotiot Elija kotom konyo betut ne o ne imuisei ne bo Jehovah.

MATAYO 24:35

Siirtoi kipsengwet ak ng’ony, ago masiirtoi ng’alekyuk.

MARIKO 13:31

Siirtoi kipsengwet ak ng’ony, ago masiirtoi ng’alekyuk.

LUKA 12:39

Ago onai ni ole, nda kiingen kiptaiyatab got sait ne nyonei chorindet, ta kiripsei, ta kima kobagaktoi gonnyi kobut chorindet.

ROMANIK 8:20

Amu kigigochi yaet tugul kogas it kit ne matilei kiy, ma ko u ye machei, ago amu inendet ne kiigochi kogas it ko u noto eng’ kamang’unet,

1 KORINTOEK 1:8

Ne igimitok agine agoi let, ko motinye kiy ne kiruogunenok eng’ betutab Kiptaiyandennyo Jesu Kristo;

1 KORINTOEK 5:5

ogochi Setani chito ne u noto si keng’em borto, si tun kesor tamirmiriennyi eng’ betutab Kiptaiyat Jesu.

2 KORINTOEK 1:14

Agot ko u ye kionaech kitigin, ole achek ko ki kalosuneng’wong’, agot ko u ye o kalosunennyo ak okwek, eng’ betutab Kiptaiyandennyo Jesu.

1 THESSALONIKEK 5:2

Amu ongen okweget komie ole nyonei betutab Kiptaiyat ko u chorin ne nyonei kemoi.

1 THESSALONIKEK 5:4

Ago okwek, tupchosiechu, ko momi eng’ mesundeito, kot konyonjok betunoto ko u chorin:

2 PETERO 3:11

Amu tun chootos tuguchuto tugul ko u nito, ko nyolu oegu bik che u nee eng’ atebet ne tilil ak kaiyweetab Jehovah,

2 PETERO 3:12

ogeni nyonunetab betutab Jehovah, ak ogiili, amu noto anyun chootos kipsengwetisiek eng’ mat, ak kochootyo tuguk tugul che kigiyae ng’ony ak barak eng’ mat ne korom?

2 PETERO 3:7

ago kipsengwetisiek ak ng’onyut che bo nguno, ko kigigonorji mat eng’ ng’olyondonoto, kogonor agoi betutab kiruoget ak ng’emisietab bik che maiywei Jehovah.

JUDA 1:6

Ak kiinde malaikaisiek che kima rib bounatenywa, ago kibagakta meng’otet ne ki nenywa, kiinde kotebe ratisiosiek che bo koigeny eng’ mesundeito kot koit kiruogetab betut ne o.

NG'ANG'UTYET 16:15

(Ogeero, anyone ko u chorin. Baibai inendet ne ripsei, ak koribei ngoroikyik, si mawendot ach ngor, ak kegeer kalilanennyi.)

NG'ANG'UTYET 20:11

Ak kiageer ng’echeret ne o ak ko leel ne bo laitornatet, ak inendet ne kitebe, ne kimwee togennyi ng’ony ak kipsengwet; ama kisikyi ole tebe.

NG'ANG'UTYET 21:1

Ak kiageer kipsengwet ne leel ak ng’ony ne leel: amu kigosiirto kipsengwet ne bo tai ak ng’onyut ne bo tai; ama komi nyanjet kogeny.

NG'ANG'UTYET 3:3

Ibwat anyun ole kiitaakte, ak ole kiigaste; ak irib, ak isigu. Ngot ko meripse anyun, anyone ko u chorindet, amenae sait ne anyonjinenen.

NG'ANG'UTYET 6:14

Ak kigiisto kipsengwet ko u kartasit ne kimamani; ak kigiisto eng’ komoswekwak tulwet age tugul ak emet age tugul ne kiikwen beek.