2 PETERO 2:21 - BUKUIT NE TILIL

²¹ Amu kita kaigai eng’ ichek ko ma nai oretab imanda, kosiir, ye kingonai, koweektagei let eng’ ng’atutiet ne tilil ne kiga kigochi.

Bukuit Ne Tilil

²¹ Amu kita kaigai eng' icheek koma nai ooreetap imanda, kosiir, ye kingo nai, koweektagei let eng' ng'atuutyet ne tiliil ne kiga kigoochi.

BUKUIT NE TILIIL Sireet ne Dutero Kanon

²¹ Amu kita kaigai eng' icheek koma nai ooreetap imanda, kosiir, ye kingo nai, koweektagei let eng' ng'atuutyet ne tiliil ne kiga kigoochi.

2 PETERO 2:21 ပူးပေါင်းရင်းမြစ်များ

TIENWOGIKAL 125:5

Ago ichek che mastoi kosubi ortinwekwak che kunuren, Koonei Jehovah ichek koboto yaikab tengekto. Ingotebe kalyet Israel.

TIENWOGIKAL 85:8

Agase kit ne mwaei Kamuktaindet Jehovah; Amu mwachin bikyik ak chechik che tililen, kalyet: Ago amat kota koweekyigei berberindo.

KALEWANAIK 12:28

Mi sobondo oretab imanda; Ama mi meet eng’ orennyi.

KALEWANAIK 16:31

Chepkuletab torornatet kalwalek, Biitune oretab imanda.

EZEKIEL 18:24

Ago ye week ne bo iman kometo imandanyi, ak koyai tengekto, ak koyai ko u tuguk tugul che kiwechei che yaei chito ne ya, ko tos sob? Magibwati agot agenge eng’ boisionikyik che bo iman che kigoyai: meei amu kachililutiennyi ne kigoyai, ak amu tengektanyi ne kigoyai.

EZEKIEL 23:13

Ak kiageer ale kiging’wanit; kiisub tuwai oret agenge.

EZEKIEL 3:20

Kogeny, ngo masta chito ne bo iman, kometo imandanyi, ak koyai tengekto, ak ande kanagutiet tainnyi, komeei inendet; ko amu ma itechi, komeei anyun eng’ tengektanyi, ama kibwati boisionikyik che bo iman, che kiga koyai; ago amagenen korotikyik.

EZEKIEL 33:13

Ye alenji ne bo iman, isobe iman; ngot komang’ imandanyi, yeityo koyai tengekto, ko magibwati agot agenge eng’ boisionikyik che bo imanda; ago meei amu tengektanyi ne kiyai.

SEPANIA 1:6

ak ichek che kiweek kometo Jehovah; koboto ichek che ma cheng’ Jehovah, anan koteepse inendet.

MATAYO 21:32

Amu kinyonjok Johana eng’ oretab imanda, ago ma oyan inendet: ago kiiyan inendet taagikab aisurut ak chepkugonik: ago okwek, ye kingogeer, ko ma osigu si kobiit oyan inendet.

LUKA 12:47

Ak otwogindonoto, ne kiingen magetab kiptaiyandennyi, ama kochopgei, anan koyai ko u magennyi, kebire birutik che chang’;

JOHANA 15:22

Nda kima anyo ang’alalji ichek, ta matinyei tengek: ago nguno ko matinyei kit ne itiagegei agobo tengektanywa.

JOHANA 9:41

Kolenji Jesu, Nda o koriotin okwek, ta motinye tengek; ago nguno omwae ole, Kigeertoi: noto anyun, tebyei tengektang’wong’.

ROMANIK 7:12

Noto anyun tilil Ng’atutiet, ak ko tilil kayomiset, ak ko bo imanda, ak ko mie.

GALATYEK 6:2

Otoretge eng’ nyalilwogik, oyae kosulda ng’atutikab Kristo.

1 THESSALONIKEK 4:2

Amu ongen ng’atutik che kigigonok achek eng’ Kiptaiyat Jesu.

1 TIMOTEO 6:14

ale irib ng’atutiet amanyor berut, ne magimuchi keger kong’, agoi toogunetab Kiptaiyandennyo Jesu Kristo:

HEBRANIK 10:26

Amu ngot kekwetyini keyae tengek ko kagetaach naetab imanit, ko ma kong’etu tiseiywot age kogeny, ne bo tengekwogik,

JAKOBO 4:17

Eng’ inendet anyun, ne ingen koyai ne mie, ama yaei, ko tengekto eng’ inendet.

2 PETERO 3:2

si obwat ng’alek che kimwa maotik che tililen eng’ tai, ak ng’atutietab Kiptaiyat ak ko Yetindet eng’ bikwok che kiyoktoi:

JUDA 1:3

Chamanichu, ye kiagiilige mising’ asirwak agobo yetunet ne kiyamdoi, ageer ale nyoljina asirwak ateeiywok ale ogiiljige mising’ kayanet ne kigigochi che tililen konyil agenge kityo.