2 PETERO 2:2 - BUKUIT NE TILIL

² Ak isubi bik che chang’ magutikwak che yaachen; kimwaitoe ne ya oretab imanit amu ichek.

Bukuit Ne Tilil

² Ak isubi piik che chaang' maguutikwak che yaacheen; kimwaitoe ne ya ooreetap imanit agobo icheek.

BUKUIT NE TILIIL Sireet ne Dutero Kanon

² Ak isubi piik che chaang' maguutikwak che yaacheen; kimwaitoe ne ya ooreetap imanit agobo icheek.

2 PETERO 2:2 ပူးပေါင်းရင်းမြစ်များ

TAUNET 19:5

ak kiguur Lot kolenji, Ngorjo bik che kabwa gong’ung’ kemouni? Imutwech kobwa sang’, si kobiit kenai ichek.

TIENWOGIKAL 18:21

Amu kiarib ortinwekab Jehovah, Ak ma abagakte Kamuktaindennyu eng’ or ne ya.

ISAIAH 35:8

Ak kobiit oret ne o eng’ oloto, ak oret, ak kiguure oranato Oretab Tililindo; mabunei oranato che muruonen ago bunjin bichoto; ama betos eng’ oranato kiprutoinik, agot ngo berber.

JEREMIA 6:16

Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

MATAYO 22:16

Ak kiiyokto alamalyenywa koba ole mi inendet, koboto Herodik, kolenji, Konetindoni, kingen kele i bo iman, ak ineti oretab Jehovah eng’ iman, ameiti chi tugul: amu megeere togochikab bik.

MATAYO 24:24

Amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik che eechen; si kobeet, agot che lewenotin, nda imugaksei.

MATAYO 7:14

Amu marich kurget, ak ko bichii oret, ne wendi sobondo, ak ng’ering’ che nyoru.

MARIKO 12:14

Ak kingobwa, kolenji inendet, Konetindoni, kingen kele i bo iman, ameiti chi age tugul: amu megeere itondab chi, ago ineti iman oretab Jehovah: Tos chamdoi ng’atutik kigochi kodi Kaisari, anan machamdoi?

MARIKO 13:22

amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik, si kobeet, agot che kigelewen nda imugaksei.

JOHANA 14:6

Kolenji Jesu, A oret, ak iman, ak sobondo: manyonjin chi Kwanda, ama eng’ ane.

POISYONIGAP CHE KIYOKTOI 13:10

ak kole, Ee inye ne nyiitat ng’alset tugul ak ng’omnatet tugul ne bo kabeetet, inye weritab oindet, inye bunyotab imanda tugul, mebagaktoi imaas ortinwek che lititen che bo Kiptaiyat?

POISYONIGAP CHE KIYOKTOI 14:2

Ago kiim Yahudik che ki bistoik sobonwekab Bororiosiek kot kogochi kowech tupchosiek.

POISYONIGAP CHE KIYOKTOI 16:17

Kiisubot Paulo kebendi tugul, ak komwaei eng’ kutit ne o, kolen, Bichu ko otwogikab Jehovah ne Toror Mising’, che mwawok oretab yetunet.

POISYONIGAP CHE KIYOKTOI 18:26

ak kitoi kong’alal eng’ nyiganatet eng’ sunagogit. Ago ye kingogas Prisila ak Akula, komut inendet kwo oldanywa, ak koborji inendet oretab Jehovah komie kosiir.

POISYONIGAP CHE KIYOKTOI 19:9

Ago ye kingouuegitu mugulelwekab alak ak kobistoe, ak komwaei ne ya agobo Oranato eng’ taitab tuiyet, kwo eng’ ole mi, ak kotaban alamalyet, kong’alaljin betut age tugul eng’ skulitab Turano.

POISYONIGAP CHE KIYOKTOI 22:4

ak kiausausi Orani agoi meet, arate ak atoorjini korgoret murenik ak kobogorisiek.

POISYONIGAP CHE KIYOKTOI 24:14

Ago kang’ang’un nito, eng’ Oranato kuure ichek biteet age, aote Jehovah ne bo kwanisiekyok, ak ayani tuguk tugul ko u ye mwaei Ng’atutiet, ak che kigisir eng’ maotik:

ROMANIK 2:24

Amu kichubei kainetab Jehovah eng’ kwenutab Bororiosiek, amu okwek, ko u ye kigisir.

1 TIMOTEO 5:14

Noto anyun achame ale kitun mosogik che ta ko mengechen, si kosich lagok, ak korib got, amat kogochi boroindo bunyot kochuris eng’ ui tugul;

TITO 2:5

koek che bou kabwatutikwak, che tililen, che boisiei eng’ gorikwak, che taloen, che kase it manong’otaikwak, si ma kimwaitae ng’olyotab Jehovah kiy ne ya:

TITO 2:8

ng’alek che bo iman, teegisto, che magimuchi kiruokyi; si kobiit kolilan inendet ne kirindoech, ko matinyei kiy ne ya ne mwaitaenech.

1 PETERO 2:12

okwek che otinye atebet ne nyolu eng’ kwenutab Bororiosiek: si nganda itaamok ko u yaikab yaitio, kotoror Jehovah eng’ betutab rutochinet eng’ boisionikwok che miach che keerei.

2 PETERO 2:12

Ago bichuto matinyei ng’omnatet, che kigisich kityo ko u tiong’ik si kenamei ak kebarei, che chubisiei eng’ ng’alek che maingen, ko tun king’emei iman eng’ ng’emisienywa,

2 PETERO 2:15

kingobagakta oretab iman, koba komasta, kosub oretab Balaam ne bo gab Beor ne kicham melektab yaitiet;

2 PETERO 2:18

Amu, ye mwaei ng’alek che koromen che bo losetab ge, kochuutu eng’ magutikab borto, ak eng’ maget ne ya, bik che katoi kochililyo eng’ ichek che mi eng’ kenisiet:

2 PETERO 2:21

Amu kita kaigai eng’ ichek ko ma nai oretab imanda, kosiir, ye kingonai, koweektagei let eng’ ng’atutiet ne tilil ne kiga kigochi.

2 PETERO 2:7

ak kosor Lot chitab imanda, ne kinyalili mising’ amu atebosiek che yaachen che bo kiptengeginik,

JUDA 1:10

Ago chubei bichu tuguk alak tugul agot che maingen: ak tuguk che kiguitos ichegei ko u biteenywa, ko u tiong’ik che matinyei ng’omnatet, king’emei eng’ tuguchuto.

JUDA 1:15

konyo koyachi kiruoget tugul, ak koruokyi tugul che maiywei Jehovah eng’ boisionikwak tugul che yaachen che kigoyai ko maiywei Jehovah, ak ng’alekwak tugul che uuen che kimwa kiptengeginik che maiywei Jehovah, agobo inendet.

JUDA 1:4

Amu mi bik alak che kichut orit eng’ ung’ot, ichek che kigichopchi kiruogoni koboch keny, bik che maiywei Jehovah, che walei mieindab Jehovah nenyo koek maget ne ya, ak koesioi Laitoriandennyo, ne inegei, ak ko Kiptaiyandennyo Jesu Kristo.

JUDA 1:7

Ko u noto, agot Sodom ak Gomora, ak nganasok che kiga yiem, kingo kagogochigei sokset, ko u chuto, koba kosub borwek che ma kergei ak chechuak, ko kiginde koek kaborunet, konyalilso eng’ kiruogetab mat ne bo koigeny.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 13:14

Ak kiiberber ichek che menyei ng’ony eng’ kaborunoik che kigigochi inendet koyai eng’ taitab tiondo; kolenjin ichek che menyei ng’ony koyachi kanamwet tiondo, ne tinyei berutietab rotwetab chok, ak kisob tionyoto.

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.