2 PETERO 2:18 - BUKUIT NE TILIL

¹⁸ Amu, ye mwaei ng’alek che koromen che bo losetab ge, kochuutu eng’ magutikab borto, ak eng’ maget ne ya, bik che katoi kochililyo eng’ ichek che mi eng’ kenisiet:

Bukuit Ne Tilil

¹⁸ Amu, ye mwaei ng'aleek che koroomen che po lasetapkei, kochuutu eng' magutigap poorto, ak eng' mageet ne ya, piik che katoi kochililyo eng' icheek che mi eng' keniisyet:

BUKUIT NE TILIIL Sireet ne Dutero Kanon

¹⁸ Amu, ye mwaei ng'aleek che koroomen che po lasetapkei, kochuutu eng' magutigap poorto, ak eng' mageet ne ya, piik che katoi kochililyo eng' icheek che mi eng' keniisyet:

2 PETERO 2:18 ပူးပေါင်းရင်းမြစ်များ

1 LAITORINIK 13:19

Koweek anyun ak inendet, kwo koamis eng’ gonnyi ak koee beek.

EZEKIEL 35:13

Ak kiochounenage eng’ kutuswekwok, ak kiotes ng’alekwok agobo ane: kiagas ng’olyondonoto.

DANIEL 11:36

Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 4:30

Kong’alal laitoriat kole, Tos ma Babulon ne o ni, ne kiateech koek ole menyei laitoriat, eng’ kamugetab kimnatennyu ak agobo torornatetab eutunatennyu?

POISYONIGAP CHE KIYOKTOI 2:40

Ak kibaorian eng’ ng’alek alak che chang’, ak kogiil, kolenji, Osoruge eng’ ibini kunur.

POISYONIGAP CHE KIYOKTOI 8:9

Ak kimi chito age ne kigiguure Simon, ne kicham kong’orsei eng’ betusiek alak eng’ nganasanato, ak kiigochi bororietab Samaria kokwong’io, komwaei inendet kole, a chito ne o:

ROMANIK 13:13

Ongebendoti ko u ye nyolu, ko u bet; ma eng’ wasang’natet anan bogitet, ma eng’ sokset anan maget ne ya, ma eng’ boriet ak ng’etkong’.

EPESOEK 4:17

Amwae anyun ni, ak abaoriani eng’ Kiptaiyat, ale si mata obendate ko u ye bendoti Bororiosiek agichek, eng’ kabwatutikwak che bo buch,

2 THESSALONIKEK 2:4

inendet ne kirindoi ak kotororegei kogirindoi tugul che kiguure Jehovah anan che kilosu; si koteb anyun eng’ hekalutab Jehovah, koborugei inendet ko u ne Jehovah.

JAKOBO 5:5

Kiomeng’isie eng’ ng’ony eng’ kabaibaetab ge, ne kiobaibaege magutikwok; kiobai mugulelwekwok eng’ betutab eng’set.

2 PETERO 1:4

kigogonech eng’ choto arorutik che miachen mising’ ak ko eechen inne; si kobiit oegu eng’ chuto yamdoikab atebetab Jehovah, ko kaochililye ng’emisiet ne mi ng’ony amu maget ne ya.

2 PETERO 2:14

bik che tinyei konyek che nyiitotin ibetab ge, amaimuchi kometo tengekto; che ichuuti sobonwek che ma tononiotin; che tinyei mugulelwek che kigonetgei kasetab miat; lagokab chubet;

2 PETERO 2:2

Ak isubi bik che chang’ magutikwak che yaachen; kimwaitoe ne ya oretab imanit amu ichek.

2 PETERO 2:20

Amu ye kagochililye muruonindab ng’ony eng’ naet ne naei Kiptaiyat ak ko Yetindet Jesu Kristo, ko ngot ko ta koratgei kogeny ak tuguchoto ak kiterter, koyaitu atebenywa ne bo let kosiir ne bo tai.

2 PETERO 2:7

ak kosor Lot chitab imanda, ne kinyalili mising’ amu atebosiek che yaachen che bo kiptengeginik,

2 PETERO 3:17

Ko okwek anyun, chamanichu, amu kaosib onai tuguchuto, oripge, si maichuutok kachiliiletab bistoik, ak obutye eng’ tononeng’wong’.

JUDA 1:13

mildaetab ge ne korom ne bo nyanjet; che igutu kalilanenywa; kecheik che ombenioti, che kigigonorji tuuindab mesundeito ne bo koigeny.

NG'ANG'UTYET 13:11

Ak kiageer tiondo age kotogosu eng’ ng’ony; ak kitinyei kuinoik aeng’ che u che bo aruet, ak king’alal ko u maswetit.