2 PETERO 2:15 - BUKUIT NE TILIL

¹⁵ kingobagakta oretab iman, koba komasta, kosub oretab Balaam ne bo gab Beor ne kicham melektab yaitiet;

Bukuit Ne Tilil

¹⁵ kingo pagaakta ooreetap iman, koba komasta, koosup ooreetap Balaam ne po kap Beor ne ki cham melektap yaityet;

BUKUIT NE TILIIL Sireet ne Dutero Kanon

¹⁵ kingo pagaakta ooreetap iman, koba komasta, koosup ooreetap Balaam ne po kap Beor ne ki cham melektap yaityet;

2 PETERO 2:15 ပူးပေါင်းရင်းမြစ်များ

1 LAITORINIK 18:18

Ak kiwol kole, Ma anyalil Israel; inye ne kiinyalil, ak gotab kwandang’ung’, amu kiomete ng’atutikab Jehovah, ak kiisub Baal.

1 LAITORINIK 19:10

Ak kile, Kigoama ng’etkong’ mising’ agobo Jehovah, Kamuktaindetab lugosiek; amu kigobagakta lagokab Israel kayomiseng’ung’, kobut kaptisisiosieguk, ak kobar maotiguk eng’ rotwetab chok: ak kiang’etu, ane, anege; ak cheng’ei ichek sobondanyu kobar.

NEEMIA 13:2

amu kima torogune lagokab Israel amitwogik ak beek, ago kiigochi Balaam melekto kogirinda ichek, kochupto ichek: ago kiwal Kamuktaindennyo chubisiet koek kaberuret.

KALEWANAIK 28:4

Ilosu bik che yaach icheget che metoi ng’atutik: Ago borie bichoto yaachen icheget che ribei ng’atutik.

EZEKIEL 9:10

Ago ne u ane, ko marire kondanyu, ama rira mo, ago aipchini orenywa metowekwak.

HOSEA 14:8

Tun mwaei Epraim kole, Ta keting’ege nee kogeny ak kanamonik? Kaawolu, ak ageer inendet: a u biribiret ne tuon; bunwa logoeguk.

MIKAH 6:5

Ee bikyuk, obwat ne kisom Balak laitoriatab Moab, ak kit ne kiwolji Balaam weritab Beor inendet; obwat koboch Sitim agoi Gilgal, si kobiit onai boisionikab iman che bo Jehovah.

KAITOSYEK 22:23

Ak kigeer sigiriet malakaiyatab Jehovah kotononi eng’ oret, ak kiting’e eunnyi rotwetab chok ne kaging’us: ak kiwa taban sigiriet kometo oret, kwo timin: ak kibir Balaam sigiriet, kole koweekyi oret.

KAITOSYEK 22:28

Ak kiyat Jehovah kutitab sigiriet kotwek, ak kilenji Balaam, Kayaun nee, si ibira konyil chu somok?

KAITOSYEK 22:32

Ak kilenji malaikaiyatab Jehovah, Amu nee si ibir sigirieng’ung’ konyil chu somok? Keero, kanyo aegu kirindoindeng’ung’, amu imaasat oreng’ung’ eng’ tainnyu:

KAITOSYEK 31:16

Ogeero, chuto che kiigochi lagokab Israel kolelji Jehovah eng’ ng’olyotab Peor, eng’ ng’olyotab Balaam; ak kibiit koroito eng’ tuiyetab Jehovah amu noto.

MATAYO 26:9

Amu kota kialdoe mwai tuguk che chang’, ak kigochi kibananok.

POISYONIGAP CHE KIYOKTOI 1:18

Ak kinyor chichi mbaret eng’ melektab tengektanyi; ak kingobut kosieb mo, kobetak moet, komong’ agutanikyik tugul.

POISYONIGAP CHE KIYOKTOI 13:10

ak kole, Ee inye ne nyiitat ng’alset tugul ak ng’omnatet tugul ne bo kabeetet, inye weritab oindet, inye bunyotab imanda tugul, mebagaktoi imaas ortinwek che lititen che bo Kiptaiyat?

2 PETERO 2:13

che nyoru nyalilda, noto ko melektab yaitiet; che iiti kole boiboiyet ye bogitos bet, berutik ak tisonok, che iboiboigei eng’ igorwekwak che bo chamnyet, ye oamisie tugul;

JUDA 1:11

Bwa ichek! Amu kiisub oretab Kaen, ak kogochigei mastaetab Balaam komach melekto, ak kilusyo eng’ ngelelnatetab Kora.

NG'ANG'UTYET 2:14

Ago ating’enen ng’alek tutigin, amu itinye alak eng’ oloto che isubi konetisietab Balaam, ne kiinet Balak konde kanagutiet taitab lagokab Israel, si koam tuguk che kigochin kanamonik, ak kosokso.

1 SAMUEL 12:23

Ago ingolooit eng’ ane, amayachi Jehovah tengek, abagakte asaiywok: ago anetok eng’ oret ne mie ne nyolu.