2 PETERO 2:1 - BUKUIT NE TILIL

¹ Ago kibiit maotik che bo lembech agichek eng’ kwenutab bik, ko u ye ta kobiitu agine eng’ kwenung’wong’ konetikab lembech, che ibu eng’ ung’ot pcheutikab ng’emisiet, koesioi agot Kiptaiyat ne kial ichek, koipchingei ng’emisiet ne chogu.

Bukuit Ne Tilil

¹ Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet.

BUKUIT NE TILIIL Sireet ne Dutero Kanon

¹ Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet.

2 PETERO 2:1 ပူးပေါင်းရင်းမြစ်များ

1 LAITORINIK 22:6

Koyum anyun laitoriatab Israel maotik, olo bo bik bogol ang’wan, ak kolenji ichek, Awe kebarge ak Ramot-Gilead, anan atebi? Ak kilenji, Togoste; amu indoi Kiptaiyat eutab laitoriat.

KOMONG'U 15:16

Kanam ichek kamuiset ak kaiyweisiet; Kasisyo ko u koita amu etunatetab eung’ung’; Ee Jehovah, agoi kolanda biguk, Agoi kolanda bik che kiial.

ISAIAH 9:15

Metit ko boiyot ne konyitot; ak katutiet ko maotiot ne ineti lembechek.

JEREMIA 29:21

Mwaei Jehovah ne bo lugosiek, Kamuktaindetab Israel, agobo Ahab weritab Kolaia, ak Sedekia weritab Maaseia, che maotenwok lembeita eng’ kainennyu, ko u ni kole: Ogeero, andoi ichek eutab Nebukadresar laitoriatab Babulon; ak kobar ichek eng’ taing’wong’;

JEREMIA 37:19

Mi ano anyun nguno maotikwok che kimaotenwok, kolenjinok, Manyojinin laitoriatab Babulon obarge, anan kobargei ak emoni?

JEREMIA 6:13

Amu koboch ne ming’in agoi ne o eng’ ichek, kotinyei age tugul kasetab miat; ak yaei age tugul kaberberisiet koboch maotiot agoi tisiindet.

RIREKAB JEREMIA 2:14

Kigogeer maotiguk ng’ang’utik agobo inye che bo tangoita ak berberindo; Ak tom kong’any tengektang’ung’, kotook, si koweechin kogeny eng’ ole kigiluuljin: Ago kigogeer agobo inye lautik che bo buch ak ng’alek che bo onset.

HOSEA 9:8

Ki ribindet Epraim koboto Kamuktaindennyu: ago ne u maotiot, komi mestetab taritik ortinwekyik tugul, ak komi bunyondit gotab Kamuktaindennyi.

MIKAH 2:11

Ngot komwa lembech chito ne wendoti eng’ usonet ak lembechek, kole, Amaotenun agobo divaik ak maiyek; koegu inendet maotiotab bichu.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

MIKAH 3:5

Mwaei Jehovah ko u ni agobo maotik che igochin bikyuk kolel; che susisiei eng’ kelekwak ak kowaachei kole, Kalyet; ak age tugul ne mabaei ichek kochobei luget agobo inendet:

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

MATAYO 10:33

Ago age tugul ne esioa eng’ taitab bik, aesioi inendet agine eng’ taitab Baba ne mi kipsengwet.

MATAYO 24:11

Ak tun ng’eetos maotik che chang’ che bo lembech, ak kobeet che chang’.

MATAYO 24:24

Amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik che eechen; si kobeet, agot che lewenotin, nda imugaksei.

MATAYO 24:5

Amu bwanei che chang’ eng’ kainennyu kolen, A Kristo; ak kobeet che chang’.

MATAYO 7:15

Oribege maotik che bo lembech, che bwanjinok eng’ ngoroik che bo kechirek, ago suik che amei bich.

MARIKO 13:22

amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik, si kobeet, agot che kigelewen nda imugaksei.

LUKA 12:9

Ago inendet ne esioa eng’ taitab bik kotun keesioi agine eng’ taitab malaikaisiek che bo Jehovah.

LUKA 21:8

Ak kile, Oripge si ma kibeetok: amu tun bwanei bik che chang’ eng’ kainennyu, kolen, A inendet; ak, Kagorik betusiek: amosub ichek.

LUKA 6:26

Bwa okwek, ye mwaei bik tugul che miach agobo okwek! Amu kigoyachi ko u noto kwanisiekwak maotik che bo lembech.

ROMANIK 16:18

Amu icheget che u choto, ko maotei Kiptaiyandennyo Kristo, ago otei mootinwekwak; ak kong’alei mugulelwekab che libwoben eng’ ng’alekwak che tangusen ak che bo chemwaikutnatet.

1 KORINTOEK 11:19

Amu mi ne matiny kabesiosiek eng’ kwenung’wong’, si kobiit kotook ichek che bo iman eng’ kwenung’wong’.

1 KORINTOEK 6:20

amu kigialenak kamanutiet: otoror Jehovah anyun eng’ borwekwok.

1 KORINTOEK 7:23

Kigialak eng’ kamanutiet; amat oegu otwogikab bik.

GALATYEK 2:4

amu tupchosiek che bo lembech che kigimut kobwa orit eng’ ung’ot, che kimong’ eng’ ung’ot kosegei katiagennyo ne kitinye eng’ Kristo Jesu, si kobiit kondeech otwoknatet:

GALATYEK 3:13

Kiitiachech Kristo eng’ chubisietab Ng’atutiet ye kiek inendet chubet agobo achek: amu kigisir kele, Chubot chi age tugul ne kisonginini eng’ ketit:

GALATYEK 4:17

Igiiljinogei kocheng’ok eng’ oret ne ma mie: ee, machei kole kogerjok sang’, si kobiit ocheng’ ichek.

GALATYEK 5:20

saetab kanamonik, bonisiet, bunyondisiek, suriosiek, ng’etkonda, nereknatosiek, toiyosiek, kabesiosiek, pcheutik,

EPESOEK 1:7

ne kitinye eng’ inendet katiagennyo eng’ korotikyik, nyoetab kaat ne bo chalwogikyok, ko u magornatosiekab mieindanyi,

EPESOEK 4:14

si mata keegu lagok, che kitoortoi koba komosi ak komosi ak kiiboti eng’ usonet age tugul ne bo konetisiet, eng’ ng’alsetab bik, eng’ ng’omkong’natet, eng’ kaberberisiosiekab lelutiet;

NG'ATUTIK 32:6

Tos kongoi ne ogochini Jehovah ni, Okwek bik che o abusotin che ma o ng’omen? Tos ma kwandang’ung’ inendet, ne kialin? Kiyain, ak kogimitin.

PILIPIK 3:19

ne kagesunenywa ko luset, ne cheptalelinywa ko moet, ne kalosunenywa ko tewernatenywa, che ibwati tugukab ng’ony.

KOLOSAIK 2:18

Amat korebenak chi melektang’wong’ eng’ oret ne machei inendet, ne bo kaming’inetab ge ak kalosunetab malaikaisiek, ak kogimitegei tuguk che kigogeer, ak komene kabwatutikyik che bo borto,

KOLOSAIK 2:8

Oripge si maluulok chi age eng’ ng’omnatennyi ak kaberberisiet ne bo buch, eng’ bitonwekab bik, eng’ konetisiosiek che bo tai che bo ng’ony, ak ma eng’ Kristo:

1 TIMOTEO 5:8

Ago ngo maribei chi bikyik, ak che siirei ko che bo gonnyi, ko kagoesio kayanet, ak ko ya kosiir chito ne ma iyan.

2 TIMOTEO 4:3

Amu nyonei betut ne ma tun epchin it agot kitigin konetisiet ne bo imanit; ago, tinyei itik che iututos, iyumjingei konetik che isubi magutikwak;

TITO 1:11

che kanyol keger kutuswekwak; che itarng’anyi go komugul, koneti tuguk che kama konyolu amu magornatetab tewernatet.

TITO 3:10

Esie chito ne ibu toiyet ye kagitigon ne bo tai ak ne bo aeng’;

HEBRANIK 10:29

obwatitoi ano okwek, ng’wanitu ne tia biret ne tun nyoljin kiruokyine inendet ne kigotiech Weritab Jehovah, ak koiit korotikab kayomiset, che kigitilile inendet, koek tuguk che ma tililen, ak kosas Tamirmirietab mieindo?

1 PETERO 1:8

ne ochame nganda tom ogeer; inendet ne nganda mogeere nguno, oyani, ko oboiboi mising’ eng’ boiboiyet ne ma mwaoksei ak ko nyiitat torornatet:

2 PETERO 2:3

Ak kocheng’jingei borotet eng’ okwek eng’ ng’alekab ng’alset amu kasenywa ne bo miat: che ma igaegei kiruogenywa koboch keny, ama ruei ng’emisienywa.

1 JOHANA 2:26

Kaasirwak tuguchu agobo ichek che machei kobeetok.

1 JOHANA 4:1

Chamanichu, amoyan tamirmiriet age tugul, ago otiem tamirmirik, ngo bo Jehovah: amu kigomong’ji ng’ony maotik che chang’ che bo lembech.

JUDA 1:18

ko u ye kimwawok, kole, Tun biitu chombilik eng’ betusiekab let, che isubi magutikwak che yaachen che ma bo kaiyweetab Jehovah.

JUDA 1:4

Amu mi bik alak che kichut orit eng’ ung’ot, ichek che kigichopchi kiruogoni koboch keny, bik che maiywei Jehovah, che walei mieindab Jehovah nenyo koek maget ne ya, ak koesioi Laitoriandennyo, ne inegei, ak ko Kiptaiyandennyo Jesu Kristo.

NG'ANG'UTYET 13:14

Ak kiiberber ichek che menyei ng’ony eng’ kaborunoik che kigigochi inendet koyai eng’ taitab tiondo; kolenjin ichek che menyei ng’ony koyachi kanamwet tiondo, ne tinyei berutietab rotwetab chok, ak kisob tionyoto.

NG'ANG'UTYET 2:13

Angen ole imenye, ole mi ng’echeretab laitornatet ne bo Setani: ak iname kainennyu mising’, ama iesie kayanennyu, agot eng’ betusiekab Antipa baoriandennyu, nenyu ne bo iman, ne kigibar eng’ kwenung’wong’, ole menyei Setani.

NG'ANG'UTYET 2:9

Angen nyalildang’ung’, ak banandang’ung’ (ago i magoriot), ak chubisietab ichek che mwaei kole ki Yahudik, ago ma ichek, ago sunagogitab Setani.

NG'ANG'UTYET 3:8

Angen boisioniguk (keero, kaande taing’ung’ kurget ne yatat, ne maimuchi chi koger), ale itinye kimnatet ne ming’in, ak kiirib ng’olyondennyu, ama iesie kainennyu.

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,

NG'ANG'UTYET 6:10

ak kimwa eng’ kutit ne o kole, Tianitu, ee Kiptaiyat, ne tilil ak ko bo iman, si iruokyi ak iyaaktoiywech mugetut agobo korotikyok eng’ ichek che menyei ng’ony?