2 PETERO 1:8 - BUKUIT NE TILIL

⁸ Amu ngot komitei eng’ okwek tuguchuto ak kotesak, koyaok si mochorirense anan ko che maiyiei logoek eng’ naetab Kiptaiyandennyo Jesu Kristo.

Bukuit Ne Tilil

⁸ Amu ngot ko miitei eng' okweek tuguuchuuto ak ko tesatin, koyaak si mochorirense anan ko che ma iyei logoek eng' naetap Kiptaiyandennyo Jeso Kristo.

BUKUIT NE TILIIL Sireet ne Dutero Kanon

⁸ Amu ngot ko miitei eng' okweek tuguuchuuto ak ko tesatin, koyaak si mochorirense anan ko che ma iyei logoek eng' naetap Kiptaiyandennyo Jeso Kristo.

2 PETERO 1:8 ပူးပေါင်းရင်းမြစ်များ

KALEWANAIK 19:15

Igochin chito chorirnatet ruondo ne nyigis; Amei rubet chito ne choriren.

MATAYO 13:22

Ak inendet ne kigilechi ole mi katok, ko inendet ne kasei ng’olyot; ak kogiich ng’olyot kererwekab met che bo ng’ony, ak kaberberisiet ne bo magornatet, si mai.

MATAYO 20:3

Ak kimanda ko negit sait somok, ak kogeer alak kotonondos eng’ oldab aldaisiet ama tinyei boisiet;

MATAYO 20:6

Ak kimanda kogeny olo bo sait taman ak agenge, ak konyor alak kotonondos; ak kilenji ichek, Kalya si otonone oli betut komugul amotinye boisio?

MATAYO 25:26

Ago kiwolji kiptaiyandennyi ak kolenji, Inye otwogindet ne ya ak ko choriren, kiinai ile agese eng’ ole ma agol, ak ayumi eng’ ole kima alechi;

JOHANA 15:2

Tilei temet age tugul ne mi eng’ ane ne maiyiei logoek, ak kotilili temet age tugul ne yiei logoek si koi logoek alak.

JOHANA 17:3

Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

JOHANA 5:42

Ago angenok ale motinye chamnyetab Jehovah eng’ oring’wong’.

ROMANIK 12:11

eng’ kagiiletab ge amochoriren; ogiilge mising’ eng’ tamirmiriet, oote Kiptaiyat;

1 KORINTOEK 15:58

Noto anyun, che kitupche che achame, ogimegitu, among’ king’eak, oyae otese kotugul boisietab Kiptaiyat, amu ongen ole ma bo buch boisieng’wong’ ne uui eng’ Kiptaiyat.

2 KORINTOEK 13:5

Osiaige okwege, ngomi eng’ kayanet; otiemge okwege. Anan mongen okwege ole mitei Jesu Kristo eng’ okwek? Iyois ko o esiootin iman.

2 KORINTOEK 8:2

ale ye kingetiem ichek eng’ nyalilda ne o, ko kitesak boiboindanywa ne siirtoot ak banandanywa ne o kot kotesyi ichek magornatetab aiyebindanywa.

2 KORINTOEK 8:7

Ago ko u ye otinye aiyebindo eng’ kiy age tugul, eng’ kayanet, ak twegunet, ak naet, ak eng’ kagiiletab ge tugul, ak eng’ chamnyeng’wong’ ne oting’enech, ingonyiiak anyun mieinito agine.

2 KORINTOEK 9:14

ak eng’ saenywa agobo okwek, koting’enok emosto amu mieindab Jehovah ne tesat mising’ eng’ okwek.

PILIPIK 1:9

Ak ni ko saennyu ale kotesak chamnyeng’wong’ mising’ inne eng’ naet ak kaguiyet tugul;

PILIPIK 2:5

Ingotebenok ateboni, ne kimi agine eng’ Kristo Jesu:

PILIPIK 3:8

Ee iman, ak aiiti tuguk tugul koek tugun che kigobetyo amu telunatet ne bo naetab Kristo Jesu, Kiptaiyandennyu: kigobetwa tuguk tugul amu inendet, ak aiiti ale busagariek, si kobiit anyor Kristo,

KOLOSAIK 1:10

si obendate ko u ye nyolu eng’ Kiptaiyat, oboiboi inendet, oitosi logoek eng’ boisiet age tugul ne mie, ak otesage eng’ naetab Jehovah;

KOLOSAIK 2:7

ko o lumdootin ak ko o teegotin eng’ inendet, ak kigimitok eng’ kayaneng’wong’, ko u ye kiginetak, otese omwae kongoi.

KOLOSAIK 3:16

Ingomenyok ng’olyotab Kristo eng’ magornatet, eng’ ng’omnatet tugul onetige ak oteechinige eng’ tienwogikab kalosunet ak tienwogik ak tienwogikab tamirmiriet, otienjini Jehovah eng’ mieindo eng’ mugulelwekwok.

1 THESSALONIKEK 3:12

ingogonok Kiptaiyat otesage ak obaraitu eng’ chamnyet okwege eng’ okwege, ak eng’ bik tugul, agot ko u achek eng’ okwek;

1 THESSALONIKEK 4:1

Ne bo let anyun, tupchosiechu, kesomok mising’ ak kiteeiywok eng’ Kiptaiyat Jesu, ko u ye kiotaach eng’ achek, ole kanyol obetite ak obaibaite Jehovah, agot ko u ye obendoti, si kobiit obaraitu mising’ inne.

2 THESSALONIKEK 1:3

Kanyol kemwachi Jehovah kongoi betusiek tugul agobo okwek, che kitupche, ko u ye nyolu, amu nerei kayaneng’wong’ mising’, ak ko tesoksei chamnyet ne oting’ege okwek tugul;

1 TIMOTEO 5:13

Koboto noto anyun konetgei koek chorirenik, ak koitoti gorik; ago ma chorirenik kityo, ago chaamik ak che iboti chemererosiek, kong’alalote tuguk che manyoljin.

TITO 3:14

Ak ingonetgei bikyok agichek koyai boisionik che miachen kotugul, agobo tuguk che makyingei, si maek che mayiei logoek.

PILEMON 1:6

si koek yamdaetab kayaneng’ung’ ne boisie komie, eng’ naetab kiy age tugul ne mie ne mitech, eng’ Kristo.

HEBRANIK 6:12

si mouuegitu, ago oyaniege ichek che nyoru arorutik eng’ kayanet ak muitaet.

2 PETERO 1:2

Ingotesak mieindo ak kalyet eng’ okwek eng’ naet ne ongen Jehovah ak Jesu Kiptaiyandennyo.

2 PETERO 1:3

Amu kigonech kamuktaetab Jehovah tuguk tugul che nyoljin sobondo ak kaiyweet ne kiywei Jehovah, eng’ naet ne kinae inendet ne kiguurech eng’ torornatennyi ak mieindanyi;

2 PETERO 2:20

Amu ye kagochililye muruonindab ng’ony eng’ naet ne naei Kiptaiyat ak ko Yetindet Jesu Kristo, ko ngot ko ta koratgei kogeny ak tuguchoto ak kiterter, koyaitu atebenywa ne bo let kosiir ne bo tai.

2 PETERO 3:18

Ago onerie eng’ mieindo ak naet ne bo Kiptaiyandennyo ak ko Yetindennyo Jesu Kristo. Nenyi torornatet nguno agoi koigeny. Amen.