2 PETERO 1:5 - BUKUIT NE TILIL

⁵ Ee, amu ng’olyondonito ye kaotes kagiiletab ge tugul eng’ komostang’wong’, otesyi mieindo kayaneng’wong’; ak otesyi naet mieindo;

Bukuit Ne Tilil

⁵ Ee, amu ng'olyoondoniito ye kaotes kagiiletapkei tugul eng' komostang'wong', otesyi `myeeindo kayaneng'wong'; ak otesyi `naet myeeindo;

BUKUIT NE TILIIL Sireet ne Dutero Kanon

⁵ Ee, amu ng'olyoondoniito ye kaotes kagiiletapkei tugul eng' komostang'wong', otesyi `myeeindo kayaneng'wong'; ak otesyi `naet myeeindo;

2 PETERO 1:5 ပူးပေါင်းရင်းမြစ်များ

TIENWOGIKAL 119:4

Kiing’at konetisiosieguk, Ile kisub eng’ kagiiletab ge.

KALEWANAIK 4:23

Rib muguleldang’ung’ eng’ kagiiletab ge tugul; Amu bunu kong’ikab beekab sobon yoto.

ISAIAH 55:2

Amu nee si oboisie feda eng’ tuguk che ma amitwogik? Ak boisieng’wong’ agobo tuguk che mobiyonyi? Oepcha it mising’, si oam che miach, ak ingoboiboitu sobonwekwok eng’ che akwaen.

SEKARIA 6:15

Ak kobwa ichek che mi ole loo ak koteech hekalutab Jehovah, ak onai ole kiiyokwa Jehovah ne bo lugosiek anyo ole omi. Ak isuldoi nito, ngot ogas it eng’ kagiiletab ge kutitab Jehovah Kamuktaindeng’wong’.

LUKA 16:26

Ak ne siirei chu tugul, ko kiginde chemng’eisut ne o ne ioitosech achek ak okwek, si che machei kolong’ olo omi ko maimuchi, ak che machei kolong’ ole kimi ko maimuchi.

LUKA 24:21

Ago kogimang’u kelen inendet ne itiachi Israel. Ee, ak koboto choto tugul ko betutab somok rani koboch ngab kobata ng’alechuto.

JOHANA 6:27

Amoboisie agobo amitwogik che begu, ago oboisie agobo amitwogik che tebyei agoi sobondab koigeny, che konok Weritab chi: amu kigong’och inendet Kwanda, ne inendet ko Jehovah.

1 KORINTOEK 14:20

Che kitupche, amoegu lagok eng’ ng’omnatet: ago oegu lagok che nyerotin eng’ yaitio, ago oegu che kaoeegitu eng’ ng’omnatet.

EPESOEK 5:17

Noto anyun amoberberitu, ago oguiye kit ne u magetab Kiptaiyat.

PILIPIK 1:9

Ak ni ko saennyu ale kotesak chamnyeng’wong’ mising’ inne eng’ naet ak kaguiyet tugul;

PILIPIK 2:12

Noto anyun, chamanikyuk, ko u ye koogase it kotugul, ma ye ami kityo, ago nguno ye mami ogase it kosiir, oboisie yetuneng’wong’ kosulda eng’ kaiyweisiet ak botanet;

PILIPIK 4:8

Ne bo let anyun, che kitupche, tuguk alak tugul che bo imanda, alak tugul che bo teegisto, alak tugul che bo imanda, alak tugul che tililen, alak tugul che chamotin, alak tugul che kimwaitoe ne mie; ngo mi miein age tugul, ak ngo mi kalosunet age tugul, obwat tuguchuto.

KOLOSAIK 1:9

Amu nito anyun, ko magimete kesa ak kesom agobo okwek koboch betut ne kingegas, kele konyiiak naetab magennyi eng’ ng’omnatet tugul ne bo tamirmiriet ak kaguiyet,

KOLOSAIK 2:3

kigiuny eng’ inendet konoraik tugul che bo ng’omnatet ak naet.

HEBRANIK 11:6

ak ngo mami kayanet ko ma imugaksei kibaibai inendet: amu inendet ne rikyin Jehovah konyoljin koyan kole mi inendet, ak kole igochin melekto icheget che cheng’ei inendet.

HEBRANIK 12:15

ogeer si marartae chi mieindab Jehovah; si mabiit tigitiotab ng’wanindo ak konyalilis, ak komuruon che chang’;

HEBRANIK 6:11

Ak kimache mising’ chi age tugul eng’ okwek kele kobarta kagiilonoto bo ge eng’ nyiietab kamang’unet agoi kagesunet:

JOSHUA 7:3

Ak kiweektagei koba ole mi Josua ak kolenji, Amat koba bik tugul; ago ingoba bik olo bo elfusiek aeng’ anan ko somok koba kobar Ai; amat ingong’etyot bik tugul koba olindo; amu ng’ering’ bichoto.

1 PETERO 3:7

Okwek manong’otaichu, otebi ko u noto koboto osotikwok eng’ ng’omnatet, ogochini kwondo teegisto, amu inendet ko nyalulat eng’ muren, ko u ye tun onyoru tugul mieindab sobondo; si ma kiger sautikwok.

2 PETERO 1:10

Eng’ noto anyun, che kitupche, ogiilge mising’ inne, oyai kuureng’wong’ ak leweneng’wong’ kogimit: amu ngot oyai tuguchuto ko magoi obutye matiny:

2 PETERO 1:11

amu kigonok ko u noto eng’ chang’indo ochut bounatetab koigeny ne bo Kiptaiyandennyo ak ko Yetindet Jesu Kristo.

2 PETERO 3:14

Noto anyun, chamanichu, amu ogeni tuguchoto, ogiilge si tun kenyoruok omi eng’ kalyet ko motinye tisia amotinye lelut eng’ tainnyi.

2 PETERO 3:18

Ago onerie eng’ mieindo ak naet ne bo Kiptaiyandennyo ak ko Yetindennyo Jesu Kristo. Nenyi torornatet nguno agoi koigeny. Amen.