2 KORINTOEK 9:2 - BUKUIT NE TILIL

² Amu angen chobeng’wong’ bo ge ne alosunege agobo okwek eng’ ichek che bo Makedonia, ale kigochopgei Akaya koboch kenyit agenge ne kogosiirto; ak kigong’eet kagiileng’wong’ bo ge che chang’ mising’ eng’ ichek.

Bukuit Ne Tilil

² Amu angen chobeng'wong' pogei ne alasunegei agobo okweek eng' icheek che po Makedonia, ale Ki kochopkei Akaia kobooch kenyiit agenge ne kogosiirto; ak kigong'eet kagiileng'wong' pogei che chaang' miising' eng' icheek.

BUKUIT NE TILIIL Sireet ne Dutero Kanon

² Amu angen chobeng'wong' pogei ne alasunegei agobo okweek eng' icheek che po Makedonia, ale Ki kochopkei Akaia kobooch kenyiit agenge ne kogosiirto; ak kigong'eet kagiileng'wong' pogei che chaang' miising' eng' icheek.

2 KORINTOEK 9:2 ပူးပေါင်းရင်းမြစ်များ

POISYONIGAP CHE KIYOKTOI 18:12

Ago ye kingo kiruogindetab Akayo Galio, kong’eetyi Yahudik Paulo eng’ maget agenge, ak komut inendet kwo taitab ng’echeretab kiruoget,

POISYONIGAP CHE KIYOKTOI 24:17

Ak kingobata kenyisiek che chang’ anyo aipchi bikab bororiennyu kagochinoik ak tuguk che kigoitoi:

ROMANIK 15:26

Amu kicham mising’ Makedonia ak Akaia kobasyi tugun bik che bonondos eng’ kwenutab che tililen che mi Jerusalem.

1 KORINTOEK 16:15

Asomok anyun mising’, che kitupche (ongen che bo gotab Stepana, ole icheget tongoanik che bo Akaya, ak kichuljigei koboisiechi che tililen),

2 KORINTOEK 1:1

Paulo, ne kiyoktoi ne bo Kristo Jesu eng’ magetab Jehovah, ak Timoteo tupchennyo, kisirjini kanisetab Jehovah ne mitei Korinto, koboto che tililen tugul che mitei Akaya komugul:

2 KORINTOEK 7:14

Ak ngo kiamwachi inendet kiy age tugul eng’ losetab ge agobo okwek, ko kima kigona alilan; ago ko u ye kigemwawok tuguk tugul eng’ iman, ko u noto kalosunennyo agine, ne kiamwa eng’ taitab Tito, ko kiek iman.

2 KORINTOEK 7:4

O nyiganatet ne ang’alalunenok, o katororennyu bo ge agobo okwek: kanyiia kagaigaet, kanyiia boiboiyet kot kong’irtagei eng’ bichiinwekyok tugul.

2 KORINTOEK 8:10

Ak eng’ nito aboruok kabwatutikyuk: amu nyolu nito eng’ okwek, che kigosib otau eng’ kenyit agenge ne kogosiirto, ma kityo oyai, ago ochame agine.

2 KORINTOEK 8:11

Ago ogesu anyun nguno boisiet; amu ko u ye kio chobotin ochame oyai ko u noto, komitei ko u noto kasuldaet ne bo kamugeng’wong’.

2 KORINTOEK 8:19

ak ma noto kityo, ago kilewen kanisosiek inendet kebendate tugul agobo mieini, ne kiyae achek keyachini torornatetab Kiptaiyat, ak kiboru chobennyo bo ge ne kitinye:

2 KORINTOEK 8:24

Noto anyun oborji icheget eng’ taitab kanisosiek kit ne iboru chamnyeng’wong’, ak kalosunennyo bo ge agobo okwek.

2 KORINTOEK 8:8

Mang’alali eng’ ng’atutiet, ago atieme eng’ kagiiletab ge ne bo alak, ngo bo iman chamnyeng’wong’.

1 THESSALONIKEK 1:7

kot oegu kaborunoik eng’ tugul che iyani eng’ Makedonia ak eng’ Akaya.

HEBRANIK 10:24

Ak ongibwatge achege eng’ achege kigimitge eng’ chamnyet ak boisiosiek che miach;