2 KORINTOEK 8:7 - BUKUIT NE TILIL

⁷ Ago ko u ye otinye aiyebindo eng’ kiy age tugul, eng’ kayanet, ak twegunet, ak naet, ak eng’ kagiiletab ge tugul, ak eng’ chamnyeng’wong’ ne oting’enech, ingonyiiak anyun mieinito agine.

Bukuit Ne Tilil

⁷ Ago ko uu ye otinye aiyebindo eng' kiy age tugul, eng' kayaneet, ak tweguunet, ak naet, ak eng' kagiiletapkei tugul, ak eng' chamyeng'wong' ne oting'enech, ingonyiiak anyun myeiniito agine.

BUKUIT NE TILIIL Sireet ne Dutero Kanon

⁷ Ago ko uu ye otinye aiyebindo eng' kiy age tugul, eng' kayaneet, ak tweguunet, ak naet, ak eng' kagiiletapkei tugul, ak eng' chamyeng'wong' ne oting'enech, ingonyiiak anyun myeiniito agine.

2 KORINTOEK 8:7 ပူးပေါင်းရင်းမြစ်များ

MATAYO 25:22

Ak kinyo agine ne kiga taach talentaisiek aeng’ ak kole, Kiptaiyandani, kiigona talentaisiek aeng’: keero, kianyoru talentaisiek alak aeng’.

ROMANIK 15:14

Ak kaanai anendet agane agobo okwek, che kitupche, ale o nyiitotin eng’ mieindo, o nyiitotin eng’ naet tugul, ak kogeny, omuchi otigonge.

1 KORINTOEK 1:5

amu kigeyaak oegu magorek mising’ eng’ inendet eng’ kiy age tugul, eng’ ng’alek tugul, ak naet tugul;

1 KORINTOEK 12:13

Amu eng’ Tamirmiriet agenge ko kigibatisanech achek tugul keegu borto agenge, ngo Yahudik anan Yunanik, ngo ratotin, anan kotiagotin, ak kigigonech achek tugul kee eng’ Tamirmiriet agenge.

1 KORINTOEK 12:8

Amu kigochin chito age ng’olyotab ng’omnatet eng’ Tamirmiriet; ak kigochin age ng’olyotab naet, eng’ Tamirmirionoto:

1 KORINTOEK 13:2

Ak ngot atinye konunetab maoinatet, ak angen ung’otik tugul ak naet tugul, ak ngatinye kayanet tugul, kot amuch autoe tulonok, ago matinye chamnyet, ko a buch.

1 KORINTOEK 13:8

Mararu chamnyet agoi: ago ngo mitei maoinatosiek, kotun igesugei; ngo mi kutuswek che terotin, kotun sistos; ngo mi naet, kotun igesugei.

1 KORINTOEK 14:12

O u noto ak okwek, ko u ye omache mising’ koniunoikab tamirmiriet, ocheng’ eng’ kagiiletab ge tuguk che igochin kaniset koteegak.

1 KORINTOEK 4:7

Amu tos ng’o ne kayain iegu ne ter? Ak nee ne itinye inye ne kima itaach? Ago ngo kiitaache, ko amu nee si ilosuge, ko u ye kima itaache?

2 KORINTOEK 7:7

ak, ma eng’ nyonunennyi kityo, ago eng’ kagaigaet ne kiogaigai inendet, ye kingomwawech emostong’wong’, ak rirekwok, ak kagiileng’wong’ bo ge agobo ane; kot abaibaitu mising’ kosiir.

2 KORINTOEK 8:6

agoi kigiil Tito, kele ko u ye kisib kotoi, komachei kosulda eng’ okwek mieinito agine.

2 KORINTOEK 9:14

ak eng’ saenywa agobo okwek, koting’enok emosto amu mieindab Jehovah ne tesat mising’ eng’ okwek.

2 KORINTOEK 9:8

Ak komuchi Jehovah kogonok mieindo tugul kotesak mising’; si otinye okwek kotugul tuguk tugul che yamok eng’ kit age tugul, si otunen eng’ boisiet age tugul ne mie:

EPESOEK 4:29

Amat komong’une ng’olyo age tugul ne ya kutuswekwok, ago noto ne mie ne imuchi koteekso, ko u ye nyolu, si kobiit kogochi mieindo icheget che kasei.

PILIPIK 1:11

ko o nyiitotin eng’ logoekab imanda, che bunu Jesu Kristo, agoi torornatet ak kalosunetab Jehovah.

PILIPIK 1:9

Ak ni ko saennyu ale kotesak chamnyeng’wong’ mising’ inne eng’ naet ak kaguiyet tugul;

2 THESSALONIKEK 1:3

Kanyol kemwachi Jehovah kongoi betusiek tugul agobo okwek, che kitupche, ko u ye nyolu, amu nerei kayaneng’wong’ mising’, ak ko tesoksei chamnyet ne oting’ege okwek tugul;

2 TIMOTEO 2:1

Kimitu anyun, lakwennyu, eng’ mieindo ne mitei eng’ Kristo Jesu.

HEBRANIK 12:28

Noto anyun, amu kinyoru bounatet ne magimuchi kitumdum, ko ongeegu che tinyei mieindo, ne kimuchi keyae boisiet ne iboiboi Jehovah mising’, eng’ teegisto ak kaiyweet:

1 PETERO 1:22

Amu kiotilil sobonwekwok eng’ kasetab it ne ogase it imanit kot koit chamnyetab tupchosiek ne matinyei kenisiet, ochamnye, okwege eng’ mugulelwekwok eng’ kagiiletab ge:

2 PETERO 3:18

Ago onerie eng’ mieindo ak naet ne bo Kiptaiyandennyo ak ko Yetindennyo Jesu Kristo. Nenyi torornatet nguno agoi koigeny. Amen.

NG'ANG'UTYET 3:17

Amu imwae ile, A magorio, ak kiasich magornatet, ama abanani kiy; amengen ile i chito ne i kimnyaliliat ak itinye rirek ak ko i kibananiat ak ko i kipkoratiat ak imi ach ngor: