2 KORINTOEK 7:10 - BUKUIT NE TILIL

¹⁰ Amu arogenet ne tokyingei Jehovah koyaei sigunet agoi yetunet, ne matinyei ndara: ago arogenet ne bo ng’onyuni koibu meet.

Bukuit Ne Tilil

¹⁰ Amu arageneet ne tokyingei Kamuktaindet koyaei siguunet agoi yetunet, ne ma tinyei ndara, ago arageneet ne po ng'wonyuni koibu meet.

BUKUIT NE TILIIL Sireet ne Dutero Kanon

¹⁰ Amu arageneet ne tokyingei Kamuktaindet koyaei siguunet agoi yetunet, ne ma tinyei ndara, ago arageneet ne po ng'wonyuni koibu meet.

2 KORINTOEK 7:10 ပူးပေါင်းရင်းမြစ်များ

TAUNET 30:1

Ak kingogeer Rael kole, mata kosikyi Jakobo lagok, koam ng’etkong’ Rael agobo chepkamet; ak kilenji Jakobo, Kona lagok, ak ngo megona, amee.

2 SAMUEL 12:13

Ak kilenji Daudi Natan, Koyachi Jehovah tengekto. Ak kilenji Natan Daudi, Kagoisto Jehovah agine tengektang’ung’; memee.

2 SAMUEL 13:4

Ak kilenji inendet, Kolya-o, weritab laitoriat, si isagiti betut age tugul? Ak kilenji Amnon inendet, Amache Tamar chepkametab tupchennyu Absalom.

2 SAMUEL 17:23

Ak kingogeer Aitopel kole, mata kosub chi kiruogennyi, koiito sigiriennyi, ak kong’eet, kwo ga, kot koit nganasennyi, ak kwo korarji ket bikab gonnyi, ak kogetgei; ak kime; ak kigitupchi kereritab kwandanyi.

1 LAITORINIK 21:4

Ak kinyo Ahab gonnyi eng’ muguleldo ne nyigis, ak konerechi amu ng’olyot ne kamwachi Nabot Jesreelindet: amu kiga lenji, Magonin borotetab kwanisiekyuk. Ak kiru eng’ itogunnyi, ak kolit olin, ak koesio koamis.

TIENWOGIKAL 38:18

Ak ang’anye tengektanyu; Aarogeni amu chalwoktanyu.

KALEWANAIK 15:13

Igochin muguleldo ne igasegei toget kobaibait: Ago tanui tamirmiriet eng’ arogenetab muguleldo.

KALEWANAIK 15:15

Yaachen betusiek tugul che bo che kinyalili: Ago muguleldo ne igasegei ko igorta ne bo kotugul.

KALEWANAIK 17:22

Kerichek che miach muguleldo ne igasegei: Ago iyaami kowek tamirmiriet ne katanui.

KALEWANAIK 18:14

Igimiti tamirmirietab chito nyalulnatennyi; Ago imuchi ng’o komuita eng’ arogenet?

AMDOINDET 7:3

Kaigai arogenet kosiir roriot: amu kiboiboi muguleldo eng’ arogenetab toget.

JEREMIA 31:9

Bwanei koririonu, ak amutune sautik: agochini kobendat eng’ ole negit ainosiek, eng’ oret ne litit eng’ ole maginachi: amu a kwanda eng’ Israel, ak taitanyu Epraim.

EZEKIEL 7:16

Ago chilildos icheget che chilildos, ak koigei eng’ tulonok cheptugenikab atebwosiek, rirtos tugul, rirei chi age tugul eng’ tengektanyi.

JONAH 3:10

Ak kigeer Kamuktaindet boisionikwak, kole kaweek kometo orenywa ne ya; ak kiwal Kamuktaindet kabwatutikyik agobo yaitiet, ne kiga mwa kole yachin ichek; ak mata koyai.

JONAH 3:8

ago ingetuge ichek tugul kuniok, chi ak tiony, ak ingorirji Kamuktaindet eng’ kimnatet: ee, ingoweek chi tugul kometo orennyi ne ya, ak kometo koromnatet ne mi eunekwak.

JONAH 4:9

Kilenji Kamuktaindet Jona, Tos iyae ne mie nginerech agobo silangwet? Ak kile, Kayai ne mie nganerechi agoi meet.

MATAYO 26:75

Ak kiibwat Petero ng’olyot ne kiga komwa Jesu, kole, Kotom kote kipsoiywet, iesioa konyil somok. Ak kimanda sang’, ak korir eng’ ng’wanindo.

LUKA 15:10

U noto anyun, amwawok ale, mi boiboiyet eng’ taitab malaikaisiekab Jehovah eng’ kiptengekyot agenge ne kasik.

LUKA 18:13

Ago kitonon taagindetab aisurut eng’ ye loo, ak ma cham agot konyal kipsengwet, ago kiluch tegennyi, kole, Jehovah, rirena, a kiptengekyo.

POISYONIGAP CHE KIYOKTOI 11:18

Ak kingogas ng’alechuto, kosisyo, kolos Jehovah, ak komwa kole, Kaga kagogochi Jehovah Bororiosiek agichek sigunet ne ibu sobondo.

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun betusiek che bo kamuung’et che bunu taitab Kiptaiyat;

2 KORINTOEK 12:21

si ye tun anyo kogeny, ko maiming’ina Jehovah nenyu eng’ taing’wong’, ak arir agobo che chang’ eng’ ichek che kiyai tengekwogik koboch yoto, ama sik eng’ simdo ak sokset ak maget ne ya agobo tuguk che yaach che kiyai ichek.

2 KORINTOEK 7:9

Abaibai nguno, ma amu kigigonok oarogense, ago abaibai amu kigigonok oarogense agoi sigunet: amu kigigonok oarogense eng’ arogenet ne tokyingei Jehovah, si mabetwok kiy age tugul amu achek.

HEBRANIK 12:17

Amu ongen ole kingomach eng’ let konam kaberuret, keesio (amu kima sich boroindo ne bo sigunet) nganda kicheng’ mising’ eng’ beekab kong’.

1 SAMUEL 30:6

Ak kiimgei mising’ Daudi, amu kimwa bik kole kilache inendet eng’ koik, amu kiarogenso sobonwekab bik tugul, kiarogen chi age tugul agobo werikyik ak tibikyik: ago kiigimitgei Daudi eng’ Jehovah Kamuktaindennyi.