2 KORINTOEK 6:7 - BUKUIT NE TILIL

⁷ eng’ ng’olyotab imanit, eng’ kamuktaetab Jehovah; eng’ karikab imanda eng’ eutab tai ak eng’ eutab katam,

Bukuit Ne Tilil

⁷ eng' ng'olyootap imanit, eng' kamuktaetap Kamuktaindet; eng' kariigap imanda eng' eutap tai ak eng' murot kaataam,

BUKUIT NE TILIIL Sireet ne Dutero Kanon

⁷ eng' ng'olyootap imanit, eng' kamuktaetap Kamuktaindet; eng' kariigap imanda eng' eutap tai ak eng' murot kaataam,

2 KORINTOEK 6:7 ပူးပေါင်းရင်းမြစ်များ

TIENWOGIKAL 119:43

Amereb ng’olyondeng’ung’ ne bo iman eng’ kutinnyu; Amu kiamang’u kiruogutiguk.

KOMONG'U 14:22

Ak kiba lagokab Israel kobun emet ne yaamat eng’ kwenutab nyanjet: ak kitoten beek eng’ komostab tai ak eng’ komostab katam.

KALEWANAIK 3:16

Mi eunnyi ne bo tai chang’indab betusiek; Komi eunnyi ne bo katam magornatosiek ak teegisto.

ISAIAH 11:5

Ak egu imanda birenet ne rategei, ak koek kayanet ne kiyani birenet ne rategei.

ISAIAH 59:17

Ak kiilaach imanda ko u karnetab teget, ak chepkulet ne bo yetunet eng’ metinnyi; ak kiilaach ngoroikab yaaktaetab mugetut, ak kiilaach kagiiletab ge ko u sambut.

MARIKO 16:20

Ak kiba anyun, koamdaat eng’ oldo tugul, kobois Kiptaiyat koboto ichek, ak kogimit ng’olyot eng’ kaborunoik che kiisuboti. Amen.]

POISYONIGAP CHE KIYOKTOI 11:21

Ak kimi eutab Kiptaiyat koboto ichek: ak kiiyan bik che chang’ konam ng’alekab Kiptaiyat.

1 KORINTOEK 1:24

ago eng’ ichek che kigiguur, Yahudik koboto Yunanik, Kristo ko kamuktaetab Jehovah, ak ng’omnatetab Jehovah.

2 KORINTOEK 13:4

amu kigigartat eng’ nyalulet, ago sobei eng’ kamuktaetab Jehovah. Amu ki nyalulyotin ak achek eng’ inendet, ago kisoptosi koboto inendet eng’ kamuktaetab Jehovah agobo okwek.

2 KORINTOEK 2:17

Amu achek ko ma ki u che chang’, che boisie ng’olyotab Jehovah eng’ ng’alset: ago ki che boisiei eng’ oret ne matinyei ng’alset, ago ki bo Jehovah, ak eng’ taitab Jehovah, keng’alali eng’ Kristo.

2 KORINTOEK 4:2

ago kigeesie tuguk che ung’otin che bo kalilanet, ama kibendoti eng’ ng’alset, anan keboisie ng’olyotab Jehovah eng’ kaberberisiet; ago eng’ kabartaetab imanit, kiborjinige kabwatetab chi age tugul eng’ taitab Jehovah.

2 KORINTOEK 7:14

Ak ngo kiamwachi inendet kiy age tugul eng’ losetab ge agobo okwek, ko kima kigona alilan; ago ko u ye kigemwawok tuguk tugul eng’ iman, ko u noto kalosunennyo agine, ne kiamwa eng’ taitab Tito, ko kiek iman.

EPESOEK 1:13

Kiogas ak okwek eng’ inendet ng’olyotab imanit, logoiywek che miach che bo yetuneng’wong’ - eng’ inendet, ne kingo kaoyan, ko kiging’ochak eng’ Tamirmiriet ne Tilil ne bo arorutiet,

EPESOEK 3:20

Ingobunji anyun inendet ne imuchi koyai mising’ inne kosiir tugul che kisome anan che kibwati ko u kamuktaet ne boisiei eng’ achek,

EPESOEK 4:21

ngo kiogas inendet, ak kiginetak eng’ inendet, ko u ye mi imanit eng’ Jesu:

KOLOSAIK 1:5

amu kamang’unet ne kigegonoruok eng’ kipsengwet, ne kiosib ogas eng’ ng’olyotab imanit ne bo logoiywek che miach,

1 THESSALONIKEK 5:8

Ago ongeegu che kiribegei, achek che ke bo bet, kilaachi karnetab teget ne bo kayanet ak chamnyet; ak kutwet, noto ko kamang’unet ne bo yetunet.

2 TIMOTEO 2:15

Igiilgei ibartege ile kigoyanun Jehovah iegu kiboitiot ne manyol kolilan, ne boisie komie ng’olyotab imanit.

2 TIMOTEO 4:7

Kiayai luget ne mie, kaagesu labatet, kiarib kayanet:

HEBRANIK 2:4

ak kibaoriani agine Jehovah koboto icheget, eng’ kaborunoik ak kwong’utik, ak eng’ kamugosiek che terotin, ak eng’ kagoitaosiekab Tamirmiriet ne Tilil, ko u magennyi.

JAKOBO 1:18

Kisichech eng’ magennyi eng’ ng’olyotab imanit, si kobiit keegu che tongoanikab yautikyik.