2 KORINTOEK 6:4 - BUKUIT NE TILIL

⁴ ago eng’ tuguk tugul kibortoige, ko u kiboitinikab Jehovah, eng’ muitaet ne o, eng’ bichiinwek, eng’ kagiigosiek, eng’ tiritinwek,

Bukuit Ne Tilil

⁴ ago eng' tuguuk tugul kiboortoige, ko uu kiboitinigap Kamuktaindet, eng' muitaet ne oo, eng' pichiinwek, eng' kagiigosyek, eng' tiritinwek,

BUKUIT NE TILIIL Sireet ne Dutero Kanon

⁴ ago eng' tuguuk tugul kiboortoige, ko uu kiboitinigap Kamuktaindet, eng' muitaet ne oo, eng' pichiinwek, eng' kagiigosyek, eng' tiritinwek,

2 KORINTOEK 6:4 ပူးပေါင်းရင်းမြစ်များ

ISAIAH 61:6

Ago kiguurenok tisiikab Jehovah: kuurenok bik kiboitinikab Kamuktaindennyo: oame magornatosiekab bororiosiek, ak olosunege torornatenywa.

JOEL 1:9

Kageisto kagochinetab busiek ak kagochinet ne kieei eng’ gotab Jehovah; rirtos tisiik, kiboitinikab Jehovah.

JOEL 2:17

Ingoririo tisiik, kiboitinikab Jehovah, eng’ kwenutab keterut ak kaptisisiet, ak ingomwa kole, Ee Jehovah, rire biguk, amegochi boroteng’ung’ kechot, kot koboi bororiosiek ichek: amu nee anyun si komwa bororiosiek kole, Mi ano Kamuktaindenywa?

LUKA 21:19

Ak eng’ muitaeng’wong’ onyoru sobonwekwok.

JOHANA 16:33

Kaamwawok tuguchu, si kobiit onyorunena kalyet. Otinye nyalilda eng’ ng’ony: ago onyiganitu; amu kaaterter ng’ony.

POISYONIGAP CHE KIYOKTOI 2:22

Okwek bikab Israel, ogas ng’alechu: Jesu ne bo Nasaret, chito ne kiibarta Jehovah eng’ okwek eng’ boisionikab kimnatet ak kwong’utik ak kaborunoik, che kiyai Jehovah eng’ inendet eng’ kwenung’wong’, ko u ye ongen okwek;

POISYONIGAP CHE KIYOKTOI 20:34

Ongen okwek ole kibois eunechu agobo tuguk che kianyalili, ak agobo ichek che kimi kobota.

POISYONIGAP CHE KIYOKTOI 9:16

amu aborjini inendet ole te chang’indab tuguk che kanyol konyorune nyalilda agobo kainennyu.

ROMANIK 14:18

Amu inendet ne otei Kristo eng’ tuguchuto koboiboi Jehovah, ak koyanjin bik.

ROMANIK 16:10

Ogat Apele ne chamat eng’ Kristo. Ogat ichek che bo gotab Aristobulo.

ROMANIK 3:5

Ago ngot kogonyiti atebennyo ne ma bo imanda, imandab Jehovah, ko ta kemwae nee anyun? Tos ma bo imanda Jehovah ne nyonei eng’ neregek? (Ang’alali ko u bik.)

ROMANIK 5:8

Ago iboruech achek Jehovah chamnyennyi, amu ye kita ko ki kiptengeginik, kome Kristo agobo achek.

1 KORINTOEK 3:5

Nee anyun Apolo? Ko nee Paulo? Kiboitinik che kigonok oyan; ak ko u ye kiigochi Kiptaiyat age tugul.

1 KORINTOEK 4:1

Ingoiitech anyun chi kole ki kiboitinikab Kristo, ak ribik che bo ung’otikab Jehovah.

1 KORINTOEK 9:11

Ngo kigigoljok tugukab tamirmiriet, ko tos kiy ne o ngeges tugukwok che bo borto?

2 KORINTOEK 11:23

Tos kiboitinikab Kristo ichek? (Ang’alali ko u chi ne amei iywek) a siirtoot; eng’ birtaosiekab ge che siirtoot, eng’ korgorosiek mising’, eng’ birutik che magirarei, eng’ meosiek konyil che chang’.

2 KORINTOEK 11:27

eng’ birtoetab ge ak nyalilda, eng’ ripsosiek konyil che chang’, eng’ rubet ak melelda, eng’ rugutosiek konyil che chang’, eng’ kaititindo ak ach ngorit.

2 KORINTOEK 11:9

ak ye kingami kobotok ak abanani, ko kima agochi chi age tugul nyigisin; amu kingoit tupchosiek kobunu Makedonia, kogona che te che kiabanani; ak kiaripge eng’ kiy age tugul ale si maegu nyigisin eng’ okwek, ak ta aribege.

2 KORINTOEK 12:10

Noto anyun, abaibai eng’ nyalulnatosiek, eng’ ng’woninwek, eng’ kagiigosiek, eng’ usisiosiek, eng’ tiritinwek, agobo Kristo: amu ye a nyalulat, ko yoto anyun ye a kim.

2 KORINTOEK 12:12

Iman kigiyae kwenung’wong’ kaborunoik che bo ne kiyoktoi eng’ muitaet tugul, eng’ kaborunoik ak kwong’utik ak boisionik che bo kamuktaet.

2 KORINTOEK 2:17

Amu achek ko ma ki u che chang’, che boisie ng’olyotab Jehovah eng’ ng’alset: ago ki che boisiei eng’ oret ne matinyei ng’alset, ago ki bo Jehovah, ak eng’ taitab Jehovah, keng’alali eng’ Kristo.

2 KORINTOEK 3:6

ne kiyaech keegu che yamei, kiboitinik che bo arorutiet ne leel; ma che bo ng’atutiet, ago bo Tamirmiriet; amu barisiei ng’atutiet, ago Tamirmiriet ne igoitoi sobondo.

2 KORINTOEK 4:17

Amu bichiindanyo ne nyamnyum, ne matebyei, koyaiywech torornatet ne o ne bo koigeny, ne tesoksei mising’ kosiir;

2 KORINTOEK 4:2

ago kigeesie tuguk che ung’otin che bo kalilanet, ama kibendoti eng’ ng’alset, anan keboisie ng’olyotab Jehovah eng’ kaberberisiet; ago eng’ kabartaetab imanit, kiborjinige kabwatetab chi age tugul eng’ taitab Jehovah.

2 KORINTOEK 4:8

kinyalilech eng’ komosta age tugul, ago magigiichech; kitobtobeni, ago mabetwech kamang’unet;

2 KORINTOEK 7:11

Amu ogeero, ng’olyondonito ne kigonok arogenet ne tokyingei Jehovah, ko kiyai kagiilet ne u nee eng’ okwek; ee, sorunetab ge, ee, nereknatet; ee, kaiyweisiet; ee, emosto; ee, kagiiletab ge; ee, yaaktaetab mugetut! Eng’ kiy age tugul ko kiobartege ole o tililen eng’ ng’olyondonito.

KOLOSAIK 1:11

kigimitok eng’ kamuktaet tugul, ko u kamugetab torornatennyi, agoi muitaet tugul ak talasiet eng’ boiboiyet,

KOLOSAIK 1:24

Abaibai anyun nguno eng’ nyalilwogikyuk agobo okwek, ak anyiiti eng’ komostanyu noto ne rarunot agobo nyalilwogikab Kristo eng’ bortanyu agobo bortanyi, noto kaniset;

1 THESSALONIKEK 3:7

amu ng’olyondonito anyun, tupchosiechu, kigigaigaech eng’ okwek eng’ bichiindanyo tugul ak nyalildanyo amu kayaneng’wong’:

1 THESSALONIKEK 5:14

Ak kitigonok, che kitupche, kele oteechi che maribei che kiging’at, ocher che nyogoren, otoret che nyalulyotin, omuite ak bik tugul.

1 TIMOTEO 2:15

ago kisoru eng’ sigisiet, ngo tebyei ichek eng’ kayanet ak chamnyet ak katabanet koboto ribetab ge.

1 TIMOTEO 4:6

Ngot ibwatyi che kitupche tuguchu, iegu anyun kiboitiot ne mie ne bo Kristo Jesu, ne baat komie eng’ ng’alek che bo kayanet, ak eng’ konetisiet ne mie ne kiisub inye:

1 TIMOTEO 6:11

Ago inye, ee, chitab Jehovah, mwee tuguchuto; ak isub imanda, ak kaiyweet ne kiywei Jehovah, kayanet, chamnyet, muitaet, mutyonet.

2 TIMOTEO 1:8

Amelilanji anyun baornatetab Kiptaiyandennyo, anan ane kimonjororiondennyi: ago nam yamdaetab nyalilwogik amu logoiywek che miach ko u ye te kamuktaetab Jehovah;

2 TIMOTEO 2:24

Ama nyoljin otwogindetab Kiptaiyat koyai boriet, ago koek ne tala eng’ tugul, ne chepcheb konetis, ago muitoi,

2 TIMOTEO 4:5

Ago ripge inye eng’ tuguk tugul, muite eng’ nyalilda, yai boisietab amdaetab logoiywek che miach, yai boisieng’ung’ kosulda.

HEBRANIK 12:1

Noto anyun, amu kiyiemenech boldet ne o ne bo baorinik eng’ komoswek tugul, ongeiste nyigisindo age tugul, ak tengekto ne isib konamech, ak ongeruai eng’ muitaet eng’ kabeletab ge ne kiginde tainnyo,

NG'ANG'UTYET 1:9

A Johana, tupcheng’wong’ ak ko a ne kiyamdoi tugul nyalilda ak bounatet ak muitaet eng’ Jesu, kiami emet ne kiikwen beek ne kiguure Patmo, agobo ng’olyotab Jehovah ak baornatetab Jesu.

NG'ANG'UTYET 3:10

Amu kiirib ng’olyotab muitaennyu, aribin agane eng’ saitab yomset, ne nyonjin ng’ony komugul, si kotiem ichek che menyei ng’ony.