2 KORINTOEK 6:10 - BUKUIT NE TILIL

¹⁰ ko u che arogendos, ago che boiboi kotugul; ko u che bonondos, ago imogornoni che chang’; ko u che matinyei kiy, ago tinyei tuguk tugul.

Bukuit Ne Tilil

¹⁰ ko uu che aragendos, ago che poiboi kotugul; ko uu che ponondos, ago imogornoni che chaang'; ko uu che ma tinyei kiy, ago tinyei tuguuk tugul.

BUKUIT NE TILIIL Sireet ne Dutero Kanon

¹⁰ ko uu che aragendos, ago che poiboi kotugul; ko uu che ponondos, ago imogornoni che chaang'; ko uu che ma tinyei kiy, ago tinyei tuguuk tugul.

2 KORINTOEK 6:10 ပူးပေါင်းရင်းမြစ်များ

TIENWOGIKAL 84:11

Amu Jehovah Kamuktaindet ko u asista ak long’et: Konu Jehovah mieindo ak teegisto: Maete ichek che bendoti eng’ imanda kiy age tugul ne mie.

KALEWANAIK 13:7

Mi ne yaegei koek magorio, ago matinyei kiy: Mi ne yaegei koek kibanania, ago tinyei magornatet ne o.

KALEWANAIK 16:16

Kararan anyun ne tia kenyor ng’omnatet kosiir tahabu! Ee, kaigai kelewen naet kosiir feda.

MATAYO 5:12

Oboiboitu, ak ogasge mising’: amu o melektang’wong’ eng’ kipsengwet: amu kigiusaus ko u noto maotik che kiindounenok.

MATAYO 5:4

Boiboen che arogendos: amu tun kigoigoi.

LUKA 6:21

O boiboen okwek che amok rubet nguno: amu tun obiyong’dosi. O boiboen okwek che orirtosi nguno: amu tun ororitosi.

JOHANA 16:22

Noto anyun otinye arogenet nguno: ago ta ageerok kogeny, ak boiboi mugulelwekwok, ama rebenok chi boiboiyeng’wong’.

POISYONIGAP CHE KIYOKTOI 16:25

Ago kisaei Paulo ak Sila ak kotienjin Jehovah tienwogik olo bo kemoi kwen, ak kiepchin it ichek kimonjororinik;

POISYONIGAP CHE KIYOKTOI 3:6

Ago kile Petero, Matinye feda ak tahabu; ago agonin ne atinye. Ng’eet eng’ kainetab Jesu Kristo ne bo Nasaret, ak iwendote.

POISYONIGAP CHE KIYOKTOI 5:41

Koba anyun eng’ taitab kapkiruok koboiboi amu kagiit kele nyoljin konyor katewerisiet agobo Kainanato.

ROMANIK 11:12

Ngot koegu kabutenywa magornatosiekab ng’ony, ak koek lusenywa magornatosiekab Bororiosiek; kosiirei ne tia anyun nyiienywa?

ROMANIK 12:15

Oboiboitu koboto che boiboi; oririe koboto che rirtos.

ROMANIK 15:13

Noto anyun, ingonyiitak Jehovah ne bo kamang’unet boiboiyet tugul ak kalyet eng’ kayanet, si kobiit otesage eng’ kamang’unet, eng’ kamuktaetab Tamirmiriet ne Tilil.

ROMANIK 8:32

Inendet ne kima rire Werinnyi, ago kigon inendet agobo achek tugul, tos magonech tuguk tugul eng’ aiyebindo koboto inendet?

ROMANIK 9:2

ale atinye arogenet ne o ak ng’wanindo ne maigesugei eng’ muguleldanyu.

1 KORINTOEK 1:5

amu kigeyaak oegu magorek mising’ eng’ inendet eng’ kiy age tugul, eng’ ng’alek tugul, ak naet tugul;

2 KORINTOEK 2:4

Amu kiasirwak eng’ bichiindo ne o ak ng’wanindab muguleldo koboto beekab kong’ che chang’; ma si oarogense, ago si kobiit onai chamnyet ne ating’enok mising’ kosiir.

2 KORINTOEK 4:15

Amu tuguk tugul ko agobo okwek, si ye tesak mieindo eng’ che chang’, koyai kagoitoetab kongoi kotesak eng’ katororetab Jehovah.

2 KORINTOEK 4:7

Ago kitinye konoruani eng’ terenik che bo ng’ung’unyek, si kobiit kobunji Jehovah oindo ne siirtoot mising’ ne bo kamuktaet, ago ma achek;

2 KORINTOEK 8:9

Amu ongen mieindab Kiptaiyandennyo Jesu Kristo ole, agot nganda ki magorio, ko kiek kibanania agobo okwek, si kobiit oegu magorek eng’ banandanyi.

EPESOEK 3:16

si kobiit kogonok, ko u magornatosiekab torornatennyi, ogimegitu eng’ kamuktaet eng’ Tamirmiriennyi eng’ chito ne bo orit;

EPESOEK 3:8

Kigigona mieini, ane, ne a ming’in kosiir inendet ne ming’in eng’ che tililen tugul: aamji Bororiosiek magornatosiekab Kristo che maisiagaksei;

PILIPIK 2:17

Ee, agot ngerong’ja baragutab kaptisisiet ak otisietab kayaneng’wong’, ko abaibai, ak agasige kobotok okwek tugul:

PILIPIK 4:4

Oboiboitu eng’ Kiptaiyet kotugul: ak amwae kogeny ale, Oboiboitu.

KOLOSAIK 1:24

Abaibai anyun nguno eng’ nyalilwogikyuk agobo okwek, ak anyiiti eng’ komostanyu noto ne rarunot agobo nyalilwogikab Kristo eng’ bortanyu agobo bortanyi, noto kaniset;

KOLOSAIK 3:16

Ingomenyok ng’olyotab Kristo eng’ magornatet, eng’ ng’omnatet tugul onetige ak oteechinige eng’ tienwogikab kalosunet ak tienwogik ak tienwogikab tamirmiriet, otienjini Jehovah eng’ mieindo eng’ mugulelwekwok.

1 THESSALONIKEK 1:6

Ak kioegu kasubikyok, ak che bo Kiptaiyat, ko kaotaach ng’olyot eng’ usisiet ne o, koboto boiboiyet ne bo Tamirmiriet ne Tilil;

1 THESSALONIKEK 5:16

Oboiboitu betusiek tugul;

1 TIMOTEO 4:8

amu borot ne matia kagiiletab ge ne bo borto; ago borotet eng’ tuguk tugul kaiyweet ne kiywei Jehovah, amu tinyei arorutiet ne bo sobondo ne mi nguno, ak ne nyonei.

1 TIMOTEO 6:18

ile koyai ne mie, si kobiit koek magorek eng’ boisionik che miach, si kochobogis kogoito, koyomogei ak alak;

HEBRANIK 10:34

Amu kiorire ichek che ki ratotin, ak ocham eng’ boiboiyet kerebenak tugukwok, amu kiongen ole otinye magornatet ne mie kosiir choto ago ne tebyei koigeny.

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?

1 PETERO 4:13

ago oboiboitu, ko u ye o yamdoikab nyalilwogikab Kristo; si tun oboiboitu eng’ boiboiyet ne o eng’ ng’ang’etab lilindanyi agine.

NG'ANG'UTYET 2:9

Angen nyalildang’ung’, ak banandang’ung’ (ago i magoriot), ak chubisietab ichek che mwaei kole ki Yahudik, ago ma ichek, ago sunagogitab Setani.

NG'ANG'UTYET 21:7

Inendet ne iterteri konamei tuguchu; ak aegu Jehovah nenyi, ak koek inendet werinnyu.