2 KORINTOEK 5:18 - BUKUIT NE TILIL

¹⁸ Ago bo tuguk tugul Jehovah ne kiituiyenech ge eng’ Kristo, ak kigonech achek boisiet ne bo katuiyet;

Bukuit Ne Tilil

¹⁸ Ago po tuguuk tugul Kamuktaindet ne kiituiyenechkei eng' Kristo, ak ki koonech acheek poisyet ne po katuiyet;

BUKUIT NE TILIIL Sireet ne Dutero Kanon

¹⁸ Ago po tuguuk tugul Kamuktaindet ne kiituiyenechkei eng' Kristo, ak ki koonech acheek poisyet ne po katuiyet;

2 KORINTOEK 5:18 ပူးပေါင်းရင်းမြစ်များ

ISAIAH 52:7

Kororon ne tia eng’ tulonok, kelyekab inendet ne ibu logoiywek che miach, ne mwaitoi kalyet, ne ibu logoiywek che miach che bo mieindo, ne mwaitoi yetunet; ne mwachin Sion kolenjin, Laitorani Kamuktaindeng’ung’!

ISAIAH 57:19

Ayae logoekab kutuswek: Kalyet, kalyet, eng’ inendet ne mi ole loo ak inendet ne mi ole negit, mwaei Jehovah; ak asoob inendet.

EZEKIEL 45:15

koboto aruet agenge ne bo akwetab kechirek, ne kileweni eng’ bogol aeng’, ne bunu emet ne bitat ne bo Israel; egu chuto kagochinetab busiek ak kagochinet ne kibeelei, ak kagochinoikab kalyet, si kobiit koyai kagaigaet agobo ichek, mwaei Kiptaiyat Jehovah.

DANIEL 9:24

Kaging’atyi biguk wigisiek tamanwogik tisab koboto nganaseng’ung’ ne tilil, si kiges bistoet, ak kiges tengekwogik, ak keyai katuiyet agobo tengekto, ak keib imanda ne bo koigeny, ak keng’och ng’ang’utiet ak maoinatet, ak kiil, kitaban ole tilil mising’.

ATEPTAP LAWIK 6:30

Magiamei kagochinet age tugul ne bo tengekto, ne kagiib korotikyik alak tugul kobwa emait ne kituiyechin, si kobiit keyai kagaigaet eng’ ole tilil: kibeelei eng’ ma.

LUKA 10:5

Ak got age tugul ne omong’jini, omwa ole, Ingoteb kalyet eng’ goi.

LUKA 24:47

ak keamdaat eng’ bororiosiek tugul sigunet ak nyoetab kaat ne bo tengekwogik eng’ kainennyi, kitaune Jerusalem.

JOHANA 3:16

Amu kicham Jehovah ng’ony mising, kot kogoito Werinnyi ne kigii inegei, si malus age tugul ne iyani inendet, ago si konyor sobondab koigeny.

JOHANA 3:27

Kowol Johana kole, Magoi imuch chi kotaach kiy, ngo ma kigochi eng’ kipsengwet.

POISYONIGAP CHE KIYOKTOI 10:36

Ng’olyot ne kiiyokyi inendet lagokab Israel, ko koamda ng’alek che miach che bo kalyet eng’ Jesu Kristo (inendet ko Kiptiyat ne bo tugul)-

ROMANIK 11:36

Amu bou inendet, ak kobunu inendet, ak koweekyingei inendet, tuguk tugul. Bunjin inendet torornatget koigeny. Amen.

ROMANIK 5:1

Kitinye kalyet ak Jehovah eng’ Kiptaiyandennyo Jesu Kristo amu kigiityech imanda eng’ kayanet;

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

1 KORINTOEK 11:12

Amu ko u ye kibunu kobogoriot muren, ko u noto agine mureno kisichei kobogoriot; ago bunu tuguk tugul Jehovah.

1 KORINTOEK 12:6

Ak mitei boisionik che besiotin, ago agenge Jehovah, ne yaei tuguk tugul eng’ tugul.

1 KORINTOEK 3:5

Nee anyun Apolo? Ko nee Paulo? Kiboitinik che kigonok oyan; ak ko u ye kiigochi Kiptaiyat age tugul.

1 KORINTOEK 8:6

ago eng’ achek komitei Jehovah agenge, inendet Kwanda, ne bunu tuguk tugul ak achek eng’ inendet; ak Kiptaiyat agenge, Jesu Kristo, ne mi tuguk tugul amu inendet, ak achek eng’ inendet.

KOLOSAIK 1:22

eng’ bortanyi ne bo banyek, eng’ meet, si kobiit komutak ko o tililen ko motinye tisia, amotinyei kiy ne kiruogunenok eng’ tainnyi:

HEBRANIK 2:17

Eng’ noto anyun kinyolji keyai inendet eng’ tuguk tugul kogergeit ak tupchosiekyik, si kobiit koek tisiindet ne o ne bo rirenetab ge ak ko bo iman eng’ tuguk che tokyingei Jehovah, si kobiit koyai tisisiet agobo tengekwogikab bik.

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

1 JOHANA 2:2

ak inendet tiseiywot ne bo tengekwogikyok; ago ma bo tengekwogikyok kityo, ago bo ng’ony komugul agine.

1 JOHANA 4:10

Nito chamnyet, ma kele kigicham Jehovah, ago kichamech inendet, ak koyok Werinnyi koek tiseiywot agobo tengekwogikyok.