2 KORINTOEK 4:6 - BUKUIT NE TILIL

⁶ Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

Bukuit Ne Tilil

⁶ Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

BUKUIT NE TILIIL Sireet ne Dutero Kanon

⁶ Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

2 KORINTOEK 4:6 ပူးပေါင်းရင်းမြစ်များ

TAUNET 1:3

Ak kimwa Kamuktaindet kole, Ingolapkeit; kolapkeit.

TIENWOGIKAL 63:2

U noto koageerin eng’ ole tilil, Si ageer kimnateng’ung’ ak torornateng’ung’.

TIENWOGIKAL 74:16

Neng’ung’ betut, ak neng’ung’ kemout agine: Kiichob tuguk che iluu, ak asista.

TIENWOGIKAL 90:16

Ingotook boisioniguk eng’ kiboitiniguk, Ak telunateng’ung’ eng’ lagokwak.

ISAIAH 35:2

Yiei mising’, ak kobaibait eng’ boiboiyet ak eng’ tiendo; kigochin torornatetab Lebanon, telunatetab Karmel ak Saron: keerei ichek torornatetab Jehovah, telunatetab Kamuktaindennyo.

ISAIAH 40:5

Ak keng’any torornatetab Jehovah, ak tun keerei bik tugul: amu kamwa Jehovah nito.

ISAIAH 45:7

Ayae lapkeiyet, ak ayae mesundeito; ayae kalyet, ak ayae yaitiet; a Jehovah, ne yaei tuguchuto tugul.

ISAIAH 60:2

Amu, keero, tuchei mesundeito ng’ony, ak kotuch mesundeito ne o bororiosiek: ago chorjinin Jehovah, ak kotook torornatennyi eng’ inye.

LUKA 10:22

Kigogona tuguk tugul Baba: ak mami chi ne ingen Werit kole ng’o, kobate Kwanda; ama nai chi Kwanda kole ng’o, kobate Werit, ak chi age tugul ne chamei Werit, kong’ang’jin.

JOHANA 1:14

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

JOHANA 11:40

Kolenji Jesu inendet, Kama amwaun, ale, ngiyani, igeere torornatetab Jehovah?

JOHANA 12:41

Kimwa tuguchu Isaia, amu kigeer torornatennyi; ak king’alal agobo inendet.

POISYONIGAP CHE KIYOKTOI 26:18

si kobiit ing’any konyekwak, ak koweek eng’ mesundeito kobwanji lapkeiyet, ak eng’ kimnatetab Setani kobwanji Jehovah, si konyor ichek nyoetab kaat ne bo tengekwogik ak borotet eng’ ichek che kigitilil amu kayanet ne mi eng’ ane.

1 KORINTOEK 12:8

Amu kigochin chito age ng’olyotab ng’omnatet eng’ Tamirmiriet; ak kigochin age ng’olyotab naet, eng’ Tamirmirionoto:

2 KORINTOEK 2:10

Ago inendet ne onyochini kaat kiy age tugul, anyochini kaat agane: amu noto ne kianyochi kaat agane, ngo kianyochi kaat eng’ kiy age tugul, ko kianyochi kaat agobo okwek eng’ taitab Kristo;

2 KORINTOEK 3:18

Ago achek tugul kobortoi torornatetab Kiptaiyat ko u kioit eng’ togochikyok che ma tugotin, kewalech eng’ itonoto kobunu torornatet agoi torornatet, ko u ye bunu Kiptaiyat ne Tamirmiriet.

2 KORINTOEK 4:4

eng’ ichek che katuch cheptalelitab ng’onyuni kabwatutikab che maiyani, si mailuuchi ichek lapkeiyetab logoiywek che miach che bo torornatetab Kristo, ne inendet ko itondab Jehovah.

EPESOEK 1:17

ale ingogonok Jehovah ne bo Kiptaiyandennyo Jesu Kristo, Kwanda ne bo torornatet, tamirmiriet ne bo ng’omnatet ak ng’ang’utiet eng’ naetab inendet;

EPESOEK 1:18

ko kagokweng’ogis konyekab mugulelwekwok, si kobiit onai kit ne u kamang’unetab kuursennyi, ak magornatosiekab torornatet ne bo borotennyi eng’ che tililen,

EPESOEK 5:8

amu kio mesundeito eng’ betusiek alak, ago o lapkeiyet nguno eng’ Kiptaiyat: obendate ko u lagokab lapkeiyet

PILIPIK 2:6

ne, nganda kitinye itondab Jehovah, ko ma iit kole kit ne bo kamanut ne o kole kogergeit ak Jehovah,

KOLOSAIK 1:15

Inendet itondab Jehovah ne ma toogu, inendet ne kisib kesich eng’ kit age tugul ne kigitoi keyai;

1 THESSALONIKEK 2:12

si kobiit obendate ko u ye nyolu eng’ Jehovah, ne kuurjinok bounatennyi ak torornatet.

HEBRANIK 1:3

inendet ko kakweng’etab lilindanyi, ak itondo ne bo indennyi, ak kotononi tuguk tugul eng’ ng’olyotab kamuktaennyi, kingo kagoyai kaundoetab tengekwogik, kwo kotebe eutab tai ne bo Etunatet eng’ barak;

HEBRANIK 6:4

Amu eng’ ichek che kisib kigochi lapkeiyet ak kochamjam konunet ne bo kipsengwet, ak koek yamdoikab Tamirmiriet ne Tilil,

1 PETERO 1:12

Che kiging’ang’ji, ma agobo icheget, ago kiyaiywok okwek tuguchuto, che kagemwawok nguno eng’ ichek che kiamwok logoiywek che miach eng’ Tamirmiriet ne Tilil ne kigiyok eng’ kipsengwet; tuguk che machei malaikaisiek mising’ kogeer.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

2 PETERO 1:19

Ak kitinye ng’olyotab maoinatet ne bo iman inne; ne oyae ne mie ye orib, ko u tait ne ikweng’sei eng’ ole imen, kot koeech, ak kochorji mugulelwekwok taboiyatab karon: