2 KORINTOEK 4:4 - BUKUIT NE TILIL

⁴ eng’ ichek che katuch cheptalelitab ng’onyuni kabwatutikab che maiyani, si mailuuchi ichek lapkeiyetab logoiywek che miach che bo torornatetab Kristo, ne inendet ko itondab Jehovah.

Bukuit Ne Tilil

⁴ eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

BUKUIT NE TILIIL Sireet ne Dutero Kanon

⁴ eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

2 KORINTOEK 4:4 ပူးပေါင်းရင်းမြစ်များ

1 LAITORINIK 22:22

Ak kimwachi Jehovah inendet kolenji, Iberbertoi ano? Ak kile, Awendi ak aegu tamirmiriet ne kenisiei eng’ kutuswekab maotikyik tugul. Ak kimwa inendet kole, Iberberi inendet, ak iterter: ui anyun, ak iyai ko u noto.

TIENWOGIKAL 50:2

Kamong’ Kamuktaindet koluu, Eng’ Sion, kororonindo ne igesunotgei.

ISAIAH 6:10

Yai mugulelwekab bichu konyigisitu, ak kotimogis itikwak, ak kogerogis konyekwak, si mageertoe konyekwak, ama kastoe itikwak, anan koguiyo eng’ mugulelwekwak, ak kowalogis, ak kisoob.

MATAYO 13:22

Ak inendet ne kigilechi ole mi katok, ko inendet ne kasei ng’olyot; ak kogiich ng’olyot kererwekab met che bo ng’ony, ak kaberberisiet ne bo magornatet, si mai.

JOHANA 1:14

Ak kiek Ng’olyot borto, ak komeny kwenunnyo (ak kigigeer torornatennyi, torornatet ne u ne bo ne kigii inegei kobunu Kwanda), ko nyiitat mieindo ak imanit.

JOHANA 1:18

Mami chi ne kigeer Jehovah ole kigoi; kigong’ang’wech inendet Werit ne kigii inegei, ne mi tegetab Kwanda.

JOHANA 12:31

Kabiit nguno kiruogetab ng’onyuni: ak kagitoorta anyun nguno ne o ne bo ng’ony komanda.

JOHANA 12:35

Kolenji Jesu anyun, Ta komi lapkeiyet eng’ kwenung’wong’ eng’ betusiek che matia. Obendoti ye ta otinye lapkeiyet, si ma namak mesundeito: ak inendet ne wendoti eng’ mesundeito ko manaei ole wendi.

JOHANA 12:40

Kigotuch inendet konyekwak, ak kigogochi inendet mugulelwekwak kouuegitu; Si ma keere konyekwak, anan konai eng’ mugulelwekwak, Ak koweek, Ak asoob ichek.

JOHANA 12:45

Ak inendet ne keera kogeerei inendet ne kiiyokwa.

JOHANA 14:30

Mang’alalwok mising’, amu nyonei ne o ne bo ng’ony: ama tinyei kiy eng’ ane;

JOHANA 15:24

Nda kima ayai eng’ kwenunywa boisionik che kima yai chito age, ta kima kotinyei tengek: ago nguno ko kagogeerech ak kagowechech ane ak Baba.

JOHANA 16:11

agobo kiruoget, amu kigiruokyi ne o ne bo ng’onyuni.

JOHANA 8:12

Kimwachi Jesu anyun ichek kogeny, kolenji, A lapkeiyet ne bo ng’ony: inendet ne isuba ko mawendoti eng’ mesundeito, ago nyoru lapkeiyetab sobondo.

POISYONIGAP CHE KIYOKTOI 26:18

si kobiit ing’any konyekwak, ak koweek eng’ mesundeito kobwanji lapkeiyet, ak eng’ kimnatetab Setani kobwanji Jehovah, si konyor ichek nyoetab kaat ne bo tengekwogik ak borotet eng’ ichek che kigitilil amu kayanet ne mi eng’ ane.

POISYONIGAP CHE KIYOKTOI 26:23

kole kanyol konyalil Kristo, ak kole komwaita korok eng’ ng’eetyetab che kibek, lapkeiyet, komwachi bik ak Bororiosiek.

1 KORINTOEK 10:20

Ago tuguk che igoitoi Bororiosiek koeng’jin oik, ago ma Jehovah: amamache koyai yamdaet ak oik.

2 KORINTOEK 2:11

si manyor Setani kit ne iterterenech: amu ma ki berberen, ago kingen chobutikyik.

2 KORINTOEK 2:12

Ak ye kinganyo Troa amu logoiywek che miach che bo Kristo, ak ye kingeyatwa kurget eng’ Kiptaiyat,

2 KORINTOEK 3:11

Amu ngo kimi noto siirtoi koboto torornatet, komitei anyun eng’ torornatet ne tia, noto ne ng’etunot.

2 KORINTOEK 3:14

ago kiuuegitu kabwatutikwak: amu agoi betuni, eng’ somanetab arorutiet ne bo keny, ko ta komi anganato bo toget, tom keisto; noto ne kigeisto eng’ Kristo.

2 KORINTOEK 3:18

Ago achek tugul kobortoi torornatetab Kiptaiyat ko u kioit eng’ togochikyok che ma tugotin, kewalech eng’ itonoto kobunu torornatet agoi torornatet, ko u ye bunu Kiptaiyat ne Tamirmiriet.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

GALATYEK 1:4

ne kiigoitogei agobo tengekwogikyok, si kobiit kosoruech eng’ betusiechu yaachen, ko u magetab Jehovah nenyo ak ko Kwandanyo:

EPESOEK 2:2

che kiobendote ye kinye ko u biteetab ng’onyuni, osubi ne o ne bo kimnatet ne bo soet, ne bo tamirmiriet ne boisiei nguno eng’ werikab ngelelnatet;

EPESOEK 6:12

Amu ma bo kabelennyo bo ge borto ak korotik, ago bo laitornatosiek, ak kimnatosiek, eng’ bounikab ng’onyuni che bo mesundeito, eng’ lugosiekab tamirmirik che bo yaitiet eng’ komoswekab kipsengwet.

PILIPIK 2:6

ne, nganda kitinye itondab Jehovah, ko ma iit kole kit ne bo kamanut ne o kole kogergeit ak Jehovah,

KOLOSAIK 1:15

Inendet itondab Jehovah ne ma toogu, inendet ne kisib kesich eng’ kit age tugul ne kigitoi keyai;

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

1 TIMOTEO 1:11

ko u ye mwaei logoiywek che miach che bo torornatetab Jehovah ne iberurot, che kigigona atononji.

TITO 2:13

kigeni kamang’unet ne iberurot, noto ko toogunetab torornatetab Jehovah nenyo ne o ne Yetindennyo Jesu Kristo;

HEBRANIK 1:3

inendet ko kakweng’etab lilindanyi, ak itondo ne bo indennyi, ak kotononi tuguk tugul eng’ ng’olyotab kamuktaennyi, kingo kagoyai kaundoetab tengekwogik, kwo kotebe eutab tai ne bo Etunatet eng’ barak;

HEBRANIK 6:4

Amu eng’ ichek che kisib kigochi lapkeiyet ak kochamjam konunet ne bo kipsengwet, ak koek yamdoikab Tamirmiriet ne Tilil,

2 PETERO 1:19

Ak kitinye ng’olyotab maoinatet ne bo iman inne; ne oyae ne mie ye orib, ko u tait ne ikweng’sei eng’ ole imen, kot koeech, ak kochorji mugulelwekwok taboiyatab karon:

1 JOHANA 2:11

Ago inendet ne wechei ne tupcho komi eng’ mesundeito, ak kowendoti eng’ mesundeito, ama naei ole wendi, amu kagotuuch mesundeito konyekyik.

1 JOHANA 2:8

Ak kogeny, asirwok ng’atutiet ne leel, ng’olyot ne iman eng’ inendet ak eng’ okwek, amu siirtoi mesundeito, ak kagoluu lapkeiyet ne bo iman.

1 JOHANA 5:19

Kingen kele ki bo Jehovah achek, ak mitei ng’ony komugul eng’ bounatetab inendet ne ya.