2 KORINTOEK 3:14 - BUKUIT NE TILIL

¹⁴ ago kiuuegitu kabwatutikwak: amu agoi betuni, eng’ somanetab arorutiet ne bo keny, ko ta komi anganato bo toget, tom keisto; noto ne kigeisto eng’ Kristo.

Bukuit Ne Tilil

¹⁴ ago kiuegitu kabwaatutikwak: amu agoi peetuuni, eng' somaneetap kayomiset ne po keny, kota komi anganooto po togeet, tomo keisto; nooto ne kigeisto eng' Kristo.

BUKUIT NE TILIIL Sireet ne Dutero Kanon

¹⁴ ago kiuegitu kabwaatutikwak: amu agoi peetuuni, eng' somaneetap kayomiset ne po keny, kota komi anganooto po togeet, tomo keisto; nooto ne kigeisto eng' Kristo.

2 KORINTOEK 3:14 ပူးပေါင်းရင်းမြစ်များ

TIENWOGIKAL 69:23

Ingoimenitu konyekwak, si mageer kiy; Ak igochi kobotanso suenutikwak kotugul.

ISAIAH 25:7

Ak tun ng’emei eng’ tulwoni kit ne kituge bik tugul, ak anget ne kigituge bororiosiek tugul.

ISAIAH 44:18

Maingen ichek, amaibwati: amu kigoger konyekwak, si mageerto; ak koger mugulelwekwak, si maiguiyo.

ISAIAH 56:10

Koriotin ribikyik, matinyei tugul naet; icheget tugul ko sesenik che namotin kut, maimuchi ichek kokwer; irotitoi, ruitos, chamei konuukso.

ISAIAH 59:10

Kisapsabisioti kecheng’e inatut ko u kipkoratinik, ee, kisapsabisioti ko u che matinyei konyek: kibutyoti bet kwen ko u ye karatarat; ki u che kigobek ye kimi kwenutab che neriotin.

ISAIAH 6:10

Yai mugulelwekab bichu konyigisitu, ak kotimogis itikwak, ak kogerogis konyekwak, si mageertoe konyekwak, ama kastoe itikwak, anan koguiyo eng’ mugulelwekwak, ak kowalogis, ak kisoob.

JEREMIA 5:21

Ogas ni anyun, ee okwek bik che berber, che motinye kaguiyet; che otinye konyek, amogeertoe; che otinye itik, amogastoe:

EZEKIEL 12:2

Ee weritab chi, imenye kwenutab got ne ngeleliot, che tinyei konyek che keertoe, ama keerei kiy; che tinyei itik che kastoe, ama kasei kiy; amu ichek ko got ne ngeleliot.

MATAYO 13:11

Ak kiwolji ichek kolenji, Kagegonok onai ung’otik che bo bounatetab kipsengwet, ago ma kigochi ichek.

MATAYO 16:17

Ak kiwol Jesu kolenji, Iberurot inye, Simon Barjona: amu kama ng’ang’un borto anan korotik, ago Baba ne mi kipsengwet.

MATAYO 6:23

Ago ngo ya kondang’ung’, ko nyiitat bortang’ung’ komugul mesundeito. Noto anyun, ngot koek mesundeito lapkeiyet ne mi oring’ung’, ko o mesundeoto ne tia anyun!

JOHANA 12:40

Kigotuch inendet konyekwak, ak kigogochi inendet mugulelwekwak kouuegitu; Si ma keere konyekwak, anan konai eng’ mugulelwekwak, Ak koweek, Ak asoob ichek.

JOHANA 12:46

Kianyo aegu lapkeiyet eng’ ng’ony, si ma kotebyei eng’ mesundeito chi age tugul ne iyana.

JOHANA 8:12

Kimwachi Jesu anyun ichek kogeny, kolenji, A lapkeiyet ne bo ng’ony: inendet ne isuba ko mawendoti eng’ mesundeito, ago nyoru lapkeiyetab sobondo.

POISYONIGAP CHE KIYOKTOI 13:15

Ak kingobata somanetab Ng’atutiet ak sirutikab maotik koyokto bounikab sunagogit bik koba ole mi ichek, kolenji, Che kitupche, ngotinye ng’olyo age tugul ne imuchi kotoret bichu, omwa.

POISYONIGAP CHE KIYOKTOI 15:21

Amu kitinyei Musa koboch ibinwek che bo keny eng’ nganasok tugul, icheget che amdoi agobo inendet, che kisomani eng’ sunagogisiek eng’ sabato age tugul.

POISYONIGAP CHE KIYOKTOI 16:14

Ak kigasech kobogoriot age, ne kigiguure Ludia, aldaindetab ngoroik che arusen ne birir, ne bo nganaset ne kiguure Tuatera, ne kiilosu Jehovah: ne kiyat Kiptaiyat muguleldanyi, si koepchi it tuguk che kimwaei Paulo.

POISYONIGAP CHE KIYOKTOI 26:18

si kobiit ing’any konyekwak, ak koweek eng’ mesundeito kobwanji lapkeiyet, ak eng’ kimnatetab Setani kobwanji Jehovah, si konyor ichek nyoetab kaat ne bo tengekwogik ak borotet eng’ ichek che kigitilil amu kayanet ne mi eng’ ane.

ROMANIK 11:25

Amu mamache oegu che mongen ung’otioni, che kitupche, si moiityige ole o ng’omen eng’ loseng’wong’ bo ge, ale kanyonji Israel uuindo eng’ kebeber, agoi konyo nyiiet ne bo Bororiosiek;

2 KORINTOEK 3:15

Ago agoi betuni, ko eng’ betut age tugul ye kisomani Musa, ko ta komitei anganato mugulelwekwak.

2 KORINTOEK 3:6

ne kiyaech keegu che yamei, kiboitinik che bo arorutiet ne leel; ma che bo ng’atutiet, ago bo Tamirmiriet; amu barisiei ng’atutiet, ago Tamirmiriet ne igoitoi sobondo.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

EPESOEK 4:18

che imenen eng’ nautikwak, che kigiyai koek kipsagarek eng’ sobondab Jehovah, amu berberindo ne mi eng’ ichek, amu uuindab mugulelwekwak;