2 KORINTOEK 2:17 - BUKUIT NE TILIL

¹⁷ Amu achek ko ma ki u che chang’, che boisie ng’olyotab Jehovah eng’ ng’alset: ago ki che boisiei eng’ oret ne matinyei ng’alset, ago ki bo Jehovah, ak eng’ taitab Jehovah, keng’alali eng’ Kristo.

Bukuit Ne Tilil

¹⁷ Amu acheek koma ki uu che chaang', che poisyee ng'olyootap Kamuktaindet eng' ng'aalseet: ago ki che poisyei eng' ooreet ne ma tinyei ng'aalseet, ago ki po Kamuktaindet, ak eng' taitap Kamuktaindet, keng'alaali eng' Kristo.

BUKUIT NE TILIIL Sireet ne Dutero Kanon

¹⁷ Amu acheek koma ki uu che chaang', che poisyee ng'olyootap Kamuktaindet eng' ng'aalseet: ago ki che poisyei eng' ooreet ne ma tinyei ng'aalseet, ago ki po Kamuktaindet, ak eng' taitap Kamuktaindet, keng'alaali eng' Kristo.

2 KORINTOEK 2:17 ပူးပေါင်းရင်းမြစ်များ

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

MATAYO 24:24

Amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik che eechen; si kobeet, agot che lewenotin, nda imugaksei.

POISYONIGAP CHE KIYOKTOI 20:20

ko u ye kima ariny amwawok kiy age tugul ne imuchi kotoretok, ak anetak eng’ taitab bik, ak ang’eete got age agoi got age,

POISYONIGAP CHE KIYOKTOI 20:27

Amu ma ariny amwawok magutik tugul che bo Jehovah.

1 KORINTOEK 5:8

noto anyun ongerib igorta, ma eng’ mermerek che bo keny, anan eng’ mermerekab yaitiet ak tengekto, ago eng’ makatiat ne ma kinde mermerek che matinyei kenisiet ak bo iman.

2 KORINTOEK 1:12

Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

2 KORINTOEK 1:18

Ago ko u ye bo iman Jehovah, ng’olyondennyo eng’ okwek ko ma ee ak achicha.

2 KORINTOEK 11:11

Amu nee anyun? Amu machamok? Ingen Jehovah.

2 KORINTOEK 12:19

Obwati agoi nguno olen kisoruge eng’ taing’wong’. Eng’ taitab Jehovah keng’alali eng’ Kristo. Ago tuguk tugul, ko si keteechak, chamanichu.

2 KORINTOEK 4:2

ago kigeesie tuguk che ung’otin che bo kalilanet, ama kibendoti eng’ ng’alset, anan keboisie ng’olyotab Jehovah eng’ kaberberisiet; ago eng’ kabartaetab imanit, kiborjinige kabwatetab chi age tugul eng’ taitab Jehovah.

2 KORINTOEK 6:7

eng’ ng’olyotab imanit, eng’ kamuktaetab Jehovah; eng’ karikab imanda eng’ eutab tai ak eng’ eutab katam,

GALATYEK 1:6

Akwong’e amu oistoige ochoktoi eng’ inendet ne kiguurok eng’ mieindab Kristo, obe oldab logoiywek che miach che ter;

1 THESSALONIKEK 2:4

ago ko u ye kigoyanwech Jehovah keegu che tononjin logoiywek che miach, keng’alali ko u noto; ma ko u che iboiboiti bik, ago Jehovah ne tiemei mugulelwekyok.

TITO 1:11

che kanyol keger kutuswekwak; che itarng’anyi go komugul, koneti tuguk che kama konyolu amu magornatetab tewernatet.

HEBRANIK 11:27

Kibagakta Misri eng’ kayanet, amaiywei neregekab laitoriat: amu kimuita, ko u ye keerei inendet ne ma toogu.

1 PETERO 4:11

ngo ng’alali chi, kong’alal ko u arorutikab Jehovah; ngo boisiei chi, kobois eng’ kimnatet ne igochin Jehovah: si kobiit kitoror Jehovah eng’ tuguk tugul eng’ Jesu Kristo, ne nenyi torornatet ak kimnatet koigeny ak koigeny. Amen.

1 JOHANA 4:1

Chamanichu, amoyan tamirmiriet age tugul, ago otiem tamirmirik, ngo bo Jehovah: amu kigomong’ji ng’ony maotik che chang’ che bo lembech.

JUDA 1:4

Amu mi bik alak che kichut orit eng’ ung’ot, ichek che kigichopchi kiruogoni koboch keny, bik che maiywei Jehovah, che walei mieindab Jehovah nenyo koek maget ne ya, ak koesioi Laitoriandennyo, ne inegei, ak ko Kiptaiyandennyo Jesu Kristo.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 19:20

Ak kiginam tiondo, koboto maotiondonoto ki bo lembech ne kiyaei kaborunoik eng’ tainnyi, ne kiiberberi che kiga kinde berutietab tiondo, ak ichek che kiilosu kanamwennyi: kigiwirji choto tuwai kosoptos araraita ne bo mat ne lalei eng’ koik che laldos:

NG'ANG'UTYET 2:20

Ago ating’enen ng’olyot, ale ichamjini kobogoriot Jesebel, ne kuuregei maotio; ak koneti otwogikyuk ak kogoigoi kosokso, ak koam tuguk che kigochin kanamonik.