2 KORINTOEK 13:5 - BUKUIT NE TILIL

⁵ Osiaige okwege, ngomi eng’ kayanet; otiemge okwege. Anan mongen okwege ole mitei Jesu Kristo eng’ okwek? Iyois ko o esiootin iman.

Bukuit Ne Tilil

⁵ Osiaige okweegei, ngo mi eng' kayaneet; otyemge okweegei. Anan mongen okweegei ole miitei Jeso Kristo eng' okweek? Iyois ko oo eesyootin iman.

BUKUIT NE TILIIL Sireet ne Dutero Kanon

⁵ Osiaige okweegei, ngo mi eng' kayaneet; otyemge okweegei. Anan mongen okweegei ole miitei Jeso Kristo eng' okweek? Iyois ko oo eesyootin iman.

2 KORINTOEK 13:5 ပူးပေါင်းရင်းမြစ်များ

TIENWOGIKAL 119:59

Kiabwat ortinwekyuk, Ak kiatokyi kelyekyuk baornatosieguk.

TIENWOGIKAL 17:3

Kiitiem muguleldanyu; kiinyonja kemoi; Kiisiacha, ama inyorja kiy; Kiabekyi ale mamwaei kutinnyu bistoet.

TIENWOGIKAL 26:2

Isiacha, ee Jehovah, ak itiema; Itilil kabwatutikyuk ak muguleldanyu.

JEREMIA 6:30

Kuure bik ichek michikyigek che kigenendoe feda, amu kigoesio Jehovah ichek.

RIREKAB JEREMIA 3:40

Ongisiach ak ketiem ortinwekyok, si keweekyige kogeny Jehovah.

EZEKIEL 18:28

Amu ruchin ak kometo bistaosiekyik tugul che kigoyai, kosobei iman, mameei.

HAGGAI 1:5

Mwaei anyun Jehovah ne bo lugosiek ko u ni kole, Orib atebosiekwok.

HAGGAI 1:7

Mwaei Jehovah ne bo lugosiek ko u ni kole, Orib atebosiekwok.

JOHANA 14:23

Kowolji Jesu kolenji, Ngo chama chi, korib ng’olyondennyu: ak kocham Baba inendet, ak kebwanji inendet, ak kemeny koboto inendet.

JOHANA 15:4

Omenya, ak amenyok. Ko u ye maimuchi temet koi logoek inegei, ngot ko mamenyei ketit; ko momuchi ak okwek, ngot ko momenya.

JOHANA 17:23

ane eng’ ichek, ak inye eng’ ane, si kobiit koek ichek che igesunotingei eng’ agenge; si kobiit konai ng’ony kole kiiyokwa, ak ichame ichek, ko u ye ichama.

JOHANA 17:26

ak kiang’ang’ji ichek kaineng’ung’, ak ta ang’ang’jini; si kobiit kotebe ichek chamnyet ne kiichamena, ak ane eng’ ichek.

JOHANA 6:56

Inendet ne amei bortanyu ak koeei korotikyuk komenya, ak amenye inendet.

JOHANA 6:6

Kimwaei ni kotieme inendet: amu kiingen inendet kit ne machei koyai.

ROMANIK 1:28

Ak ko u ye kiesio kotebe Jehovah naenywa, kobagakyi Jehovah ichek kabwatutik che kigong’emogis, si koyai tuguchoto che ma nyolu;

ROMANIK 8:10

Ak ngo mi Kristo eng’ okwek, ko kigome borto amu tengekto; ago Tamirmiriet ko sobondo amu imanda.

1 KORINTOEK 11:28

Ago ingosiagei chi, si koamei makatiat, ak koeei kikombet.

1 KORINTOEK 11:31

Amu ngot kitigonige, ko matun kiruokwech.

1 KORINTOEK 3:16

Mongen okwek ole o hekalut ne bo Jehovah, ak menyok Tamirmirietab Jehovah?

1 KORINTOEK 6:15

Tos mongen ole borwekwok ko kebeberwekab Kristo? Ara anyun aiste kebeberwekab Kristo, ak ayai koek kebeberwekab chepkugoniot? Achicha, ma u noto.

1 KORINTOEK 6:19

Anan, tos mongen ole borwekwok ko hekalut ne bo Tamirmiriet ne Tilil ne mitei eng’ okwek, ne otinye eng’ Jehovah? Ama o bo ge okwege;

1 KORINTOEK 6:2

Anan mongen ole tun iruokyin bik che tililen ng’ony? Ak ngot kotun oruokyini ng’ony, ko tos manyoljinok oruoch agobo tuguk che mengechen?

1 KORINTOEK 9:24

Mongen ole icheget che ibelegei eng’ labatet koruaei tugul, ago agenge ne nyoru konunet? Oruai anyun, si onyoru.

1 KORINTOEK 9:27

ago abire bortanyu, ak abou inendet: si ma ye kaamji bik alak, kotun keesia.

2 KORINTOEK 6:16

Ak ting’egei nee hekalut ne bo Jehovah ak kanamonik? Amu ki hekalut ne bo Jehovah ne sobei; ago ko u ye kimwa Jehovah kole, Amenye ichek, ak awendote ichek; Ak aegu Jehovah nenywa, Ak koek ichek bikyuk.

GALATYEK 2:20

Kigigartata koboto Kristo; ago asobe; ago ma ko ane, ago sobei Kristo eng’ ane: ak sobondo ne asobe nguno eng’ borto asobe eng’ kayanet ne mitei eng’ Weritab Jehovah, ne kichama, ak kiigoitogei agobo ane.

GALATYEK 4:19

Lagokyuk che mengech, che anyorunenok ng’wanindo ne bo siget kogeny agoi koyaak Kristo eng’ okwek,

GALATYEK 6:4

Ago ingotiem chi age tugul boisiennyi, si konyor anyun kit ne ilosunegei inegei, ak ma eng’ chito age.

EPESOEK 3:17

si kobiit komeny Kristo mugulelwekwok eng’ kayanet; si kobiit, ye otinye tigitik ak lumdaet eng’ chamnyet,

KOLOSAIK 1:23

ngotebi iman eng’ kayanet, ko o lumdootin ak ko o tononiotin komie, ama kiistok eng’ kamang’unetab logoiywek che miach che kiogas, che kigiamda eng’ yautiet tugul eng’ kureretab kipsengwet; kigiyaa ane Paulo amu noto aek kiboitiot.

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

KOLOSAIK 2:19

ama namei komie Metit, ne nyorune borto tugul teset eng’ teset ne bunu Jehovah, ko kagonyor tugul, ak konamatgei eng’ kabeberwek ak tigitik.

KOLOSAIK 2:7

ko o lumdootin ak ko o teegotin eng’ inendet, ak kigimitok eng’ kayaneng’wong’, ko u ye kiginetak, otese omwae kongoi.

1 TIMOTEO 2:15

ago kisoru eng’ sigisiet, ngo tebyei ichek eng’ kayanet ak chamnyet ak katabanet koboto ribetab ge.

2 TIMOTEO 3:8

Ak ko u Janne ak Jambre, che kigirinda Musa, koyaei chu agichek ko u noto, kirindoi imanit; bik che kigong’emogis ng’omnatosiekwak, che betyotin eng’ oretab kayanet.

TITO 1:13

Bo iman baornatanito. Ker kong’ anyun eng’ kimnatet amu noto, si kobiit koek che bo iman eng’ kayanet,

TITO 1:16

Mwaei kole ingen Jehovah; ago esioi inendet eng’ boisionikwak, kigoek che kiwechei, ak che magase it, ama tilei kiy eng’ boisiet age tugul ne mie.

TITO 2:2

si koripgei boisiek che kagoeegitu, koek che bo teegisto, che bou kabwatutikwak, che bo iman eng’ kayanet, eng’ chamnyet, eng’ muitaet:

HEBRANIK 12:15

ogeer si marartae chi mieindab Jehovah; si mabiit tigitiotab ng’wanindo ak konyalilis, ak komuruon che chang’;

HEBRANIK 4:1

Ongiywei anyun yo ta komi arorutiet ne keite kamuung’ennyi, si malen chi age tugul eng’ okwek, mata anyoru.

HEBRANIK 6:8

ago ngo iiyo katok ak katablelinik, keesioi ak ko negite chubet; ne kagesunennyi ko kebeel.

JAKOBO 4:4

Okwek che oibege, mongen ole choruanditab ng’ony ko bunyondit eng’ Jehovah? Chito age tugul anyun ne machei koek choruetab ng’ony koyaegei koek bunyotab Jehovah.

1 PETERO 5:9

ogirinde inendet ko o lumdootin eng’ kayaneng’wong’, ongen ole yaoksei nyalilwogik che u choto eng’ tupchosiekwok che mi ng’ony.

NG'ANG'UTYET 2:5

Ibwat anyun ole kiibute, ak isigu, ak iyai boisionik che bo tai; anan anyonjin, ak anemu keldab taing’ung’ eng’ komostanyi, ngot ko mesigu.