2 KORINTOEK 11:3 - BUKUIT NE TILIL

³ Ago aiywei ale, si mang’emogis eng’ or age tugul kabwatutikwok eng’ lititindo ak tililindo ne tokyingei Kristo ko u ye kiiberber erenet Awa eng’ ng’alsennyi.

Bukuit Ne Tilil

³ Ago aiywei ale, si ma ng'emogis eng' oor age tugul kabwaatutikwok eng' lititindo ak tiliilindo ne tokyingei Kristo ko uu ye ki iberber ereneet Hawa eng' ng'aalseennyi.

BUKUIT NE TILIIL Sireet ne Dutero Kanon

³ Ago aiywei ale, si ma ng'emogis eng' oor age tugul kabwaatutikwok eng' lititindo ak tiliilindo ne tokyingei Kristo ko uu ye ki iberber ereneet Hawa eng' ng'aalseennyi.

2 KORINTOEK 11:3 ပူးပေါင်းရင်းမြစ်များ

TAUNET 3:1

Ki ng’alindet ndaret kosiir tiony age tugul ne bo ng’ony ne kiga koyai Jehovah Kamuktaindet. Kilenji anyun kwondo, Tos, iman kimwa Kamuktaindet kole, Amat oam logoek che bo ketit age tugul ne bo mbaret?

TAUNET 3:13

Kolenji Jehovah Kamuktaindet kwondo, Nee ni kaiyai? Kole kwondo, Kagoberbera ndaret ak kaam.

TAUNET 3:20

Ak kiguure Adam kwondanyi Awa; amu inendet kametab tugul che soptos.

TAUNET 3:4

Kolenji ndaret kwondo, Iman, mobegu:

TIENWOGIKAL 119:53

Kianerech mising’ kot, Amu kiptengeginik che bagaktoi ng’atutieng’ung’.

MATAYO 24:24

Amu ng’eetos Kristoisiek che bo lembech, ak maotik che bo lembech, ak kobortoi kaborunoik ak kwong’utik che eechen; si kobeet, agot che lewenotin, nda imugaksei.

JOHANA 8:44

O bo kwandang’wong’ oindet, ak ochame oyai magutikab kwandang’wong’. Ki rumindet koboch taunet, ama tononi eng’ imanit, amu mami imanit eng’ inendet. Ye mwaei lembech, komwaei agobo tugukyik: amu kiplembechwa inendet, ak kwanda ne bo noto.

ROMANIK 12:8

anan inendet ne iteitoi, kochuljige kateitaennyi: inendet ne igoitoi, kogoito eng’ aiyebindo; inendet ne bou, koboi kochuljigei; inendet ne riregei, koriregei eng’ boiboiyet.

2 KORINTOEK 1:12

Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

2 KORINTOEK 11:20

Amu omuitochini chito, ngo yaak oegu otwogik, ngo amok, ngo namak, ngo tororgei, ngorabachok.

2 KORINTOEK 11:29

Ng’o ne nyalulat, ama a nyalulat ane? Ng’o ne koginach, ama agas agane ng’wanindo?

2 KORINTOEK 2:17

Amu achek ko ma ki u che chang’, che boisie ng’olyotab Jehovah eng’ ng’alset: ago ki che boisiei eng’ oret ne matinyei ng’alset, ago ki bo Jehovah, ak eng’ taitab Jehovah, keng’alali eng’ Kristo.

2 KORINTOEK 4:2

ago kigeesie tuguk che ung’otin che bo kalilanet, ama kibendoti eng’ ng’alset, anan keboisie ng’olyotab Jehovah eng’ kaberberisiet; ago eng’ kabartaetab imanit, kiborjinige kabwatetab chi age tugul eng’ taitab Jehovah.

GALATYEK 1:6

Akwong’e amu oistoige ochoktoi eng’ inendet ne kiguurok eng’ mieindab Kristo, obe oldab logoiywek che miach che ter;

GALATYEK 2:4

amu tupchosiek che bo lembech che kigimut kobwa orit eng’ ung’ot, che kimong’ eng’ ung’ot kosegei katiagennyo ne kitinye eng’ Kristo Jesu, si kobiit kondeech otwoknatet:

GALATYEK 3:1

Ee Galatiechu berberen, ng’o ne kibanak, okwek che kiginde Jesu Kristo taitab konyekwok kotook kele kigigartat?

GALATYEK 4:11

Aiyweisiei agobo okwek, si maegu ne kiabirtege buch eng’ or age tugul agobo okwek.

EPESOEK 4:14

si mata keegu lagok, che kitoortoi koba komosi ak komosi ak kiiboti eng’ usonet age tugul ne bo konetisiet, eng’ ng’alsetab bik, eng’ ng’omkong’natet, eng’ kaberberisiosiekab lelutiet;

EPESOEK 4:22

ale oregu chito ne bo keny, noto atebeng’wong’ ne bo atkinye, ne ng’emaksei ko u magutik che yaach che bo kenisiet;

EPESOEK 6:24

Ingoteb mieindo koboto ichek tugul che chamei Kiptaiyandennyo Jesu Kristo eng’ atepto ne ma ng’emaksei.

KOLOSAIK 2:18

Amat korebenak chi melektang’wong’ eng’ oret ne machei inendet, ne bo kaming’inetab ge ak kalosunetab malaikaisiek, ak kogimitegei tuguk che kigogeer, ak komene kabwatutikyik che bo borto,

KOLOSAIK 2:4

Amwae nito ale, si magenak chi age tugul eng’ ng’alekab lomset.

KOLOSAIK 2:8

Oripge si maluulok chi age eng’ ng’omnatennyi ak kaberberisiet ne bo buch, eng’ bitonwekab bik, eng’ konetisiosiek che bo tai che bo ng’ony, ak ma eng’ Kristo:

1 THESSALONIKEK 3:5

Amu ng’olyondonito ye kimata amuch amuita, ayogu kut si kobiit anai kayaneng’wong’, ale tama kogoyomak yomindet, ak koek buch boisiennyo ne uui.

1 TIMOTEO 1:3

Ko u ye kiasomin ale itebe Epeso, ye kiawendi Makedonia, si kobiit ing’at bik alak amat konet konetisiet ne ter,

1 TIMOTEO 2:14

ak kima king’al Adam, ago kingo kageng’al kobogoriot kobutyi bistoet;

2 TIMOTEO 3:13

Ago tesoksei kiptengeginik ak kenik eng’ yaitiet, koberberisiei ak kiberberi.

TITO 1:10

Amu mi bik che chang’ che magase it, ng’ololikab ng’alek che bo buch ak kenik, mising’ ko ichek che bo kamuratanet,

HEBRANIK 13:9

Amatata ongobeetok konetisiosiek che besiotin che ter: amu mie kolumdaak muguleldo eng’ mieindo; ma eng’ amitwogik, che kima keljine kiy ichek che kiga bendate choto.

2 PETERO 3:17

Ko okwek anyun, chamanichu, amu kaosib onai tuguchuto, oripge, si maichuutok kachiliiletab bistoik, ak obutye eng’ tononeng’wong’.

2 PETERO 3:3

korok, ongen ole tun bwanei chombilik ak chombilisiet eng’ betusiek che bo let, che isubi magutikwak,

1 JOHANA 2:18

Lagochu, ni sait ne bo let: ak ko u ye kiogas kele tun nyonei kirindoindetab Kristo, agot nguno ko kagobiit kirindoikab Kristo che chang’; kingen eng’ noto kele nito sait ne bo let.

1 JOHANA 4:1

Chamanichu, amoyan tamirmiriet age tugul, ago otiem tamirmirik, ngo bo Jehovah: amu kigomong’ji ng’ony maotik che chang’ che bo lembech.

JUDA 1:4

Amu mi bik alak che kichut orit eng’ ung’ot, ichek che kigichopchi kiruogoni koboch keny, bik che maiywei Jehovah, che walei mieindab Jehovah nenyo koek maget ne ya, ak koesioi Laitoriandennyo, ne inegei, ak ko Kiptaiyandennyo Jesu Kristo.

NG'ANG'UTYET 12:15

Ak king’ut erenet beek eng’ kutinnyi che te ainet, kosube kwonyoto, kole si kobiit koib inendet ainonoto.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 20:2

Ak konam maswetit, erenet ne ki bo keny, ne inendet ko Oindet ak ko Setani, ak korat inendet kenyisiek elfut agenge,