2 KORINTOEK 11:26 - BUKUIT NE TILIL

²⁶ Eng’ banwek konyil che chang’, ng’oiyonditab ainosiek, ng’oiyondit ne bunu rebik, ng’oiyondit ne bunu bikab bororiennyu, ng’oiyondit ne bunu Bororiosiek, ng’oiyondit eng’ nganaset, ng’oiyondit eng’ ong’atet, ng’oiyondit eng’ nyanjet, ng’oiyondit eng’ kwenutab tupchosiek che bo lembech;

Bukuit Ne Tilil

²⁶ Eng' panwek konyil che chaang', ng'oiyonditap ainoosyek, ng'oiyondit ne punu rebiik, ng'oiyondit ne punu piigap pororyennyu, ng'oiyondit ne punu Pororyosyek, ng'oiyondit eng' nganaseet, ng'oiyondit eng' surkwen, ng'oiyondit eng' nyanjet, ng'oiyondit eng' kwenutap tupchosyek che po lembech;

BUKUIT NE TILIIL Sireet ne Dutero Kanon

²⁶ Eng' panwek konyil che chaang', ng'oiyonditap ainoosyek, ng'oiyondit ne punu rebiik, ng'oiyondit ne punu piigap pororyennyu, ng'oiyondit ne punu Pororyosyek, ng'oiyondit eng' nganaseet, ng'oiyondit eng' surkwen, ng'oiyondit eng' nyanjet, ng'oiyondit eng' kwenutap tupchosyek che po lembech;

2 KORINTOEK 11:26 ပူးပေါင်းရင်းမြစ်များ

POISYONIGAP CHE KIYOKTOI 13:45

Ago ye kingogeer Yahudik tuiyosiek, koam ng’et kong’, ak koesio eng’ kimnatet ng’alek che kimwaei Paulo, ak komwa ng’alek che yaachen kochubis.

POISYONIGAP CHE KIYOKTOI 13:50

Ago kiinde Yahudik ng’alekab chaamset kobogorisiek che konyiti Jehovah ak ko toogunotin, ak bik che eechen che bo nganaset, ak kiing’eet usisiet kous Paulo ak Barnaba, ak koon komanda eng’ kiwotosiekwak.

POISYONIGAP CHE KIYOKTOI 14:19

Ago kibwa Yahudik che kibunu Antiokia ak Ikonia: ak kingo kagolom tuiyosiek, kolach Paulo eng’ koik, ak kochuut komanda eng’ nganaset, kolen kagome.

POISYONIGAP CHE KIYOKTOI 14:5

Ak ye kimachei Bororiosiek ak Yahudik koboto bounikwak kobokyi ichek, kole koyachi ne ya, ak kolach eng’ koik,

POISYONIGAP CHE KIYOKTOI 15:40

ago kilewen Paulo Sila, ak koba, ko kagonde tupchosiek ichek mieindab Kiptaiyat.

POISYONIGAP CHE KIYOKTOI 17:13

Ago kingonai Yahudik che bo Tesalonike kole, amdoi Paulo ng’olyotab Jehovah eng’ Berea agine, koba oloto agine, ak kowas ak konyalil tuiyosiek.

POISYONIGAP CHE KIYOKTOI 17:5

Ago ye kingoam ng’etkonda Yahudik, konamgei ak bik che yaachen che matilei kiy, ak kiiyum tuiyet, ak kong’eet ichek bolatet eng’ nganaset; ak kibut gotab Jason, komachei kole komut ichek sang’ koba ole mi bik.

POISYONIGAP CHE KIYOKTOI 18:12

Ago ye kingo kiruogindetab Akayo Galio, kong’eetyi Yahudik Paulo eng’ maget agenge, ak komut inendet kwo taitab ng’echeretab kiruoget,

POISYONIGAP CHE KIYOKTOI 19:1

Ak ye kita komi Apolo Korinto, ko kagobun Paulo emet kwen, koit Epeso, ak konyor alamalyet:

POISYONIGAP CHE KIYOKTOI 19:23

Ak king’eet bolatet ne o eng’ betusiechoto agobo Oranato;

POISYONIGAP CHE KIYOKTOI 20:19

aboisiechini Kiptaiyat eng’ kaming’inetab ge tugul, ak eng’ beekab kong’, ak eng’ tiemisiosiek che kibwanja eng’ chobutik che bo ung’ot che bo Yahudik;

POISYONIGAP CHE KIYOKTOI 20:3

Ak kingo kagotebe oloto arawek somok, kochob Yahudik ng’alek eng’ ung’ot agobo inendet, ye kimachei kobun melit kwo Suria, komachei kole koweegegei oretab Makedonia.

POISYONIGAP CHE KIYOKTOI 23:10

Ak ye kingong’eet toiyet ne o, koiywei kiptaiyat ne o kole, abere togot kotonaton bichu Paulo, kong’at anyun askarik kochortagei ak komut inendet eng’ kimnatet eng’ kwenunywa, ak komut konyo irimet.

POISYONIGAP CHE KIYOKTOI 25:3

kosom chamdaet agobo inendet, kole koyokto inendet kimut konyo Jerusalem; si kobiit korat oret kobar inendet.

POISYONIGAP CHE KIYOKTOI 27:42

Ak ng’olyot ne kitinyei askarik ko kobar kimonjororinik, kole si mabir beek alage eng’ ichek, kochililyo.

ROMANIK 15:19

eng’ kamuget ne bo kaborunoik ak kwong’utik, eng’ kamuktaetab Tamirmiriet ne Tilil; noto anyun, kong’eete Jerusalem, ak komoswekyik agoi Iluriko, ko kiaamdaate komie logoiywek che miach che bo Kristo;

ROMANIK 8:35

Ibestosech ng’o eng’ chamnyetab Kristo? Nyalilda, anan bichiindo, anan usisiet anan rubet anan ach ngor, anan ng’oiyondit, anan rotwetab chok?

1 KORINTOEK 15:30

Ko amu nee anyun si kemi ng’oiyondit sait age tugul?

1 KORINTOEK 15:32

Ngo kigibarge ak tiong’ik eng’ Epeso ko u biteetab bik, atinye borot nee anyun? Ngo kaga maging’eeti che begu, ongeamisie ak kee, amu kibegu mutai.

2 KORINTOEK 11:32

Kirib eng’ Damasko bounindetab laitoriat Areta, nganasetab Damaskik, kole konama:

GALATYEK 2:4

amu tupchosiek che bo lembech che kigimut kobwa orit eng’ ung’ot, che kimong’ eng’ ung’ot kosegei katiagennyo ne kitinye eng’ Kristo Jesu, si kobiit kondeech otwoknatet: