2 KORINTOEK 10:1 - BUKUIT NE TILIL

¹ Asomok anyun ane Paulo eng’ talasiet ak mutyonetab Kristo, ane ne ming’in ye ami kobotok eng’ kwenung’wong’, ago ye mami kobotok atinye nyiganatet:

Bukuit Ne Tilil

¹ Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

BUKUIT NE TILIIL Sireet ne Dutero Kanon

¹ Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

2 KORINTOEK 10:1 ပူးပေါင်းရင်းမြစ်များ

TIENWOGIKAL 45:4

Ak iwendote eng’ etunateng’ung’ eng’ kaberuret, Amu imanit ak kaming’inetab ge ak imanda: Ak inetin eung’ung’ ne bo tai boisiosiek che imuisei.

SEKARIA 9:9

Baibaitu mising’, ee cheptab Sion; waach, ee cheptab Jerusalem: keero, nyonjinin laitoriandeng’ung’: bo iman inendet, ak kotinyei yetunet; iming’inegei, ak kolong’onu sigiriet, moitab sigiriet ne kirgit.

MATAYO 11:29

Otiiny kaat choginnyu ak onetenage; amu a tala ak aming’inige eng’ muguleldo: si osich kamuung’et eng’ sobonwekwok.

MATAYO 21:5

Omwachi cheptab Sion, Keero, nyonjinin Laitoriandeng’ung’, Ne tala, ak kolong’onu sigiriet, Ak moitab sigiriet, barnotiot.

POISYONIGAP CHE KIYOKTOI 8:32

Ak chu sirutik che kisomanoti, Kigimut ko u kechiriet ne kikweriei kwo eng’set; Ak ko u aruetab kechiriet ne sisei eng’ taitab chito ne tilei kororikyik, U noto agine mang’any kutinnyi:

ROMANIK 10:20

Ak nyigan mising’ Isaia, ak mwaei kole, Kinyorua ichek che kima cheng’a; Kiatoogu eng’ ichek che ma teeba.

ROMANIK 12:1

Noto anyun che kitupche, asomok mising’, eng’ rirenosiekab Jehovah ale, ogoite borwekwok koek tiseiywot ne sobei, ne tilil, ne taachaksei eng’ Jehovah, noto ko boisieng’wong’ ne nyolu.

ROMANIK 15:15

Ago, asirwok agobo ng’alek alak eng’ nyiganatet ne siirei, ko u ye abwatwok kogeny, amu mieindo ne kigona Jehovah,

1 KORINTOEK 2:3

Ak kiami kobotok eng’ nyalulet, ak eng’ kaiyweisiet, ak eng’ botanet ne o.

1 KORINTOEK 4:10

Ki che berberen achek amu Kristo, ago o ng’omen eng’ Kristo; ki nyalulyotin achek, ago o kimen; otinye teegisto okwek, ago mateechech chi.

1 KORINTOEK 4:21

Nee ne omache anyun? Anyonjok ak kirokto, anan eng’ chamnyet ak tamirmirietab talasiet?

2 KORINTOEK 10:10

Amu mwaei ichek kole, Baronokyik ko nyigisen ak ko kimen; ago nyalulat inendet ye mitei tainywa, ama tilei kiy ng’alekyik.

2 KORINTOEK 10:2

ee, asomok, ale si manyiganitu ye ami kobotok eng’ kamang’unet ne kona aiit ale a nyigan eng’ alak, che iitech kole kibendoti eng’ atebetab borto.

2 KORINTOEK 10:7

Ogeere tuguk che mitei taitab konyekwok. Ngot komang’ugei chi age tugul kole bo Kristo, ko ingoruchi nito kogeny inegei, kole, ko u ye bo Kristo inendet, ke u noto agachek.

2 KORINTOEK 11:21

Ang’alali eng’ sasetab ge, ko u ye ki nyalulyotin. Ago ngot ko nyigan chi eng’ kiy age tugul (ang’alali eng’ berberindo), a nyigan agane.

2 KORINTOEK 11:30

Ngot ko nyolu alosge, alosuge agobo tuguk che bo nyalulennyu.

2 KORINTOEK 12:5

Alosuge agobo chichoto: ago malosuge agobo anege, kobate eng’ nyalulnatosiekyuk.

2 KORINTOEK 3:12

Noto anyun, amu kitinye kamang’unet ne u ni, keboisie anyun nyiganatet ne bo keny eng’ ng’alalet,

2 KORINTOEK 5:20

Noto anyun ki tononjinik agobo Kristo, ko u ye igoigook Jehovah eng’ achek; kigoigook agobo Kristo, kele otuiyege ak Jehovah.

2 KORINTOEK 6:1

Kisome achek che keboisiei ak Jehovah kele amotaach mieindab Jehovah buch

2 KORINTOEK 7:4

O nyiganatet ne ang’alalunenok, o katororennyu bo ge agobo okwek: kanyiia kagaigaet, kanyiia boiboiyet kot kong’irtagei eng’ bichiinwekyok tugul.

GALATYEK 4:13

ago ongen ole kiaamwok logoiywek che miach eng’ tai, amu nyalulnatetab borto:

GALATYEK 5:2

Ogeero, amwawok ane Paulo, ale, ngimuratanak, ko motinye keluno eng’ Kristo.

EPESOEK 3:1

Amu nito ane Paulo, kimonjororiotab Kristo Jesu agobo okwek Bororiosiek,

EPESOEK 4:1

Noto anyun, ane ne a kimonjororiot eng’ Kiptaiyat, asomok mising’ ale obendate ko u ye nyoljin kuurset ne kigeguurok,

PILIPIK 4:5

Ingonaak mutyoneng’wong’ eng’ bik tugul. Kagorik Kiptaiyat.

KOLOSAIK 1:23

ngotebi iman eng’ kayanet, ko o lumdootin ak ko o tononiotin komie, ama kiistok eng’ kamang’unetab logoiywek che miach che kiogas, che kigiamda eng’ yautiet tugul eng’ kureretab kipsengwet; kigiyaa ane Paulo amu noto aek kiboitiot.

2 THESSALONIKEK 3:17

Kagatennyu ane Paulo eng’ eunnyu, noto kaborunet eng’ baruet age tugul: asire anyun ko u noto.

PILEMON 1:19

anendet Paulo ne kasir eng’ eunnyu, ale ayaagun; ago mamwaun ale itinye besendanyu, u kele, inyendet noto.

PILEMON 1:9

ago, amu chamnyet asomin mising’, ane Paulo ne koaositu, ak nguno kogeny ko a kimonjororiot ne bo Kristo Jesu:

1 PETERO 2:11

Chamanichu, asomok ko u ye o toek ago o kiprutoinik, ale oistoege magutik che bo borto, che bortos ak sobondo;

NG'ANG'UTYET 1:9

A Johana, tupcheng’wong’ ak ko a ne kiyamdoi tugul nyalilda ak bounatet ak muitaet eng’ Jesu, kiami emet ne kiikwen beek ne kiguure Patmo, agobo ng’olyotab Jehovah ak baornatetab Jesu.