2 KORINTOEK 1:20 - BUKUIT NE TILIL

²⁰ Amu agot ngo tia arorutikab Jehovah, eng’ inendet ko wei: ak kogeny eng’ inendet ko Amen, agoi torornatetab Jehovah eng’ achek.

Bukuit Ne Tilil

²⁰ Amu agot ngo tya arorutigap Kamuktaindet, eng' ineendet ko wei: ak kogeny eng' ineendet ko Amen, agoi toroornatetap Kamuktaindet eng' acheek.

BUKUIT NE TILIIL Sireet ne Dutero Kanon

²⁰ Amu agot ngo tya arorutigap Kamuktaindet, eng' ineendet ko wei: ak kogeny eng' ineendet ko Amen, agoi toroornatetap Kamuktaindet eng' acheek.

2 KORINTOEK 1:20 ပူးပေါင်းရင်းမြစ်များ

TAUNET 22:18

ak tun kiberuri bororiosiek tugul che bo ng’ony eng’ keswondeng’ung’; amu kegas it kutinnyu.

TAUNET 3:15

ak ande bunyondit kwenung’wong’ inye ndaret ak kwondo; ak kwenutab iyoteng’ung’ ak nenyi; ak kotui inendet meting’ung’, ak iguoten aginye kwariandennyi.

TAUNET 49:10

Maistoegei Juda siarit ne bo bounatet, Ak mabeti ne igoitoi ng’atutik eng’ iyotennyi, Agoi koit Silo; Ak kase it bik tugul inendet.

TIENWOGIKAL 102:16

Amu kagoteech Jehovah Sion, Kagotook eng’ torornatennyi;

TIENWOGIKAL 72:17

Tebyei kainennyi koigeny; Tebyei kainennyi kota komi asista: Ak kiberuri bik eng’ inendet; Ak kuure bororiosiek tugul ne baibai.

ISAIAH 65:16

si koek ne iberuregei eng’ ng’ony ne iberuregei eng’ Kamuktaindet ne bo iman, ak koek ne iyostos eng’ ng’ony ne iyostos eng’ Kamuktaindet ne bo iman; amu kigeutie nyalilwogik che bo tai, amu kigeuny si ma ageere.

ISAIAH 7:14

Konok anyun Kiptaiyat inendet kaborunet; ogeero, manachi bergeiyat, ak kosich werit, ak koguure kainennyi Imanuel.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

LUKA 2:14

Bo teegisto Jehovah, eng’ ole toror mising’, Ak kalyet eng’ ng’ony eng’ bik che chamotin eng’ inendet.

JOHANA 1:17

Amu kigigon Ng’atutiet eng’ Musa; kibwa mieindo ak imanit eng’ Jesu Kristo.

JOHANA 14:6

Kolenji Jesu, A oret, ak iman, ak sobondo: manyonjin chi Kwanda, ama eng’ ane.

JOHANA 3:5

Kowolji Jesu kolenji, Amwaun, iman, iman, ale, Ngot ko ma kisich chi eng’ beek ak Tamirmiriet, ko magoi imuch komong’ji bounatetab Jehovah.

ROMANIK 11:36

Amu bou inendet, ak kobunu inendet, ak koweekyingei inendet, tuguk tugul. Bunjin inendet torornatget koigeny. Amen.

ROMANIK 6:23

Amu melektab tengek ko meet; ago konunetab chamnyet ne bo Jehovah ko sobondab koigeny eng’ Kristo Jesu Kiptaiyandennyo.

1 KORINTOEK 14:16

Amu ngo ma u noto, ko ngiberuri eng’ tamirmiriet, komwaitoi ano Amen ye igoitoi kongoi, inendet ne tebe ole mi che ma inetgei amu manaei kit ne kimwae?

2 KORINTOEK 4:15

Amu tuguk tugul ko agobo okwek, si ye tesak mieindo eng’ che chang’, koyai kagoitoetab kongoi kotesak eng’ katororetab Jehovah.

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

GALATYEK 3:22

Ago kigoratyi sirutiet tuguk tugul kimnatetab tengekto, si kobiit kigochi che iyani, arorutiet eng’ kayanet eng’ Jesu Kristo.

EPESOEK 1:6

agoi kalosunetab torornatetab mieindanyi, ne kigonech eng’ aiyebindo eng’ Chamanet:

EPESOEK 2:7

si kobiit kobarta eng’ kenyisiek che bwanei magornatosiek che siirtoot che bo mieindanyi eng’ talasiet ne tokyineigei eng’ Kristo Jesu:

KOLOSAIK 1:27

che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

2 THESSALONIKEK 1:10

ye tun nyo si kobiit kitoror eng’ chechik che tililen; ak kekwong’e eng’ ichek tugul che iyani (amu kigiyan baornatennyo eng’ okwek), eng’ betunoto.

HEBRANIK 11:13

Kibek chuto tugul eng’ kayanet, ama taach arorutichoto, ago kiga kogeer ak koboiboitu kota komi ole loo, ko kagong’any kole ki toek ak ko kiprutoinik eng’ ng’ony.

HEBRANIK 13:8

Kergei Jesu Kristo eng’ amut ak ra, ak agoi koigeny.

HEBRANIK 7:6

ago kinam kebeberwekab taman eng’ Abraham inendet ne kima kiitito ichek eng’ orenywa, ak koberur inendet ne tinyei arorutik.

1 PETERO 1:12

Che kiging’ang’ji, ma agobo icheget, ago kiyaiywok okwek tuguchuto, che kagemwawok nguno eng’ ichek che kiamwok logoiywek che miach eng’ Tamirmiriet ne Tilil ne kigiyok eng’ kipsengwet; tuguk che machei malaikaisiek mising’ kogeer.

1 JOHANA 5:11

Ak baornatanato ko ni, kele, kigonech Jehovah sobondab koigeny, ak mi sobonito Werinnyi.

NG'ANG'UTYET 3:14

Ak isirji malaikaiyatab kaniset ne mi Laodikia, ilenji: Mwaei tuguchu inendet ne Amen, baoriat ne kiyani ak ko bo iman, taunetab yaetab Jehovah:

NG'ANG'UTYET 7:12

kole, Amen; Bo Jehovah nenyo kaberuret, ak torornatet, ak ng’omnatet, ak kongoi, ak teegisto, ak kamuktaet, ak kimnatet, koigeny ak koigeny. Amen.