2 KORINTOEK 1:12 - BUKUIT NE TILIL

¹² Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

Bukuit Ne Tilil

¹² Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

BUKUIT NE TILIIL Sireet ne Dutero Kanon

¹² Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

2 KORINTOEK 1:12 ပူးပေါင်းရင်းမြစ်များ

2 SAMUEL 22:22

Amu kiarib ortinwekab Jehovah, Ak ma abagakte Kamuktaindennyu eng’ or ne ya.

Kitabuutap JOB 13:15

Agot ngo bara, ko ta ageni inendet: Ago agimiti ortinwekyuk eng’ tainnyi.

ISAIAH 38:3

kole, Ee Jehovah, asain ale, ibwat ole kiatepte eng’ imanda eng’ taing’ung’ ak eng’ muguleldo ne igesunotgei, ak kiayai ne mie eng’ taing’ung’. Ak kirir Hesekia eng’ ng’wanindo.

POISYONIGAP CHE KIYOKTOI 23:1

Ak kingogeer Paulo kapkiruogonoto komie, komwa kole, Che kitupche, kiatebe kotugul kabwatet ne mie eng’ taitab Jehovah agoi rani.

POISYONIGAP CHE KIYOKTOI 24:16

Ak achobege anyun agane eng’ ng’olyondoni atebe kotugul kabwatet ne matinyei kanagut eng’ taitab Jehovah ak bik.

ROMANIK 9:1

Amwae iman eng’ Kristo, mamwae lembech, baoriani kabwatutikyuk kobota eng’ Tamirmiriet ne Tilil,

1 KORINTOEK 1:17

Amu ma iyokwa Kristo abatisanis, ago aamda logoiywek che miach: ma eng’ ng’omnatet ne bo ng’alek, si ma kiyai kimurtoiyotab Kristo koek buch.

1 KORINTOEK 12:8

Amu kigochin chito age ng’olyotab ng’omnatet eng’ Tamirmiriet; ak kigochin age ng’olyotab naet, eng’ Tamirmirionoto:

1 KORINTOEK 15:10

Ago eng’ mieindab Jehovah a u kit ne a u: ak mieindanyi ne kigigona ko maek buch; ago kiaboisie mising’ asiir ichek tugul: ago ma ane, ago mieindab Jehovah ne kimi kobota.

1 KORINTOEK 2:13

Tuguchoto agichek che kimwae, ma eng’ ng’alek che ineti ng’omnatetab chi, ago che ineti Tamirmiriet; kiroge tugukab tamirmiriet ak tugukab tamirmiriet.

1 KORINTOEK 4:4

Amu mangenjige kiy: ago magiityina imanda eng’ noto: ago inendet ne kina ko Kiptaiyat.

1 KORINTOEK 5:8

noto anyun ongerib igorta, ma eng’ mermerek che bo keny, anan eng’ mermerekab yaitiet ak tengekto, ago eng’ makatiat ne ma kinde mermerek che matinyei kenisiet ak bo iman.

2 KORINTOEK 1:17

Ye kingabwat ko u noto, ko tos kiaurereni? Anan tuguk che a begechini ale ayae, ko tos abegechini ko u atebetab borto, si kobiit koek eng’ ane ee, ee, ak achicha, achicha?

2 KORINTOEK 11:3

Ago aiywei ale, si mang’emogis eng’ or age tugul kabwatutikwok eng’ lititindo ak tililindo ne tokyingei Kristo ko u ye kiiberber erenet Awa eng’ ng’alsennyi.

2 KORINTOEK 2:17

Amu achek ko ma ki u che chang’, che boisie ng’olyotab Jehovah eng’ ng’alset: ago ki che boisiei eng’ oret ne matinyei ng’alset, ago ki bo Jehovah, ak eng’ taitab Jehovah, keng’alali eng’ Kristo.

2 KORINTOEK 4:2

ago kigeesie tuguk che ung’otin che bo kalilanet, ama kibendoti eng’ ng’alset, anan keboisie ng’olyotab Jehovah eng’ kaberberisiet; ago eng’ kabartaetab imanit, kiborjinige kabwatetab chi age tugul eng’ taitab Jehovah.

2 KORINTOEK 8:8

Mang’alali eng’ ng’atutiet, ago atieme eng’ kagiiletab ge ne bo alak, ngo bo iman chamnyeng’wong’.

GALATYEK 6:4

Ago ingotiem chi age tugul boisiennyi, si konyor anyun kit ne ilosunegei inegei, ak ma eng’ chito age.

EPESOEK 6:14

Otononse anyun, ko kaogermen suenutikwok eng’ imanit, ak ko kaolaach karnetab teget ne bo imanda,

PILIPIK 1:10

si kobiit onai komie tuguk che bo telunatet; si kobiit oegu che matinyei kenisiet, che matinyei kanagut agoi betutab Kristo;

1 THESSALONIKEK 2:10

O baorinik okwek, koboto Jehovah, agobo ole kigitepte acheget eng’ kwenung’wong’ okwek che oyani, eng’ tililindo ak eng’ imanda ko magitinye kiy ne kiruogunenech:

1 TIMOTEO 1:5

Ago kasuldaetab ng’atutioni ko chamnyet ne bunu muguleldo ne tilil ak kabwatet ne mie ak kayanet ne matinyei kenisiet:

TITO 2:7

ibartege inyendet eng’ tuguk tugul iegu kaborunet ne bo boisionik che miachen; eng’ konetisieng’ung’ ibarte atebet ne ma ng’emaksei,

HEBRANIK 13:18

Osa agobo achek: amu kiyani kele kitinye kabwatet ne mie, kimache ketebi eng’ atebet ne mie eng’ tuguk tugul.

JAKOBO 4:6

Ago konu mieindo ne tesat. Len anyun, Kirindoi Jehovah che meniotin, ak kogochin mieindo che iming’inegei.

JOSHUA 24:14

Oiywei anyun Jehovah, ak oboisiechi inendet eng’ muguleldo ne matinyei kenisiet ak eng’ imanit: ak oiste kanamonik che kiotei kwanisiekwok eng’ Ainet bitonin, ak eng’ Misri; ak oboisiechi Jehovah.

1 PETERO 3:16

otinye kabwatet ne mie; si ye kitaamok, kigochin kolilan ichek che mwaitae ng’alek che yaach atebeng’wong’ ne mie eng’ Kristo.

1 PETERO 3:21

kergeindab tuguchuto ko kabatisanet, ne soruok agine eng’ betusiechu, ma kele istoetab simdab borto, ago wolunetab kabwatet ne mie ne tokyingei Jehovah, eng’ ng’eetyetab Jesu Kristo;