2 ATEPTAP PEETUUSYEK 9:1 - BUKUIT NE TILIL

¹ Ak kingogas laitoriatab Sheba, ne ki kwondo, kalosunetab Solomon, konyo Jerusalem koboto bik che chang’, ak tambesik che ibei tuguk che ng’uu ne anyiny, ak tahabusiek che chang’, ak koik che bo kamanutiet ne o, konyo kotiem Solomon eng’ teebutik che uuen: ak kingoit ole mi Solomon, kong’alal ak inendet agobo tuguk tugul che kimi muguleldanyi.

Bukuit Ne Tilil

¹ Kingo kas laitoryatap Sheba ne ki kwony kalasunetap Solomon, ko ki nyo Jerusalem konyo kotyem Solomon eng' teebutik che uueen. Ki nyo kobooto piik che chaang' ak tambeesik che ibei tuguuk che ng'uu ne anyiny, thahabu che chaang' ak koik che po kamanuutyet ne oo. Kingo it ole mi Solomon kong'alaal ak ineendet agobo tuguuk tugul che ki mi muguleldanyi.

BUKUIT NE TILIIL Sireet ne Dutero Kanon

¹ Kingo kas laitoryatap Sheba ne ki kwony kalasunetap Solomon, ko ki nyo Jerusalem konyo kotyem Solomon eng' teebutik che uueen. Ki nyo kobooto piik che chaang' ak tambeesik che ibei tuguuk che ng'uu ne anyiny, thahabu che chaang' ak koik che po kamanuutyet ne oo. Kingo it ole mi Solomon kong'alaal ak ineendet agobo tuguuk tugul che ki mi muguleldanyi.

2 ATEPTAP PEETUUSYEK 9:1 ပူးပေါင်းရင်းမြစ်များ

TAUNET 10:28

Obal, Abimael, Sheba:

TAUNET 10:7

Ak werikab Kus: ko Seba, Habila, Sabta, Raama, ak Sabteka: ak werikab Raama: ko Sheba, ak Dedan.

TAUNET 25:3

Ak kisich Joksan Sheba, ak Dedan. Ak werikab Dedan ko ki Asurik, Letusik, ak Leumik.

1 LAITORINIK 4:31

Amu ki ng’om kosiir bik tugul; kosiir Etan Esraindet, ak Heman, ak Kalkol, ak Darda, weritab Maol: ak kiyom toogunatennyi bororiosiek tugul che kiga yiem inendet.

2 ATEPTAP PEETUUSYEK 1:1

Ak kigimit Solomon weritab Daudi eng’ bounatennyi, ak kimi Jehovah Kamuktaindennyi koboto inendet, ak kiieet inendet mising’.

2 ATEPTAP PEETUUSYEK 1:12

kagegonin anyun ng’omnatet ak naet; ak agonin magornatosiek, ak chang’indab tuguk, ak teegisto, che tom konyor laitorinik che kigondounenen, ama kobiitu age ne nyoru ko u noto.

2 ATEPTAP PEETUUSYEK 9:2

Ak kiwolji Solomon inendet teebutikyik tugul: ak kima komi kiy age tugul ne kigiung’e Solomon ne ma mwachi inendet.

2 ATEPTAP PEETUUSYEK 9:9

Ak kiigochi kwonyoto laitoriat talentaisiek bogol ak tiptem che bo tahabu, ak tuguk ng’isiat che ng’uu ne anyiny, ak koik che bo kamanutiet ne o: ak kima biit nyamdutik che u choto kiigochi laitoriatab Sheba laitoriat Solomon.

TIENWOGIKAL 142:2

Arong’jini tainnyi rirekyuk; Abortoi eng’ tainnyi nyalildanyu.

TIENWOGIKAL 49:4

Aepchini it kalewenet: Ak ang’any mwaennyu ne bo ung’ot eng’ ketubet.

TIENWOGIKAL 72:10

Ibu kagochinoik laitorinikab Tarsus ak che bo ngegusiek; Igoitoi kagochinoik laitorinikab Sheba ak Seba.

TIENWOGIKAL 72:15

Ak soptos ichek; ak kigochi inendet tahabu ne bo Sheba: Ak saei bik kotugul agobo inendet; Iberuri inendet betut komugul.

TIENWOGIKAL 78:2

Ayate kutinnyu eng’ kalewenet; Amwae ng’alek che ung’otin che bo keny:

KALEWANAIK 1:6

Koguiyo kalewenet, ak kaweekset; Koguiyo ng’alekab bik che ng’omen ak ng’alekwak che ung’otin.

ISAIAH 60:6

Tuchin chang’indab tambesik, koboto moekab tambesik che bo Midian ak Epa; bunu tugul Sheba: ibu tahabu ak tuguk che nyamdut, ak komwaita kalosunoikab Jehovah.

MATAYO 12:34

Okwek lagokab erenok che ng’wonen, omuktoi ano okwek, che o yaach, omwa tuguk che miach? Amu ng’alali kutit che nyiitat muguleldo.

MATAYO 12:42

Ng’eetei tun laitoriat kobogoriot ne bo murot komostab tai koboto ibini eng’ kiruoget, ak kogikyi: amu kibun tabanwekab ng’ony si kogas ng’omnatetab Solomon; ak ogeero, mi yu ne o kosiir Solomon.

MATAYO 13:11

Ak kiwolji ichek kolenji, Kagegonok onai ung’otik che bo bounatetab kipsengwet, ago ma kigochi ichek.

MATAYO 13:35

si kosulda ne kiga mwa maotiot, kole, Ayate kutinnyu eng’ kalewenaik; Amwae tuguk che kigiuny koboch koga kelumda ng’ony.

MATAYO 2:11

Ak kiba go orit ak kigeer lakwet ne ming’in koboto kamennyi Maria; ak kiibutyi ng’ony kolos inendet; ak kotiach konoraikwak che bo kamanutiet ne o, kogochi inendet kagochinoik, tahabu, tuguk che nyamdut ak tuguk che u igomoik.

LUKA 11:31

Tun ng’eetei laitoriat kobogoriot ne bo murot ne bo tai eng’ kiruoget koboto bikab ibini, ak koruokyi ichek: amu kibun tabanwekab emet konyo kogas ng’omnatetab Solomon; ak ogeero, mitei yu ne o kosiir Solomon.

1 SAMUEL 1:15

Ak kiwol Hana kole, Achicha, kiptaiyandennyu, a kwondo ne tinyei tamirmiriet ne tinyei arogenet: ma aee divaik anan ko maiyek, ago karong’ji sobondanyu taitab Jehovah.