2 ATEPTAP PEETUUSYEK 8:14 - BUKUIT NE TILIL

¹⁴ King’at ripsosiekab tisiik eng’ otisienywa, ko u ng’atutietab Daudi kwandanyi, ak king’at Lawik, koyai boisionikwak, si kolosu ak koboisiei eng’ taitab tisiik, ko u ye yamei boisietab betut age tugul: ak king’at ribikab kurget agichek koyai ripsosiekwak eng’ kurget age tugul: amu kiga ng’at Daudi chitab Kamuktaindet ko u noto.

Bukuit Ne Tilil

¹⁴ Ko uu ng'atuutyetap Daudi kwandanyi koging'at riipsosyegap tisiik eng' otisyennywa, ak Lawiik koyai poisyonikwak si kolasu ak koboisyei kobooto tisiik ko uu ye yamei poisyetap peetuut age tugul. Ki ng'at riibiigap kurgeet ak icheek koyai riipsosyekwak eng' kurgeet age tugul; amu kiga ng'at Daudi chiitap Kamuktaindet ko uu nooto.

BUKUIT NE TILIIL Sireet ne Dutero Kanon

¹⁴ Ko uu ng'atuutyetap Daudi kwandanyi koging'at riipsosyegap tisiik eng' otisyennywa, ak Lawiik koyai poisyonikwak si kolasu ak koboisyei kobooto tisiik ko uu ye yamei poisyetap peetuut age tugul. Ki ng'at riibiigap kurgeet ak icheek koyai riipsosyekwak eng' kurgeet age tugul; amu kiga ng'at Daudi chiitap Kamuktaindet ko uu nooto.

2 ATEPTAP PEETUUSYEK 8:14 ပူးပေါင်းရင်းမြစ်များ

2 SAMUEL 23:2

King’alalena Tamirmirietab Jehovah, Ak kimi ng’olyondennyi ng’elyeptanyu.

1 LAITORINIK 13:1

Ak ogeero, kinyo chitab Kamuktaindet eng’ Juda eng’ ng’olyotab Jehovah konyo Bet-el: ak kitononi Jeroboam eng’ ye negite kapkorosut kobeelei nyamdutik.

1 ATEPTAP PEETUUSYEK 16:37

Kobagach anyun eng’ yoto, eng’ taitab moingetab arorutietab Jehovah, Asap ak tupchosiekyik, si kobiit kobois eng’ taitab moinget betusiek tugul, ko u ye yamegei ak boisietab betut age tugul.

1 ATEPTAP PEETUUSYEK 16:42

ak kimi koboto ichek Heman ak Jedutun che kitinyei iriagok ak sanisiek che bo sugunonik che kibirei, che bo ichek che birei kocheiyo mising’, ak tuguk che kibutei che bo tienwogikab Kamuktaindet: ak kotebe werikab Jedutun ormarich.

1 ATEPTAP PEETUUSYEK 23:1

Kiga koosit Daudi, kiga kochang’a betusiekyik; ak kiyai Solomon werinnyi koek laitoriat koboi Israel.

1 ATEPTAP PEETUUSYEK 24:1

Ak pcheutikab werikab Aron ko ki chu. Werikab Aron ko ki: Nadab, Abiu, Eleasar, ak Itamar.

1 ATEPTAP PEETUUSYEK 24:3

Ak kipchei Daudi ak Sadok, eng’ werikab Eleasar, ak Aimelek, eng’ werikab Itamar, kopchei ichek ko u boisienywa eng’ otisienywa.

1 ATEPTAP PEETUUSYEK 25:1

Kiitaban kogeny Daudi ak kiptainikab luget alak eng’ werikab Asap kotanbanji boisiet, ak che bo Herman, ak che bo Jedutun, si komaotenso eng’ ketubosiek, ak kibugandinik ak sanisiek che bo sugunonik che kibirei: ak koitetab icheget che kiyaei boisiet ko u otisienywa ko:

1 ATEPTAP PEETUUSYEK 26:1

Pcheutikab ribikab kurget ko: che bo Koraik ko ki: Meselemia weritab Kore, che bo werikab Asap.

1 ATEPTAP PEETUUSYEK 28:19

Kigigona aguiyo chuto tugul eng’ sirutik kobun eutab Jehovah, boisionik tugul che bo kergeini.

1 ATEPTAP PEETUUSYEK 9:17

Ak ribikab Kurget ko ki: Salum, Akub, Talmon, Ahiman, ak tupchosiekwak: ki ne o Salum;

1 ATEPTAP PEETUUSYEK 9:24

Kimi ribik komoswek ang’wan, komostab kong’asis, ak cherongo, ak murot ne bo katam, ak murot ne bo tai.

2 ATEPTAP PEETUUSYEK 23:19

Ak kiinde ribik kurgotikab gotab Jehovah, si mawa go chi age tugul ne ma tilil eng’ kiy age tugul.

2 ATEPTAP PEETUUSYEK 23:4

Ni kit ne oyae: egu ribikab kurgotik kebeberta agenge eng’ somok eng’ okwek, che bwanei eng’ betutab sabato, che bo tisiik ak Lawik;

2 ATEPTAP PEETUUSYEK 29:25

Ak kiinde Lawik gotab Jehovah, kotinyei sanisiekab sugunonik che kibirei, ak kibugandinik ak ketubosiek, ko u ng’atutietab Daudi, ak ne bo Gad keerindetab laitoriat, ak maotiot Natan: amu kibunu ng’atutionoto Jehovah eng’ maotikyik.

2 ATEPTAP PEETUUSYEK 31:2

Ak kipchei Hesekia ripsosiekab tisiik ak Lawik kobee ripsosiekwak, chi tugul ko u boisiennyi, tisiik ak Lawik, agobo kagochinoik che kibeelei ak kagochinoik che bo kalyet, kootis, ak koweekyi kongoi, ak kolos eng’ ormarichokab nganasetab Jehovah.

2 ATEPTAP PEETUUSYEK 35:10

Kochobok anyun otisiet ak kotononso tisiik eng’ komostanywa, ak Lawik eng’ ripsosiekwak, ko u ng’atutietab laitoriat.

2 ATEPTAP PEETUUSYEK 35:15

Ak kimi komostanywa tienik werikab Asap, ko u ng’atutietab Daudi, ak Asap, Heman, ak Jedutun keerindetab laitoriat; ak kimi ribik ormarichet age tugul; kima ko nyoljin kobagakta boisienywa, amu kichopjin Lawik tupchosiekwak tugul.

2 ATEPTAP PEETUUSYEK 35:4

Ak ochopge obee gorikab kwanisiekwok ko u ripsosiekwok, ko u sirutikab Daudi laitoriatab Israel, ak sirutikab Solomon, werinnyi.

2 ATEPTAP PEETUUSYEK 5:11

Ak kingomong’ tisiik eng’ ole tilil, (amu tisiik tugul che kimi yoto, ko kiga kotililgei, ak ma rib ripsosiekwak;

2 ATEPTAP PEETUUSYEK 8:15

Ak kima meto ng’atutietab laitoriat ne king’at tisiik ak Lawik agobo ng’olyot age tugul, anan agobo konoraik.

EZRAH 6:18

Ak kiinde tisiik ko u pcheutikwak, ak Lawik ko u ripsosiekwak, agobo otisietab Kamuktaindet, ne mi Jerusalem; ko u ye sirat eng’ bukuitab Musa.

NEEMIA 12:24

Ak che eechen che bo Lawik ko ki Hasabia, Serebia, ak Jesua weritab Kadmiel, koboto tupchosiekwak che kitokyindos ak icheget, si kolos ak komwaei kongoi, kowaljingei, ko u ng’atutietab Daudi chitab Kamuktaindet.

NEEMIA 12:25

Ak ribikab kurgotik Matania, Bakbukia, Obadia, Mesulam, Talmon, Akub, che kiripsei eng’ chogenikab ormarichok.

NEEMIA 12:36

ak tupchosiekyik, Semaia, Asarel, Milalai, Gilalai, Maai, Netanel, ak Juda, Hanani, kotinyei kibugandinik che bo Daudi chitab Kamuktaindet; ak kiindoe ichek Esra sirindet:

LUKA 1:5

Kimi eng’ betusiek che bo Herod, laitoriatab Judea, tisiindet age ne kigiguure Sakaria, ne bo ripsetab Abija: ak kitinyei osotiot ne kisalu gab Aron, ak kigiguure kainennyi Elisabet.

LUKA 1:8

Ak ye kita koyaei boisietab tiseinatet eng’ taitab Jehovah, ko u tetetab ripsennyi,

POISYONIGAP CHE KIYOKTOI 13:22

Ak kingo kagoisto inendet, kong’eetyi Daudi koek laitoriandenywa; ne kibaorianji agine kole, Kaanyoru Daudi weritab Jesii, chito ne iboiboi muguleldanyu, ne tun yaei magutikyuk tugul.

POISYONIGAP CHE KIYOKTOI 13:36

Amu ye kingo kagoboisiechi Daudi kiruogutikab Jehovah eng’ ibindanyi, konuuch, ak kigitub koboto kwanisiekyik, ak kogeer nunet:

NG'ATUTIK 33:1

Ni kaberuret, ne kiiberur Musa chitab Kamuktaindet lagokab Israel kotom kome,