2 ATEPTAP PEETUUSYEK 7:20 - BUKUIT NE TILIL

²⁰ atutu anyun ichek eng’ emennyu ne kiagochi; ak awirte goi eng’ tainnyu, ne kiatabanji kainennyu, ak ayai koek kalewenet ak atindiot eng’ bororiosiek tugul.

Bukuit Ne Tilil

²⁰ atutu anyun icheek eng' emennyu ne ki agoochi; ak awirte kooi eng' tainnyu ne ki atabaanji kainennyu, ak ayai koek kalewenet ak atindyot eng' pororyosyek tugul.

BUKUIT NE TILIIL Sireet ne Dutero Kanon

²⁰ atutu anyun icheek eng' emennyu ne ki agoochi; ak awirte kooi eng' tainnyu ne ki atabaanji kainennyu, ak ayai koek kalewenet ak atindyot eng' pororyosyek tugul.

2 ATEPTAP PEETUUSYEK 7:20 ပူးပေါင်းရင်းမြစ်များ

1 LAITORINIK 14:15

Kong’eete nguno kobarei Jehovah Israel, ko u ye kitumdumi morong’iot eng’ beek; ak kotut Israel eng’ emoni kararan, ne kiigochi kwanisiekwak, ak koseer kosiir Ainet bitonin; amu kiyachigei Aserik, kotach Jehovah.

1 LAITORINIK 9:7

ang’etoi Israel anyun eng’ emet ne kiagochi; ak goi kiatilil agobo kainennyu, aistoi eng’ tainnyu; si koek Israel kalewenet ak atindiot eng’ bik tugul:

2 LAITORINIK 17:20

Ak kiesio Jehovah keswek tugul che bo Israel, ak konyalil ichek, ak konde eunekab bik che kiluul ichek, agoi kong’eeto ichek koba eng’ tainnyi.

2 ATEPTAP PEETUUSYEK 36:19

Ak kibeel gotab Kamuktaindet, ak kobut irimetab Jerusalem, ak kobeel gorik tugul che bo laitoriat, ak kong’em tuguk tugul che kororon che kimi gorjoto.

TIENWOGIKAL 44:14

Kegonech keegu kalewenet eng’ kwenutab bororiosiek, Ak kolelegoti bik metowek agobo achek.

TIENWOGIKAL 52:5

Ng’emin Kamuktaindet ko u noto koigeny, Istoin, ak kong’usun eng’ meng’ateng’ung’, Ak kotutin eng’ emetab che soptos.

JEREMIA 12:17

Ago ngot ko macham kogas, atutu anyun bororionoto, atutu ak ang’em, mwaei Jehovah.

JEREMIA 16:13

atimdook anyun omande eng’ emoni obe emet ne tom onai, okweget anan kwanisiekwok; ak oot cheptalelisiek che ter eng’ oloto bet ak kemoi; amu marirenok.

JEREMIA 18:7

Eng’ betut ne amwae agobo boror age tugul, ak agobo bounatet age tugul, ale atut, ak abut ak ang’em;

JEREMIA 22:8

Ak kosiirtoe bororiosiek che chang’ nganasani, ak kolenji chi age tugul chitab kokwennyi, Amu nee si koyachi Jehovah ko u ni nganasani o?

JEREMIA 24:9

agoitoi ichek koek che kiwirjin komosi ak komosi eng’ bounatosiek tugul che bo ng’ony si konyor taitiet; koek tewernatet, ak kalewenet, chotisiet ak sasisiet, eng’ komoswek tugul ole aonjini ichek.

JEREMIA 31:28

Ak ko u ye kiarib ichek si kobiit atut ak agabui ak ang’em, ak anyalil, aribe anyun ichek ko u noto si kobiit ateech ak amin, mwaei Jehovah.

JEREMIA 44:8

amu otagena boisionikab eunekwok, obeeljini nyamdutik cheptalelisiek eng’ emetab Misri, ole kiobe otebe; si kobiit kigeswok, ak oegu che kisasei ak che kichotei eng’ bororiosiek tugul che bo ng’ony?

JEREMIA 45:4

Mwachi anyun inendet ko u ni, ilenji, Mwaei Jehovah ko u ni kole: Keero, abute ne kiateech, ak atutu ne kiamin; ak ayae nito eng’ emet komugul.

EZEKIEL 7:24

Amutu anyun bik che yaach mising’ eng’ bororiosiek, ak konam gorikwak kobunji: ak agesu kogeny menotetab che kimen; ak king’wanit komoswekwak che tililen.

KAITOSYEK 32:15

Amu ngomaste omete inendet, kobagaktoi inendet ichek kogeny eng’ ong’atet; ak ong’em bichu tugul.

NG'ATUTIK 28:37

Ak iegu kwong’utiet, ak kalewenet, ak atindiot, eng’ kwenutab bik tugul ole imutyinin Jehovah.

NG'ATUTIK 29:28

kiitut Jehovah ichek komong’ eng’ emenywa eng’ neregek ak eng’ nyitatet, ak eng’ ng’wanindo, koonji emet age ko u rani.

JUDA 1:12

Bichuto ko ruandosiek che ung’otin eng’ igorwekwok che bo chamnyet ye oamisiei tugul, mestowek che amisiei ichegei ama iyweisiei; bolik che matinyei beek, che iboti usonaik; ketik che matinyei logoek, che kigobek konyil aeng’, che kigitut ak tigitik;