2 ATEPTAP PEETUUSYEK 7:14 - BUKUIT NE TILIL

¹⁴ ngot koming’ingei bikyuk, che kemwaitoe kainennyu, ak kosa, ak kocheng’a, ak kolakta ortinwekwak che bo yaitiet; agas anyun eng’ kipsengwet, ak anyochi kaat eng’ tengektanywa, ak asoob emenywa.

Bukuit Ne Tilil

¹⁴ ngot koming'ingei piikyuk che kemwaitoe kainennyu, kosa, kocheeng'a ak kolakta ortinwekwak che po yaityet, agas anyun eng' kipsengwet; ak anyochi kaat eng' tengektonywa ak asoop emennywa.

BUKUIT NE TILIIL Sireet ne Dutero Kanon

¹⁴ ngot koming'ingei piikyuk che kemwaitoe kainennyu, kosa, kocheeng'a ak kolakta ortinwekwak che po yaityet, agas anyun eng' kipsengwet; ak anyochi kaat eng' tengektonywa ak asoop emennywa.

2 ATEPTAP PEETUUSYEK 7:14 ပူးပေါင်းရင်းမြစ်များ

2 ATEPTAP PEETUUSYEK 20:3

Koiywei Jeosapat, ak kogiilgei kocheng’ Jehovah; ak komwaita karugutetab ge eng’ Juda tugul.

2 ATEPTAP PEETUUSYEK 20:4

Ak kiiyumgei Juda tugul kocheng’ toretet eng’ Jehovah: kibwa eng’ nganasok tugul che bo Juda kocheng’ Jehovah.

2 ATEPTAP PEETUUSYEK 6:27

igas anyun eng’ kipsengwet, ak inyochi kaat otwogiguk eng’ tengektanywa, ak ne bo biguk Israel, ye ineti ichek oret ne mie ne nyolu kobendate; ak iyokyi ropta emeng’ung’, ne kiigochi biguk koek borotenywa.

2 ATEPTAP PEETUUSYEK 6:30

igas anyun eng’ kipsengwet oldang’ung’ ole imenye, ak inyochi kaat ak iyaakyi chi age tugul ko u ortinwekyik tugul, ne ingen muguleldanyi; (amu inye inyege ne ingen mugulelwekab werikab bik;)

2 ATEPTAP PEETUUSYEK 6:33

igas anyun eng’ kipsengwet eng’ oldang’ung’ ole imenye, ak iyai ko u tuguk tugul che kaguurjin chichoto bo bororiosiek; si kobiit konai kaineng’ung’ bik tugul che bo ng’ony, ak koiywein, ko u ye iywein biguk Israel, ak si kobiit konai kole goi kiateech kemwaitoe kaineng’ung’.

TIENWOGIKAL 27:8

(Ye kiile,) Ocheng’ togennyu; kilenjin muguleldanyu, Ee Jehovah, acheng’e togeng’ung’.

TIENWOGIKAL 60:2

Kiitumdum emet; ak kiibeet emet: Isoob ole kigobetak; amu botani.

KALEWANAIK 28:13

Manyoru berurto inendet ne unyei bistaosiekyik: Ago nyoru rirenet age tugul ne ng’anyei ak kometo.

ISAIAH 45:19

Tom ang’alal eng’ ung’ot, eng’ komostab emet ne bo mesundeito; ma alenji iyotetab Jakobo, Ocheng’a buch; amwae ane Jehovah imanda, amwae tuguk che litit.

ISAIAH 59:20

Ak konyo katiagindet Sion, ak konyonji ichek che bo Jakobo che metoi bistoet, mwaei Jehovah.

ISAIAH 63:19

Kageige bik che kitom ibou; ko u icheget che ma kimwaitae kaineng’ung’.

JEREMIA 14:9

Amu nee si iige chi ne kakwong’, iige chito ne kim, ne maimuch kosorunis? Ago inye, ee Jehovah, imi kwenunnyo, ak kimwaitaenech kaineng’ung’; amemetech.

JEREMIA 33:6

Ogeero, anyai ak asoobi, ak asoobi ichek; ak ang’ang’ji ichek chang’indab kalyet ak imanda.

JEREMIA 50:4

Bwanei eng’ betusiechoto ak eng’ betunoto, lagokab Israel, icheget ak lagokab Juda, mwaei Jehovah; bendi koririoti, ak kocheng’oti Jehovah Kamuktaindenywa.

JEREMIA 51:9

Kata kimache kisoob Babulon, ago ma sob: omete inendet, ak ongebe, kwo chi tugul emennyi: amu itei kipsengwet kiruogennyi, ak kaginamji barak agoi koit kipsengwet.

JEREMIA 8:22

Tos mami mwanik che kinyaise Gilead? Tos mami chepkerichot oloto? Amu nee anyun si ma sob cheptab bikyuk?

EZEKIEL 33:11

Mwachi ichek ilenji, Ko u ye asobe, mwaei Kiptaiyat Jehovah, ko mabaibaitune meetab kiptengekyot; ago abaibai ngo week kiptengekyot kometo orennyi, ak kosob: oweege, oweege, omete ortinwekwok che yaach; amu nee si obegu, ee gotab Israel?

EZEKIEL 33:12

Ee, inye weritab chi, mwachi lagokab biguk, ilenji, Masoru chito ne bo iman imanda eng’ betutab bistoennyi; ago manamei kiptengekyot tengekto eng’ betut ne kaweek kometo tengektanyi: ama imuchi kosob inendet ne bo iman eng’ imandanyi eng’ betut ne yaei tengekto.

KAITOSYEK 6:27

Indoi anyun ichek kainennyu lagokab Israel ko u noto; ak aberur ichek.

POISYONIGAP CHE KIYOKTOI 9:11

Kolenji Kiptaiyat, Ng’eet, ui oret ne kiguure Ne Litit, ak iteeb eng’ gotab Judas chito ne kiguure Saul, chitab Tarso: keero, saei;

NG'ATUTIK 28:10

Ak kogeer bororiosiek tugul che bo ng’ony kole kiguurtoenen kainetab Jehovah; ak koiywein.