2 ATEPTAP PEETUUSYEK 7:1 - BUKUIT NE TILIL

¹ Ak kingoges Solomon saet, kochorgei mat eng’ kipsengwet, ak kobeel kagochinet ne kibeelei ak korosek; ak kinyi got lilindab Jehovah.

Bukuit Ne Tilil

¹ Ye kingo kes Solomon saaet, kochoorgei maat eng' kipsengwet ak kobeel kagoochinet ne kibeelei ak koroseek, ak ki nyi koot liilindap Kamuktaindet ne Toroor.

BUKUIT NE TILIIL Sireet ne Dutero Kanon

¹ Ye kingo kes Solomon saaet, kochoorgei maat eng' kipsengwet ak kobeel kagoochinet ne kibeelei ak koroseek, ak ki nyi koot liilindap Kamuktaindet ne Toroor.

2 ATEPTAP PEETUUSYEK 7:1 ပူးပေါင်းရင်းမြစ်များ

TAUNET 15:17

Ak kibiit ko u ni, ye kingororoktoi asista, ko kaimenit, kotook mat ne boto iyeto ak mat ne liblibeni ne bunei kwenutab banyechato.

1 LAITORINIK 18:24

Ak oguur kainetab kanamweng’wong’, si aguur kainetab Jehovah: ak Kamuktaindet ne wolu eng’ mat, koek noto Kamuktaindet. Ak kiwol bik tugul kole, Kemwa ne mie.

1 LAITORINIK 18:38

Kochorgei anyun matab Jehovah; ak kobeel kagochinet ne kibeelei, koges, ak kwenik, ak koik, ak ng’ung’unyek, ak kobeel beek che kimi keringet kobek.

1 LAITORINIK 9:1

Ak kingo kagoges Solomon teeksetab gotab Jehovah, koboto gotab laitoriat, ak tuguk tugul che kimachei Solomon koyai,

1 ATEPTAP PEETUUSYEK 21:26

Ak kiteekyi Daudi Jehovah kaptisisiet eng’ yoto, ak kiigoito kagochinoik che kibeelei ak kagochinoikab kalyet, ak kisa Jehovah; ak kiwolji inendet eng’ kipsengwet eng’ mat ne kichorjigei kaptisisiet ne bo kagochinet ne kibeelei.

TIENWOGIKAL 26:8

Ee Jehovah, achame meng’otetab gong’ung’. Ak ole menyei teegistang’ung’.

KOMONG'U 19:18

Ak kiiyeni tulwet komugul ne bo Sinai, amu kichorjigei Jehovah tulwonoto eng’ mat: ak kitogosta iyetanyi ne u ne bo mat ne o mising’, ak kibotan tulwet komugul mising’.

KOMONG'U 29:43

Ak kituiyechini yoto ak lagokab Israel; ak itilili torornatennyu yoto.

ISAIAH 65:24

Ak ye tom koguurso, awolu; ak ye ta kong’alali, agas.

EZEKIEL 43:5

Ak kiganaba Tamirmiriet, ak komutwa anyo seremut ne bo orit; ogeero, kinyi lilindab Jehovah got.

EZEKIEL 44:4

Yeityo komutwa anyo oret ne bo ormarichet ne bo murot ne bo katam eng’ taitab got; ak kiageer, ogeero, kinyi gotab Jehovah lilindab Jehovah: ak kiabut, kot kotiiny toget ng’ony.

DANIEL 9:20

Ak ye kita ang’alali, ak asae, ak ang’anye tengektanyu, ak tengektab bikyuk Israel, ak aibe somennyu kwo taitab Jehovah Kamuktaindennyu agobo tulwet ne tilil ne bo Kamuktaindennyu;

MALAKI 3:4

Si kochamak anyun kagochinetab Juda ak ne bo Jerusalem eng’ Jehovah ko u eng’ betusiek che bo keny, ak eng’ kenyisiek che bo keny.

POISYONIGAP CHE KIYOKTOI 4:31

Ak kingo kagosa, kotumdumgei ole kiga koyumjigei; ak kinyi ichek tugul Tamirmiriet ne Tilil, ak kimwa ng’olyotab Jehovah eng’ nyiganatet.

NG'ANG'UTYET 21:23

Ak mamachei nganaset asista, anan arawet, koluuchi: amu iluuchin lilindab Jehovah, ak tainnyi ko Aruet.

KIRUOGIK 6:21

Ak kiiyogoito malaikaiyatab Jehovah walitab kirokto ne kitinyei eng’ eunnyi, ak kotwae banyechato ak makatinichato ma kinde mermerek; ak kitogosta mat eng’ koyata, kobeel banyek ak makatinichato ma kinde mermerek; yeityo kobetito kwo malaikaiyatab Jehovah eng’ tainnyi ne mata kogeer.